ਸਿਡਨੀ/ਪਰਥ (ਅਰਸ਼ਦੀਪ)— 24 ਜੂਨ ਨੂੰ ਪਲੈਟੀਨਮ ਬਲੂ ਬੈਲਕੈਟਾ, ਪਰਥ ਵਿਖੇ 'ਦੇਸੀ ਸਵੈਗ' ਲਾਈਵ ਸ਼ੋਅ ਕਰਵਾਇਆ ਗਿਆ। ਇਸ ਦੌਰਾਨ ਪ੍ਰੀਤ ਹਰਪਾਲ, ਸੁਨੰਦਾ ਸ਼ਰਮਾ ਤੇ ਅਖਿਲ ਨੇ ਆਪਣੇ ਖੂਬਸੂਰਤ ਗੀਤਾਂ ਨਾਲ ਸਮਾਂ ਬੰਨ੍ਹ ਕੇ ਰੱਖ ਦਿੱਤਾ। ਪ੍ਰੀਤ ਹਰਪਾਲ ਨੇ ਪੇਸ਼ਕਾਰੀ ਦੌਰਾਨ ਖੂਬ ਰੌਣਕਾਂ ਲਗਾਈਆਂ ਤੇ ਬੱਚਿਆਂ ਤੇ ਨੌਜਵਾਨਾਂ ਸਮੇਤ ਬਜ਼ੁਰਗਾਂ ਨੂੰ ਵੀ ਨੱਚਣ 'ਤੇ ਮਜਬੂਰ ਕਰ ਦਿੱਤਾ। ਦੱਸਣਯੋਗ ਹੈ ਕਿ 'ਦੇਸੀ ਸਵੈਗ' ਪ੍ਰੋਗਰਾਮ ਪਰੁਲ ਨਾਗਪਾਲ ਤੇ ਗੁਰਪ੍ਰੀਤ ਖੇਤਲਾ ਵਲੋਂ ਕਰਵਾਇਆ ਜਾ ਰਿਹਾ ਹੈ। ਉਨ੍ਹਾਂ ਦਾ ਮਕਸਦ ਵਿਦੇਸ਼ਾਂ 'ਚ ਵੱਸਦੇ ਪੰਜਾਬੀਆਂ ਨੂੰ ਭਾਈਚਾਰੇ ਤੇ ਸੱਭਿਆਚਾਰ ਨਾਲ ਜੋੜ ਕੇ ਰੱਖਣਾ ਹੈ। ਦੱਸਣਯੋਗ ਹੈ ਕਿ ਇਸ ਲੜੀ ਤਹਿਤ ਅਗਲਾ ਪ੍ਰੋਗਰਾਮ 25 ਜੂਨ ਯਾਨੀ ਅੱਜ ਐਡੀਲੈਡ ਵਿਖੇ ਹੋਵੇਗਾ।