ਕੈਲੀਫੋਰਨੀਆ (ਬਿਊਰੋ)— ਐਡਲਟ ਫਿਲਮ ਅਭਿਨੇਤਰੀ ਅਗਸਟ ਏਮਸ ਮੰਗਲਵਾਰ ਨੂੰ ਆਪਣੇ ਘਰ 'ਚ ਮ੍ਰਿਤਕ ਮਿਲੀ। ਅਮਰੀਕਾ ਦੇ ਕੈਲੀਫੋਰਨੀਆ 'ਚ ਰਹਿ ਰਹੀ ਅਗਸਟ ਦੀ ਮੌਤ ਦੀ ਪੁਸ਼ਟੀ ਮੈਡੀਕਲ ਅਫਸਰ ਨੇ ਕੀਤੀ। ਪੁਲਸ ਨੇ ਮੌਤ ਦੇ ਕਾਰਨ ਦਾ ਖੁਲਾਸਾ ਤਾਂ ਨਹੀਂ ਕੀਤਾ ਹੈ ਪਰ ਕਿਹਾ ਜਾ ਰਿਹਾ ਹੈ ਕਿ ਅਗਸਟ ਨੇ ਆਤਮ-ਹੱਤਿਆ ਕੀਤੀ ਹੈ। ਉਹ ਪਿਛਲੇ ਦਿਨੀਂ ਸੋਸ਼ਲ ਮੀਡੀਆ 'ਤੇ ਟਰੋਲਜ਼ ਦਾ ਸ਼ਿਕਾਰ ਹੋਈ ਸੀ।
ਫਿਲਮ 'ਚ ਕੰਮ ਕਰਨ ਤੋਂ ਕੀਤਾ ਸੀ ਮਨ੍ਹਾ ਅਗਸਟ ਨੇ ਪਿਛਲੇ ਦਿਨੀਂ ਸੋਸ਼ਲ ਮੀਡੀਆ 'ਤੇ ਲਿਖਿਆ ਸੀ ਕਿ ਉਹ ਅਜਿਹੇ ਸ਼ਖਸ ਨਾਲ ਕੰਮ ਨਹੀਂ ਕਰੇਗੀ, ਜਿਸ ਨੇ ਪਹਿਲਾਂ ਗੇਅ ਪੋਰਨ 'ਚ ਕੰਮ ਕੀਤਾ ਹੈ। ਉਸ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ ਸੀ, 'ਜੋ ਵੀ ਕੱਲ ਦੇ ਸ਼ੋਅ 'ਚ ਮੈਨੂੰ ਰਿਪਲੇਸ ਕਰ ਰਹੀ ਹੈ, ਉਹ ਅਜਿਹੇ ਸ਼ਖਸ ਨਾਲ ਕੰਮ ਕਰੇਗੀ, ਜੋ ਗੇਅ ਪੋਰਨ ਦਾ ਹਿੱਸਾ ਰਿਹਾ ਹੈ।'
ਹੋਮੋਫੋਬਿਕ ਹੋਣ ਦਾ ਲੱਗਾ ਸੀ ਦੋਸ਼ ਇਸ ਤੋਂ ਬਾਅਦ ਅਗਸਟ 'ਤੇ ਹੋਮੋਫੋਬਿਕ ਹੋਣ ਦਾ ਦੋਸ਼ ਲੱਗਾ ਸੀ। ਸੋਸ਼ਲ ਮੀਡੀਆ 'ਤੇ ਲੋਕਾਂ ਨੇ ਉਸ ਕੋਲੋਂ ਪੁੱਛਿਆ ਸੀ ਕਿ ਕੀ ਉਹ ਹੋਮੋਫੋਬਿਕ ਹੈ। ਇਸ ਦੇ ਜਵਾਬ 'ਚ ਅਗਸਟ ਨੇ ਲਿਖਿਆ ਸੀ, 'ਮੈਂ ਹੋਮੋਫੋਬਿਕ ਨਹੀਂ ਹਾਂ। ਜ਼ਿਆਦਾਤਰ ਲੜਕੀਆਂ ਉਨ੍ਹਾਂ ਲੜਕਿਆਂ ਨਾਲ ਕੰਮ ਨਹੀਂ ਕਰਦੀਆਂ, ਜਿਨ੍ਹਾਂ ਨੇ ਗੇਅ ਪੋਰਨ 'ਚ ਕੰਮ ਕੀਤਾ ਹੋਵੇ। ਅਜਿਹਾ ਲੜਕੀਆਂ ਸੁਰੱਖਿਆ ਕਾਰਨਾਂ ਕਰਕੇ ਕਰਦੀਆਂ ਹਨ। ਪਤਾ ਨਹੀਂ ਉਹ ਲੋਕ ਆਪਣੀ ਨਿੱਜੀ ਜ਼ਿੰਦਗੀ 'ਚ ਕੀ ਕਰਦੇ ਹੋਣਗੇ।' ਆਤਮ-ਹੱਤਿਆ ਦਾ ਸ਼ੱਕ ਉਸ ਦੇ ਇਸ ਟਵੀਟ ਤੋਂ ਬਾਅਦ ਲੋਕ ਉਸ ਨੂੰ ਟਰੋਲ ਕਰਨ ਲੱਗੇ ਸਨ। ਇਕ ਮੈਗਜ਼ੀਨ ਨੂੰ ਦਿੱਤੇ ਇੰਟਰਵਿਊ 'ਚ ਉਸ ਨੇ ਖੁਦ ਦੇ ਡਿਪ੍ਰੈਸ਼ਨ 'ਚ ਹੋਣ ਦੀ ਗੱਲ ਵੀ ਆਖੀ ਸੀ। ਕਿਹਾ ਜਾ ਰਿਹਾ ਹੈ ਕਿ ਉਸ ਨੇ ਡਿਪ੍ਰੈਸ਼ਨ ਦੇ ਚਲਦਿਆਂ ਹੀ ਆਤਮ-ਹੱਤਿਆ ਕੀਤੀ ਹੈ।