ਮੁੰਬਈ(ਬਿਊਰੋ)— ਰੇਪ ਮਾਮਲੇ 'ਚ 20 ਸਾਲ ਦੀ ਸਜ਼ਾ ਕੱਟ ਰਹੇ ਰਾਮ ਰਹੀਮ 'ਤੇ ਇਕ ਫਿਲਮ ਬਣ ਰਹੀ ਹੈ, ਜੋ ਕਾਫੀ ਚਰਚਾ 'ਚ ਹੈ। ਬਾਲੀਵੁੱਡ ਅਦਾਕਾਰਾ ਰਾਖੀ ਸਾਵੰਤ ਇਸ ਫਿਲਮ 'ਚ ਮੁੱਖ ਭੂਮਿਕਾ ਨਿਭਾਅ ਰਹੀ ਹੈ। ਰਾਖੀ ਸਾਵੰਤ ਦਾ ਕਹਿਣਾ ਹੈ ਕਿ ਉਹ ਵੀ ਬਾਬੇ ਦੇ ਡੇਰੇ ਦੀ ਗੁਫਾ 'ਚ ਵੀ ਜਾ ਚੁੱਕੀ ਹੈ।
ਇੰਨਾ ਹੀ ਨਹੀਂ ਰਾਖੀ ਦੀ ਮੰਨੀਏ ਤਾਂ ਉਸ ਦੀ ਨੇੜਤਾ ਦੀ ਵਜ੍ਹਾ ਕਾਰਨ ਹਨੀਪ੍ਰੀਤ ਖੁਦ ਨੂੰ ਅਸਹਿਜ ਮਹਿਸੂਸ ਕਰਨ ਲੱਗੀ ਸੀ। ਉਹ ਰਾਖੀ ਨੂੰ ਆਪਣੀ ਸੌਂਕਣ ਸਮਝਨ ਲੱਗੀ ਸੀ। ਰਾਖੀ ਨੇ ਇਹ ਖੁਲਾਸਾ ਹਾਲ ਹੀ 'ਚ ਇਕ ਇੰਟਰਵਿਊ ਦੌਰਾਨ ਕੀਤਾ ਹੈ।
ਫਿਲਮ 'ਅਬ ਹੋਗਾ ਇਨਸਾਫ' ਦਾ ਸੈੱਟ ਨਵੀਂ ਦਿੱਲੀ 'ਚ ਡੇਰਾ ਮੁੱਖੀ ਸੱਚਾ ਸੌਦਾ ਸਿਰਸਾ ਦੀ ਤਰਜ 'ਤੇ ਸੈੱਟ ਲਾਇਆ ਜਾਵੇਗਾ। ਇਸ ਡੇਰੇ ਦੇ ਨਿਰਮਾਣ 'ਤੇ ਦੋ ਕਰੋੜ ਦੀ ਲਾਗਤ ਆਵੇਗੀ।
ਰਾਖੀ ਨੂੰ ਰਾਜਨੀਤੀ ਜੁਆਇਨ ਕਰਵਾਉਣਾ ਚਾਹੁੰਦਾ ਸੀ ਰਾਮ ਰਹੀਮ
ਉਂਝ ਤਾਂ ਰਾਖੀ ਸਾਵੰਤ ਖੁਦ ਦੀ ਪਾਰਟੀ ਬਣਾ ਕੇ ਰਾਜਨੀਤੀ 'ਚ ਆ ਚੁੱਕੀ ਹੈ ਪਰ ਇਕ ਸਮਾਂ ਸੀ ਜਦੋਂ ਰਾਮ ਰਹੀਮ ਨੇ ਰਾਖੀ ਨੂੰ ਰਾਜਨੀਤੀ ਨਾਲ ਜੁੜਨ ਦੀ ਸਲਾਹ ਦਿੱਤੀ ਸੀ। ਬਕੌਲ ਰਾਖੀ, ''ਮੈਂ ਰਾਮ ਰਹੀਮ ਨੂੰ ਕਈ ਵਾਰ ਮਿਲ ਚੁੱਕੀ ਹਾਂ। ਉਸ ਨੇ ਖੁਦ ਮੈਨੂੰ ਕਿਹਾ ਸੀ ਕਿ ਮੈਂ ਰਾਜਨੀਤੀ ਸੱਤਾ ਨੂੰ ਜੁਆਇਨ ਕਰਾਂ। ਉਹ ਮੈਨੂੰ ਸਿਰਸਾ ਲੈ ਗਿਆ ਸੀ ਤੇ ਮੈਂ ਡੇਰੇ 'ਚ ਉਸ ਦੀ ਗੁਫਾ ਤੱਕ ਵੀ ਗਈ ਸੀ।
ਮੈਂ ਹਨੀਪ੍ਰੀਤ ਤੋਂ ਜ਼ਿਆਦਾ ਖੂਬਸੂਰਤ : ਰਾਖੀ ਸਾਵੰਤ
ਰਾਖੀ ਨੇ ਅੱਗੇ ਦੱਸਿਆ ਹੈ ਕਿ, ''ਬਾਬੇ ਨੇ ਮੈਨੂੰ ਆਪਣੀ ਜਨਮਦਿਨ ਪਾਰਟੀ 'ਚ ਸ਼ਾਮਲ ਹੋਣ ਲਈ ਡੇਰੇ 'ਚ ਬੁਲਾਇਆ ਸੀ। ਉਸ ਸਮੇਂ ਮੇਰੀਆਂ ਤੇ ਰਾਮ ਰਹੀਮ ਨਜ਼ਦੀਕੀਆਂ ਦੇਖ ਹਨੀਪ੍ਰੀਤ ਅਸਹਿਜ ਮਹਿਸੂਸ ਕਰਨ ਲੱਗੀ ਸੀ। ਉਹ ਉਸ ਸਮੇਂ ਇਹ ਸੋਚਦੀ ਸੀ ਕਿ ਮੈਂ ਉਸ ਦੀ ਸੌਂਕਨ ਬਣ ਗਈ ਹਾਂ।'' ਇਸ ਤੋਂ ਇਲਾਵਾ ਰਾਖੀ ਨੇ ਕਿਹਾ, ਹਨੀਪ੍ਰੀਤ ਖੂਬਸੂਰਤ ਹੈ ਪਰ ਮੈਂ ਉਸ ਤੋਂ ਕਿਤੇ ਜ਼ਿਆਦਾ ਸੋਹਣੀ ਹੈ।