ਮੁੰਬਈ (ਬਿਊਰੋ)— ਸਲਮਾਨ ਖਾਨ ਦੇ ਗੇਮ ਸ਼ੋਅ 'ਦਸ ਕਾ ਦਸ' ਦਾ ਪਹਿਲਾ ਪ੍ਰੋਮੋ ਰਿਲੀਜ਼ ਹੁੰਦੇ ਹੀ ਚਰਚਾ ਦਾ ਵਿਸ਼ਾ ਬਣਾ ਗਿਆ ਅਤੇ ਇਸ 'ਚ ਨਜ਼ਰ ਆਉਣ ਵਾਲੀ ਲੜਕੀ ਵੀ ਰਾਤੋਂ-ਰਾਤ ਸੁਰਖੀਆਂ 'ਚ ਛਾ ਗਈ। ਇਸ ਖੂਬਸੂਰਤ ਲੜਕੀ ਦਾ ਨਾਂ ਹੈ ਯੋਗਿਤਾ ਬਿਹਾਨੀ।
ਸਲਮਾਨ ਖਾਨ ਨਾਲ ਕੁਝ ਸੈਕਿੰਡਜ਼ ਦੇ ਇਸ ਪ੍ਰੋਮੋ ਦਿਖ ਕੇ ਇਹ ਮਾਡਲ ਇੰਨੀ ਹਿੱਟ ਹੋ ਗਈ ਕਿ ਹੈ ਕਿ ਉਸ ਦੀ ਝੋਲੀ 'ਚ ਵੱਡੇ-ਵੱਡੇ ਆਫਰਜ਼ ਆ ਰਹੇ ਹਨ।
ਯੋਗਿਤਾ ਬਿਹਾਨੀ ਨੂੰ ਏਕਤਾ ਕਪੂਰ ਨੇ ਆਪਣੀ ਸੀਰੀਅਲ 'ਦਿਲ ਹੀ ਤੋ ਹੈ' ਲਈ ਸਾਈਨ ਕਰ ਲਿਆ ਹੈ। ਇਹ ਸੀਰੀਅਲ ਸ਼ਾਹਰੁਖ ਖਾਨ ਅਤੇ ਕਾਜੋਲ ਦੀ ਸੁਪਰਹਿੱਟ ਫਿਲਮ 'ਕਭੀ ਖੁਸ਼ੀ ਕਭੀ ਗਮ' ਦਾ ਰੀਮੇਕ ਹੈ। ਸੂਤਰਾਂ ਮੁਤਾਬਕ ਏਕਤਾ ਨੇ ਇਸ ਸ਼ੋਅ ਲਈ ਕਰਨ ਕੁੰਦਰਾ ਨੂੰ ਵੀ ਕਾਸਟ ਕੀਤਾ ਹੈ।
ਏਕਤਾ ਕਪੂਰ ਦੇ ਸ਼ੋਅ 'ਚ ਕੰਮ ਮਿਲਣ 'ਤੇ ਯੋਗਿਤਾ ਨੇ ਕਿਹਾ, ''ਉਂਝ ਤਾਂ ਮੈਂ ਕਾਫੀ ਸਮੇਂ ਤੋਂ ਐਕਟਿੰਗ 'ਚ ਕਿਸਮਤ ਅਜ਼ਮਾ ਰਹੀ ਸੀ ਪਰ ਇਕ ਹੀ ਮਹੀਨੇ 'ਚ ਮੈਨੂੰ ਇੰਨੇ ਵੱਡੇ ਮੌਕੇ ਮਿਲੇ ਕਿ ਮੈਂ ਸੱਤਵੇਂ ਆਸਮਾਨ 'ਤੇ ਪਹੁੰਚ ਗਈ ਹਾਂ।'' ਉਸ ਨੇ ਕਿਹਾ, ''ਸਲਮਾਨ ਖਾਨ ਨਾਲ ਕੰਮ ਕਰਨਾ ਮੇਰੀ ਹੁਣ ਤੱਕ ਦੀ ਜ਼ਿੰਦਗੀ ਦਾ ਬੈਸਟ ਅਨੁਭਵ ਰਿਹਾ ਹੈ।
ਹਰ ਐਕਟਰ ਚਾਹੁੰਦਾ ਹੈ ਕਿ ਕਰੀਅਰ 'ਚ ਘੱਟ ਤੋਂ ਘੱਟ ਇਕ ਵਾਰ ਉਸ ਨੂੰ ਇਹ ਮੌਕਾ ਮਿਲੇ।'' ਏਕਤਾ ਕਪੂਰ ਦਾ ਇਹ ਸੀਰੀਅਲ ਇਕ ਅਮੀਰ ਘਰਾਣੇ ਦੀ ਕਹਾਣੀ ਹੈ, ਜਿਨ੍ਹਾਂ ਦਾ ਕਾਫੀ ਵੱਡਾ ਕਾਰੋਬਾਰ ਹੋਵੇਗਾ। ਸ਼ੋਅ 'ਚ ਯੋਗਿਤਾ ਬਿਹਾਨੀ ਅਤੇ ਕਰਨ ਕੁੰਦਰਾ ਦੀ ਜੋੜੀ ਦਿਖੇਗੀ।
ਇਨ੍ਹਾਂ ਤੋਂ ਇਲਾਵਾ ਸ਼ੋਅ 'ਚ ਅਕਸ਼ੈ ਡੋਗਰਾ, ਸੁਦੀਪਾ ਸਿੰਘ ਅਤੇ ਬਿਜੌਏ ਆਨੰਦ ਵੀ ਨਜ਼ਰ ਆਉਣਗੇ। ਇਸ ਸ਼ੋਅ ਸੋਨੀ ਟੀ. ਵੀ. 'ਤੇ ਪ੍ਰਸਾਰਿਤ ਹੋਵੇਗਾ। ਯੋਗਿਤਾ ਬਿਹਾਨੀ ਨੇ ਹਾਲ ਹੀ 'ਚ ਸਾਊਥ ਦੇ ਸੁਪਰਸਟਾਰ ਨਾਗਾਅਰਜੁਨ ਨਾਲ ਇਕ ਜਿਊਲਰੀ ਬ੍ਰਾਂਡ ਲਈ ਵਿਗਿਆਪਣ ਦੀ ਸ਼ੂਟਿੰਗ ਕੀਤੀ ਹੈ। ਯੋਗਿਤਾ ਮਿਸ ਇੰਡਿਆ ਪੇਜੇਂਟ 'ਚ ਵੀ ਹਿੱਸਾ ਲੈ ਚੁੱਕੀ ਹੈ।
