ਮੰਬਾਈ— ਈ. ਡੀ. ਨੇ ਕੋਲਕਾਤਾ ਨਾਇਟ ਰਾਈਡਰਸ ਦੇ ਮਾਲਕ ਬਾਲੀਵੁੱਡ ਅਭਿਨੇਤਾ ਸ਼ਾਹਰੁਖ ਖਾਨ ਨੂੰ ਫੇਮਾ ਕਾਨੂੰਨ ਦੇ ਉਲੰਘਣ ਦੇ ਮਾਮਲੇ 'ਚ ਸੰਮਨ ਜਾਰੀ ਕੀਤਾ ਹੈ। ਈ. ਡੀ. ਨੇ ਸ਼ਾਹਰੁਖ ਖਾਨ ਨੂੰ 23 ਜੁਲਾਈ ਨੂੰ ਪੇਸ਼ ਹੋਣ ਦਾ ਆਦੇਸ਼ ਦਿੱਤਾ ਹੈ। ਸ਼ਾਹਰੁਖ 'ਤੇ ਦੋਸ਼ ਹੈ ਕਿ ਨਾਇਟ ਰਾਈਡਰਸ ਸਪੋਰਟਸ ਪ੍ਰਾਈਵੇਟ ਲਿਮਿਟੇਡ, ਗੌਰੀ ਖਾਨ, ਸ਼ਾਹਰੁਖ ਅਤੇ ਜੂਹੀ ਚਾਵਾਲਾ ਨੇ ਫੇਮਾ ਦੇ ਨਿਯਮਾਂ ਦਾ ਉਲੰਘਣ ਕੀਤਾ ਹੈ। ਉਨ੍ਹਾਂ ਨੇ ਫੇਮਾ ਦੇ ਨਿਯਮਾਂ ਖਿਲਾਫ ਜਾ ਕੇ ਭਾਰਤ ਤੋਂ ਬਾਹਰ ਰਹਿਣ ਵਾਲੇ ਵਿਅਕਤੀਆਂ ਨੂੰ ਸ਼ੇਅਰ ਟਰਾਂਸਫਰ ਕੀਤਾ।
ਅਫਸਰਾਂ ਦੀ ਮੰਨੀਏ ਤਾਂ ਇਸ ਦੇ ਚੱਲਦੇ 73.6 ਰੁਪਏ ਦੀ ਫਾਰਨ ਕਰੰਸੀ ਦਾ ਨੁਕਸਾਨ ਹੋਇਆ ਹੈ। ਅਫਸਰਾਂ ਨੇ ਇਹ ਵੀ ਦੱਸਿਆ ਕਿ ਸ਼ਾਹਰੁਖ ਨੂੰ 23 ਅਗਸਤ ਨੂੰ ਅਥਾਰਟੀ ਦੇ ਸਾਹਮਣੇ ਪੇਸ਼ ਹੋਣ ਲਈ ਕਿਹਾ ਗਿਆ ਹੈ। ਇਸ ਮਾਮਲੇ ਦੀ ਸੁਣਵਾਈ ਕਰਨ ਵਾਲਾ ਏਜੰਸੀ ਦਾ ਸਪੈਸ਼ਲ ਆਫਸਰ ਹੈ।
ਅਥਾਰਟੀ ਨੇ ਦੋਸ਼ੀਆਂ ਨੂੰ ਨੋਟਿਸ ਜਾਰੀ ਕੀਤਾ ਹੈ ਤਾਂ ਕਿ ਉਹ ਮਾਮਲੇ ਦੀ ਸੁਣਵਾਈ 'ਚ ਸ਼ਾਮਲ ਹੋਣ ਤੇ ਜੇ ਉਹ ਦੋਸ਼ੀ ਪਾਏ ਗਏ ਤਾਂ ਤਿੰਨ ਗੁਣਾਂ ਜੁਰਮਾਨਾ ਲੱਗ ਸਕਦਾ ਹੈ। ਅਫਸਰਾਂ ਦੇ ਅਨੁਸਾਰ ਮਾਮਲੇ ਚ ਹੋਰਾਂ ਨੂੰ ਵੀ ਨੋਟਿਸ ਜਾਰੀ ਕੀਤਾ ਗਿਆ ਹੈ। ਕੇਂਦਰੀ ਜਾਂਚ ਏਜੰਸੀ ਨੇ ਸ਼ਾਹਰੁਖ ਉਨ੍ਹਾ ਦੀ ਪਤਨੀ ਗੌਰੀ, ਜੂਹੀ ਚਾਵਲਾ ਤੇ ਹੋਰਾ ਨੂੰ ਨੋਟਿਸ ਜਾਰੀ ਕੀਤੇ ਹਨ।