ਮੁੰਬਈ- ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਬਾਲੀਵੁੱਡ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਅਤੇ ਜਯਾ ਬੱਚਨ ਦੀ ਇਕ ਤਸਵੀਰ ਵਾਇਰਲ ਹੋ ਰਹੀ ਹੈ। ਤਸਵੀਰ 'ਚ ਐਸ਼ਵਰਿਆ ਰਾਏ ਆਪਣੀ ਸੱਸ ਜਯਾ ਬੱਚਨ ਦੇ ਮੋਢੇ 'ਤੇ ਸਿਰ ਰੱਖੇ ਹੋਏ ਹੈ, ਜੋ ਤਸਵੀਰ ਕਾਫੀ ਵਾਇਰਲ ਹੋ ਰਹੀ ਹੈ ਇਹ ਤਸਵੀਰ ਦਰਅਸਲ ਇਕ ਐਵਾਰਡ ਸ਼ੋਅ ਦੀ ਹੈ। 'ਸਟਾਰਡਸਟ ਐਵਾਰਡ' ਦੌਰਾਨ ਐਸ਼ਵਰਿਆ ਅਤੇ ਜਯਾ ਬੱਚਨ ਦੀ ਇਹ ਖੂਬਸੂਰਤ ਤਸਵੀਰ ਦੇਖਣ ਨੂੰ ਮਿਲੀ ਹੈ। ਐਵਾਰਡ ਸਮਾਰੋਹ ਦੌਰਾਨ ਐਸ਼, ਜਯਾ ਨਾਲ ਕੁਝ ਇਸ ਅੰਦਾਜ਼ 'ਚ ਨਜ਼ਰ ਆਈ ਕਿ ਦੇਖਣ ਵਾਲਿਆਂ ਦੀਆਂ ਨਜ਼ਰਾਂ ਉਨ੍ਹਾਂ 'ਤੇ ਹੀ ਟਿੱਕ ਗਈਆਂ ਹਨ।
ਇਹ ਖੂਬਸੂਰਤ ਪੱਲ ਦੀ ਇਹ ਮਨਮੋਹਕ ਤਸਵੀਰ ਲੋਕਾਂ ਨੂੰ ਖੂਬ ਪਸੰਦ ਆ ਰਹੀ ਹੈ। ਤੁਹਾਨੂੰ ਦੱਸ ਦਈਏ ਕਿ ਇਸ ਸਮਾਰੋਹ 'ਚ ਐਸ਼ਵਰਿਆ ਨੇ 'ਮੋਸਟ ਆਈਕੋਨਿਕ ਪਰਫਾਰਮੇਂਸ ਆਫ ਦਿ ਈਅਰ' ਦਾ ਖਿਤਾਬ ਵੀ ਆਪਣੇ ਨਾਂ ਕਰ ਲਿਆ ਹੈ। ਇਹ ਕਿਤਾਬ ਐਸ਼ਵਰਿਆ ਨੂੰ ਖੁਦ ਅਮਿਤਾਭ ਬੱਚਨ ਨੇ ਆਪਣੇ ਹੱਥਾਂ ਨਾਲ ਦਿੱਤਾ ਹੈ।