ਮੁੰਬਈ (ਬਿਊਰੋ)— 'ਨਾਗਿਨ 3' ਤੇ 'ਯੇ ਹੈ ਮੁਹੱਬਤੇਂ' ਦੀ ਅਦਾਕਾਰਾ ਅਨੀਤਾ ਹੰਸਨੰਦਾਨੀ ਨੇ ਹਾਲ ਹੀ 'ਚ ਇਕ ਵੱਡਾ ਫਲੈਟ ਖਰੀਦਿਆ ਹੈ। ਅਨੀਤਾ ਨੇ ਆਪਣੇ ਇਸ ਫਲੈਟ 'ਚ ਇਕ ਸ਼ਾਨਦਾਰ ਪਾਰਟੀ ਵੀ ਰੱਖੀ, ਜਿਸ 'ਚ ਇੰਡਸਟਰੀ ਤੋਂ ਉਸ ਦੇ ਨਜ਼ਦੀਕੀ ਦੋਸਤ ਪਹੁੰਚੇ। ਅਨੀਤਾ ਤੇ ਰੋਹਿਤ ਰੈੱਡੀ ਦੀ ਇਸ ਪਾਰਟੀ 'ਚ 'ਯੇ ਹੈ ਮੁਹੱਬਤੇਂ' ਦੇ ਰਮਨ ਭੱਲਾ ਤੇ ਉਨ੍ਹਾਂ ਦੀ ਗਰਭਵਤੀ ਪਤਨੀ ਅੰਕਿਤਾ ਭਾਰਗਵ ਵੀ ਪਹੁੰਚੇ। ਇਸ ਤੋਂ ਇਲਾਵਾ ਟੀ. ਵੀ. ਕੁਈਨ ਏਕਤਾ ਕਪੂਰ ਵੀ ਇਸ ਪਾਰਟੀ 'ਚ ਸ਼ਰੀਕ ਹੋਈ ਤੇ ਉਸ ਨੇ ਇਕ ਸ਼ਾਨਦਾਰ ਤਸਵੀਰ ਸ਼ੇਅਰ ਕਰਕੇ ਅਨੀਤਾ ਤੇ ਉਸ ਦੇ ਪਤੀ ਰੋਹਿਤ ਨੂੰ ਨਵੇਂ ਫਲੈਟ ਦੀ ਵਧਾਈ ਦਿੱਤੀ।
ਦੱਸਣਯੋਗ ਹੈ ਕਿ ਅਨੀਤਾ ਏਕਤਾ ਕਪੂਰ ਦੇ ਬੇਹੱਦ ਨਜ਼ਦੀਕ ਮੰਨੀ ਜਾਂਦੀ ਹੈ ਤੇ ਉਹ ਹੁਣ ਉਸ ਦੇ ਅਗਲੇ ਸ਼ੋਅ 'ਨਾਗਿਨ 3' 'ਚ ਵੀ ਨਾਗਿਨ ਦੇ ਕਿਰਦਾਰ 'ਚ ਨਜ਼ਰ ਆਵੇਗੀ।
ਅਨੀਤਾ ਤੇ ਰੋਹਿਤ ਲੰਮੇ ਸਮੇਂ ਤੋਂ ਇਕ ਚੰਗੇ ਫਲੈਟ ਦੀ ਤਲਾਸ਼ 'ਚ ਸਨ। ਉਨ੍ਹਾਂ ਦੇ ਇਸ ਨਵੇਂ ਫਲੈਟ 'ਚ ਫਰੈਂਚ ਵਿੰਡੋ ਮੌਜੂਦ ਹੈ, ਜੋ ਅਨੀਤਾ ਦੀ ਖਵਾਹਿਸ਼ ਸੀ। ਇਸ ਤੋਂ ਇਲਾਵਾ ਇਹ ਫਲੈਟ ਅਨੀਤਾ ਦੀ ਮਾਂ ਦੇ ਘਰ ਦੇ ਕਾਫੀ ਨਜ਼ਦੀਕ ਹੈ।