ਮੁੰਬਈ (ਬਿਊਰੋ)— 'ਬਿੱਗ ਬੌਸ 10' ਦੀ ਮੁਕਾਬਲੇਬਾਜ਼ ਤੇ ਭੋਜਪੁਰੀ ਸਟਾਰ ਮੋਨਾਲੀਸਾ ਉਰਫ ਅੰਤਰਾ ਬਿਸ਼ਵਾਸ ਇਸ ਗਰਮੀ 'ਚ ਵੀ ਤਾਮਪਾਨ ਨੂੰ ਹੋਰ ਵਧਾ ਰਹੀ ਹੈ। ਇਹ ਖੂਬਸੂਰਤ ਅਭਿਨੇਤਰੀ 'ਡੁਪੁਰ ਠਾਕੁਰਪੋ' ਸੀਜ਼ਨ 2 'ਚ ਬੇਹੱਦ ਗਲੈਮਰੈੱਸ ਅੰਦਾਜ਼ 'ਚ ਨਜ਼ਰ ਆਵੇਗੀ। ਦੱਸਣਯੋਗ ਹੈ ਕਿ ਇਹ ਬੰਗਾਲੀ ਵੈੱਬ ਸੀਰੀਜ਼ ਹੈ, ਜਿਸ 'ਚ ਮੋਨਾਲੀਸਾ ਆਪਣੀ ਹੌਟਨੈੱਸ ਦਾ ਜਾਦੂ ਬਿਖੇਰਨ ਲਈ ਤਿਆਰ ਹੈ।
A post shared by MONALISA (@aslimonalisa) on May 20, 2018 at 1:22am PDT
ਮੋਨਾਲੀਸਾ ਨੇ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜੋ ਅਸਲ 'ਚ ਉਸ ਦੀ ਵੈੱਬ ਸੀਰੀਜ਼ ਦਾ ਹੋਲੀ 'ਤੇ ਆਧਾਰਿਤ ਗੀਤ ਹੈ। ਇਸ ਵੀਡੀਓ 'ਚ ਮੋਨਾਲੀਸਾ ਸਫੈਦ ਸ਼ਿਫਾਨ ਸਾੜ੍ਹੀ 'ਚ ਨਜ਼ਰ ਆ ਰਹੀ ਹੈ ਤੇ ਉਸ ਦੇ ਡਾਂਸਿੰਗ ਮੂਵਜ਼ ਨੂੰ ਤੁਸੀਂ ਦੇਖਦੇ ਰਹਿ ਜਾਓਗੇ। ਮੋਨਾਲੀਸਾ ਨੂੰ 'ਬਿੱਗ ਬੌਸ 10' 'ਚ ਹਿੱਸਾ ਲੈਣ ਤੋਂ ਬਾਅਦ ਘਰ-ਘਰ 'ਚ ਪਛਾਣ ਮਿਲੀ। ਉਸ ਨੇ 'ਬਿੱਗ ਬੌਸ 10' ਦੇ ਘਰ ਅੰਦਰ ਹੀ ਕੋ-ਸਟਾਰ ਵਿਕ੍ਰਾਂਤ ਸਿੰਘ ਰਾਜਪੂਤ ਨਾਲ ਵਿਆਹ ਕਰਵਾਇਆ ਤੇ ਉਸ ਦਾ ਵਿਆਹ ਨੈਸ਼ਨਲ ਟੀ. ਵੀ. 'ਤੇ ਦਿਖਾਇਆ ਗਿਆ ਸੀ। ਦੱਸਣਯੋਗ ਹੈ ਕਿ ਮੋਨਾਲੀਸਾ ਭੋਜਪੁਰੀ ਫਿਲਮ ਇੰਡਸਟਰੀ ਦਾ ਮੰਨਿਆ-ਪ੍ਰਮੰਨਿਆ ਨਾਂ ਹੈ। ਮੋਨਾਲੀਸਾ ਭੋਜਪੁਰੀ ਫਿਲਮ ਇੰਡਸਟਰੀ ਦੀ ਸਭ ਤੋਂ ਵੱਧ ਫੀਸ ਹਾਸਲ ਕਰਨ ਵਾਲੀ ਅਭਿਨੇਤਰੀ ਹੈ। ਉਸ ਨੇ 2008 'ਚ 'ਭੋਲੇ ਸ਼ੰਕਰ' ਫਿਲਮ ਨਾਲ ਇੰਡਸਟਰੀ 'ਚ ਕਦਮ ਰੱਖਿਆ ਸੀ ਤੇ ਇਸ ਤੋਂ ਬਾਅਦ ਲਗਾਤਾਰ ਉਹ ਕਈ ਸੁਪਰਹਿੱਟ ਫਿਲਮਾਂ ਦਾ ਹਿੱਸਾ ਰਹੀ ਹੈ।