ਮੁੰਬਈ— ਬਾਲੀਵੁੱਡ ਨਿਦੇਸ਼ਕ ਤੀਗਮਾਂਸ਼ੂ ਧੂਲਿਆ ਦੀ ਫਿਲਮ 'ਰਾਗਦੇਸ਼' ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਇਹ ਟ੍ਰੇਲਰ 29 ਜੂਨ ਨੂੰ ਸੰਸਦ ਭਵਨ 'ਚ ਰਿਲੀਜ਼ ਕੀਤਾ ਗਿਆ। ਇਹ ਪਹਿਲੀ ਵਾਰ ਹੋਇਆ ਹੈ ਜਦੋਂ ਕਿਸੇ ਫਿਲਮ ਦਾ ਟ੍ਰੇਲਰ ਸੰਸਦ ਭਵਨ 'ਚ ਰਿਲੀਜ਼ ਕੀਤਾ ਗਿਆ ਹੋਵੇ। ਕੁਨਾਲ ਕਪੂਰ, ਅਮਿਤ ਸਾਧ ਅਤੇ ਮੋਹਿਤ ਮਾਰਵਾਹ ਦੀ ਫਿਲਮ 'ਰਾਗ ਦੇਸ਼' 1945 'ਚ ਹੋਏ ਮਸ਼ਹੂਰ ਰੈਡ ਫੋਰਟ ਟਰਾਇਲਸ 'ਤੇ ਆਧਾਰਿਤ ਹੈ। ਇਸ ਫਿਲਮ 'ਚ ਵਿਖਾਇਆ ਗਿਆ ਹੈ ਕਿ ਕਿਵੇਂ ਇੰਡੀਅਨ ਨੈਸ਼ਨਲ ਆਰਮੀ ਦੇ ਤਿੰਨ ਅਧਿਕਾਰੀ ਕਰਨਲ ਪ੍ਰੇਮ ਸਹਗਲ, ਕਰਨਲ ਗੁਰਬਖਸ਼ ਸਿੰਘ ਢਿੱਲੋ ਅਤੇ ਮੇਜਰ ਜਰਨਲ ਸ਼ਾਹ ਨਵਾਜ ਖਾਨ, ਨੇਤਾਜੀ ਸੁਭਾਸ਼ ਚੰਦਰ ਬੋਸ ਦੀ ਅਗਵਾਈ ਵਿੱਚ ਭਾਰਤ ਨੂੰ ਆਜ਼ਾਦ ਕਰਾਉਣ ਦੀ ਜੰਗ ਲੜਦੇ ਹਨ ਅਤੇ ਕਿਵੇਂ ਅੰਗ੍ਰੇਜ ਉਨ੍ਹਾਂ 'ਤੇ ਹੱਤਿਆ ਦਾ ਮੁਕੱਦਮਾ ਚਲਾਉਂਦੇ ਹਨ । ਇਸ ਟ੍ਰੇਲਰ ਦੀ ਸ਼ੁਰੁਆਤ 'ਚ ਹੀ ਲਿਖਿਆ ਗਿਆ ਹੈ ਕਿ ਇਹ ਫਿਲਮ ਸੱਚੀ ਘਟਨਾਵਾਂ 'ਤੇ ਆਧਾਰਿਤ ਹੈ। ਹਾਲਾਂਕਿ ਸੂਰਜ ਧੂਲਿਆ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਫਿਲਮ ਸੁਭਾਸ਼ ਕੁਝ ਬੋਸ ਦੀ ਰਹਿਸਮਏ ਮੌਤ ਦੇ ਸੰਬੰਧ 'ਚ ਨਹੀਂ ਹੈ।
ਦੱਸਣਯੋਗ ਹੈ ਕਿ ਫਿਲਮ ਰਾਗ ਦੇਸ਼ 'ਚ ਅਭਿਨੇਤਾ ਮੋਹਿਤ ਮਾਰਵਾਹ ਨਜ਼ਰ ਆਉਣ ਵਾਲੇ ਹਨ ਅਤੇ ਇਹ ਫਿਲਮ 28 ਜੁਲਾਈ ਨੂੰ ਰਿਲੀਜ਼ ਹੋ ਰਹੀ ਹੈ ।