ਮੁੰਬਈ— ਗੁਰਮੀਤ ਰਾਮ ਰਹੀਮ ਦੀ ਗੋਦ ਲਈ ਧੀ ਤੇ ਹਮਰਾਜ ਹਨੀਪ੍ਰੀਤ ਇੰਸਾ ਦੀ ਚੱਪੇ-ਚੱਪੇ 'ਤੇ ਹਰਿਆਣਾ ਪੁਲਸ ਦਿਨ-ਰਾਤ ਭਾਲ ਕਰ ਰਹੀ ਹੈ ਪਰ ਅਜੇ ਤੱਕ ਕੋਈ ਕਾਮਯਾਬੀ ਨਹੀਂ ਮਿਲੀ। ਹਾਲ ਹੀ 'ਚ ਬਾਲੀਵੁੱਡ ਅਦਾਕਾਰਾ ਰਾਖੀ ਸਾਵੰਤ ਨੇ ਹਨੀਪ੍ਰੀਤ ਨੂੰ ਲੈ ਕੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ, ਜਿਸ ਨੂੰ ਸੁਣ ਕੇ ਤੁਸੀਂ ਵੀ ਹੈਰਾਨ ਹੋ ਜਾਓਗੇ।
ਰਾਖੀ ਨੇ ਕੀਤਾ ਦਾਅਵਾ ਆਇਆ ਹਨੀਪ੍ਰੀਤ ਦਾ ਫੋਨ
ਰਾਖੀ ਸਾਵੰਤ ਨੇ ਮੀਡੀਆ ਨਾਲ ਗੱਲਬਾਤ 'ਚ ਕਿਹਾ ਕਿ ਮੈਨੂੰ ਦੋ ਦਿਨ ਪਹਿਲਾ ਹੀ ਹਨੀਪ੍ਰੀਤ ਦਾ ਫੋਨ ਆਇਆ ਸੀ। ਰਾਖੀ ਨੇ ਅੱਗੇ ਖੁਲਾਸਾ ਕਰਦੇ ਹੋਏ ਕਿਹਾ ਕਿ ਹਨੀਪ੍ਰੀਤ ਨੇ ਫੋਨ ਤੇ ਮੈਨੂੰ ਕਿਹਾ ਕਿ, ''ਤੂੰ ਮੇਰੀ ਦੋਸਤ ਹੈ, ਤੇਰੇ ਕੋਲੋਂ ਇਹ ਉਮੀਦ ਨਹੀਂ ਸੀ ਕਿ ਮੇਰੇ 'ਤੇ ਫਿਲਮ ਬਣਾਵੇਗੀ।'' ਰਾਖੀ ਨੇ ਅੱਗੇ ਕਿਹਾ, ਹਨੀਪ੍ਰੀਤ ਚਾਰ ਸਾਲ ਤੋਂ ਮੇਰੀ ਦੋਸਤ ਸੀ। ਉਸ ਨੇ ਹੀ ਹਨੀਪ੍ਰੀਤ ਨੂੰ ਐਕਟਿੰਗ, ਡਾਂਸਿੰਗ ਤੇ ਸਟਾਈਲਿਸ਼ ਸਿਖਾਈ ਹੈ। ਉਸ ਨੇ ਹੀ ਹਨੀਪ੍ਰੀਤ ਨੂੰ ਪੀ. ਆਰ. ਕੰਪਨੀ ਵੀ ਉਪਲੱਬਧ ਕਰਵਾਈ ਸੀ।
ਫਿਲਮੀ ਪਰਦੇ 'ਤੇ ਰਾਮ ਰਹੀਮ ਤੇ ਹਨੀਪ੍ਰੀਤ ਦੀ ਅਯਾਸ਼ੀ ਆਵੇਗੀ ਨਜ਼ਰ
ਬਾਬਾ ਗੁਰਮੀਤ ਰਾਮ ਰਹੀਮ ਸਿੰਘ ਦੇ ਜੀਵਨ 'ਤੇ ਆਧਾਰਿਤ ਫਿਲਮ ਬਣ ਰਹੀ ਹੈ। ਇਸ ਫਿਲਮ 'ਚ ਰਾਮ ਰਹੀਮ ਦੇ ਤਿਨਕੇ ਤੋਂ ਤਾਜ ਤੇ ਫਿਰ ਤਾਜ ਤੋਂ ਜੇਲ ਪਿੱਛੇ ਜਾਣ ਦਾ ਸਫਰ ਨੂੰ ਦਿਖਾਇਆ ਜਾਵੇਗਾ। ਮੇਕਰਸ ਦਾ ਕਹਿਣਾ ਹੈ ਕਿ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਸੂਤਰਾਂ ਮੁਤਾਬਕ ਇਸ ਫਿਲਮ 'ਚ ਰਜ਼ਾ ਮੁਰਾਦ ਰਾਮ ਰਹੀਮ ਦਾ ਕਿਰਦਾਰ ਨਿਭਾਉਣਗੇ ਤੇ ਹਮੇਸ਼ਾ ਵਿਵਾਦਾਂ 'ਚ ਘਿਰੀ ਰਹਿਣ ਵਾਲੀ ਅਦਾਕਾਰਾ ਰਾਖੀ ਸਾਵੰਤ ਹਨੀਪ੍ਰੀਤ ਇੰਸਾ ਦਾ ਕਿਰਦਾਰ ਨਿਭਾਏਗੀ।