ਨਵੀਂ ਦਿੱਲੀ- ਬਾਲੀਵੁੱਡ ਦੇ ਚਾਕਲੇਟੀ ਹੀਰੋ ਰਣਬੀਰ ਕਪੂਰ ਨੇ ਬਾਲੀਵੁੱਡ ਦੇ ਦਬੰਗ ਖਾਨ ਦੇ ਇਕ ਰਿਕਾਰਡ ਨੂੰ ਤੋੜ ਕੇ ਨਵਾਂ ਰਿਕਾਰਡ ਬਣਾ ਦਿੱਤਾ ਹੈ। ਇਹ ਮੰਨਿਆ ਜਾਂਦਾ ਰਿਹਾ ਹੈ ਕਿ ਸਲਮਾਨ ਖਾਨ ਦੀਆਂ ਫਿਲਮਾਂ 'ਚ ਸਭ ਤੋਂ ਜ਼ਿਆਦਾ ਗੀਤ ਹੁੰਦੇ ਹਨ। ਸਾਲ 1994 'ਚ ਆਈ ਉਨ੍ਹਾਂ ਦੀ ਫਿਲਮ 'ਹਮ ਆਪਕੇ ਹੈ ਕੌਣ' 'ਚ 14 ਗੀਤ ਸਨ ਪਰ ਜਲਦ ਹੀ ਸਲਮਾਨ ਖਾਨ ਦਾ ਇਹ ਰਿਕਾਰਡ ਟੁੱਟਣ ਵਾਲਾ ਹੈ। ਖਬਰਾਂ ਦੀ ਮੰਨੀਏ ਤਾਂ ਰਣਬੀਰ ਅਤੇ ਕੈਟਰੀਨਾ ਦੀ ਆਉਣ ਵਾਲੀ ਫਿਲਮ 'ਜੱਗਾ ਜਾਸੂਸ' ਨੇ ਸਲਮਾਨ ਦੇ ਇਸ ਰਿਕਾਰਡ ਨੂੰ ਤੋੜਣ ਦੀ ਤਿਆਰੀ ਕਰ ਲਈ ਹੈ।
ਅਪ੍ਰੈਲ 'ਚ ਰਿਲੀਜ਼ ਹੋਣ ਵਾਲੀ ਫਿਲਮ 'ਜੱਗਾ ਜਾਸੂਸ' 'ਚ 29 ਗੀਤ ਹਨ। ਇਕ ਇੰਟਰਵਿਊ 'ਚ ਮਿਊਂਜ਼ਿਕ ਡਾਇਰੈਕਟਰ ਪ੍ਰੀਤਮ ਨੇ ਇਹ ਖੁਲਾਸਾ ਕੀਤਾ ਹੈ। ਇਕ ਫਿਲਮ 'ਚ ਇਨ੍ਹੇ ਗੀਤ ਕਿਉ? ਇਸ ਸਵਾਲ 'ਤੇ ਪ੍ਰੀਤਮ ਨੇ ਕਿਹਾ ਕਿ ਫਿਲਮ 'ਚ ਰਣਬੀਰ ਹਕਲਾ ਕੇ ਬੋਲਦੇ ਹਨ, ਅਜਿਹੇ 'ਚ ਉਹ ਆਪਣੀਆਂ ਭਾਵਨਾਵਾਂ ਨੂੰ ਗਾ ਕੇ ਜ਼ਾਹਰ ਕਰਦੇ ਹਨ। ਅਨੁਰਾਗ ਬਸੁ, ਸਿਦਾਰਥ ਰਾਏ ਕਪੂਰ, ਰਣਬੀਰ ਕਪੂਰ ਸਮੇਤ ਫਿਲ 7 ਅਪ੍ਰੈਲ ਨੂੰ ਸਿਨੇਮਾਘਰਾਂ 'ਚ ਆਵੇਗੀ। ਦੱਸਣਯੋਗ ਹੈ ਕਿ ਸਭ ਤੋਂ ਜ਼ਿਆਦਾ ਗੀਤਾਂ ਵਾਲੀ ਫਿਲਮ ਦਾ ਵਰਲਡ ਰਿਕਾਰਡ ਸਾਲ 1932 'ਚ ਆਈ ਹਿੰਦੀ ਫਿਲਮ 'ਇੰਦਰਸਭਾ' ਦੇ ਨਾਂ ਹੈ, ਜਿਸ 'ਚ ਕੁਲ 70 ਗੀਤ ਸਨ।