ਮੁੰਬਈ(ਬਿਊਰੋ)— ਬਾਲੀਵੁੱਡ ਸਟਾਰਜ਼ ਸਲਮਾਨ ਖਾਨ ਤੇ ਸ਼ਿਲਪਾ ਸ਼ੈਟੀ ਦੀਆਂ ਮੁਸ਼ਕਿਲਾਂ ਘੱਟ ਹੋਣ ਦਾ ਨਾਂ ਹੀ ਨਹੀਂ ਲੈ ਰਹੀਆਂ। ਇਕ ਟੀ. ਵੀ. ਸ਼ੋਅ 'ਚ ਇਤਰਾਜ਼ਯੋਗ ਭਾਸ਼ਾ ਬੋਲਣ ਦੇ ਮਾਮਲੇ 'ਚ ਇਨ੍ਹਾਂ ਵਿਰੁੱਧ ਪਹਿਲਾਂ ਰਾਜਸਥਾਨ 'ਚ ਸੰਮਨ ਜਾਰੀ ਕੀਤੇ ਗਏ। ਉੱਥੇ ਹੁਣ ਮੁੰਬਈ 'ਚ ਵੀ ਦੋਹਾਂ ਵਿਰੁੱਧ ਇਕ ਪਟੀਸ਼ਨ ਦਰਜ ਕੀਤੀ ਗਈ ਹੈ। ਮੁੰਬਈ ਦੇ ਭੋਈਵਾੜਾ ਕੋਰਟ 'ਚ ਵਕੀਲ ਨਵਨੀਤ ਭੋਜਨੇ ਨੇ ਪਟੀਸ਼ਨ ਦਾਖਲ ਕੀਤੀ ਹੈ।
ਉਨ੍ਹਾਂ ਨੇ ਕੋਰਟ ਤੋਂ ਮੰਗ ਕੀਤੀ ਹੈ ਕਿ ਸਲਮਾਨ ਖਾਨ ਤੇ ਸ਼ਿਲਪਾ ਸ਼ੈਟੀ ਵਿਰੁੱਧ ਐਕਟ੍ਰੋਸਿਟੀ ਮਾਮਲੇ ਦੇ ਤਹਿਤ ਕੇਸ ਦਰਜ ਕੀਤਾ ਜਾਵੇ। ਇਸ ਤੋਂ ਪਹਿਲਾਂ ਨਵਨੀਤ ਭੋਜਨੇ ਵਰਲੀ ਪੁਲਸ ਸਟੇਸ਼ਨ ਵੀ ਪੁੱਜੇ ਸਨ। ਵਰਲੀ ਪੁਲਸ ਸਟੇਸ਼ਨ ਪੁੱਜਣ 'ਤੇ ਭੋਜਨੇ ਨੂੰ ਵਾਪਸ ਭੇਜ ਦਿੱਤਾ ਗਿਆ। ਪੁਲਸ ਨੇ ਦੱਸਿਆ ਕਿ ਦੋਹਾਂ ਵਿਰੁੱਧ ਰਾਜਸਥਾਨ ਦੇ ਚੁਰੂ ਪੁਲਸ ਸਟੇਸ਼ਨ 'ਚ ਇਸੇ ਮਾਮਲੇ ਨੂੰ ਲੈ ਕੇ ਕੇਸ ਦਰਜ ਹੈ।
ਇਸ ਤੋਂ ਬਾਅਦ ਭੋਜਨੇ ਨੇ ਕੋਰਟ ਪੁੱਜਣ ਤੇ ਸ਼ਿਕਾਇਤ ਦਰਜ ਕਰਾਈ। ਇਸ ਤੋਂ ਪਹਿਲਾਂ ਸਲਮਾਨ ਖਾਨ ਤੇ ਸ਼ਿਲਪਾ ਸ਼ੈਟੀ ਵਿਰੁੱਧ ਰਾਜਸਥਾਨ ਦੀ ਚਾਰੂ ਪੁਲਸ ਨੇ ਸੰਮਨ ਜਾਰੀ ਕਰ 22 ਜਨਵਰੀ ਨੂੰ ਥਾਣੇ 'ਚ ਹਾਜ਼ਰ ਰਹਿਣ ਲਈ ਕਿਹਾ ਹੈ। ਜ਼ਿਕਰਯੋਗ ਹੈ ਕਿ ਟੀ. ਵੀ. ਸ਼ੋਅ 'ਚ ਇਤਰਾਜ਼ਯੋਗ ਭਾਸ਼ਾ ਦਾ ਇਸਤੇਮਾਲ ਕਰਨ ਲਈ ਸਲਮਾਨ ਖਾਨ ਤੇ ਸ਼ਿਲਪਾ ਸ਼ੈਟੀ ਵਿਰੁੱਧ ਸ਼ਿਕਾਇਤ ਦਰਜ ਹੋਈ ਸੀ।
ਜਾਤੀਸੂਚਕ ਸ਼ਬਦ ਦਾ ਇਸਤੇਮਾਲ ਕਰਨ ਦੇ ਮਾਮਲੇ 'ਚ ਸ਼ਿਲਪਾ ਸ਼ੈਟੀ ਨੇ 23 ਦਸੰਬਰ ਨੂੰ ਟਵਿਟਰ 'ਤੇ ਮੁਆਫੀ ਮੰਗ ਲਈ ਸੀ। ਸ਼ਿਲਪਾ ਨੇ ਟਵੀਟ ਕਰਦਿਆਂ ਕਿਹਾ ਸੀ ਕਿ, ''ਮੇਰੇ ਪੁਰਾਣੇ ਇੰਟਰਵਿਊ ਦੇ ਸ਼ਬਦਾਂ ਨੂੰ ਗਲਤ ਢੰਗ ਨਾਲ ਪੇਸ਼ ਕੀਤਾ ਗਿਆ। ਉਹ ਸ਼ਬਦ ਕਿਸੇ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਮਕਸਦ ਨਾਲ ਨਹੀਂ ਬੋਲੇ ਗਏ ਸਨ।