ਮੁੰਬਈ— ਬਾਲੀਵੁੱਡ ਇੰਡਸਟਰੀ 'ਚ ਇਨ੍ਹੀ ਦਿਨੀਂ ਬਾਇਓਪਿਕ ਫਿਲਮਾਂ ਦਾ ਰੁਝਾਨ ਜੋਰਾਂ 'ਤੇ ਹੈ। ਪਿਛਲੇ ਕੁੱਝ ਸਮੇਂ 'ਚ ਅਸੀਂ ਕ੍ਰਿਕੇਟਰ 'ਐਮ ਐਸ ਧੋਨੀ', 'ਮੁਹੰਮਦ ਅਜਹਰੁੱਦੀਨ', 'ਬਾਕਸਰ ਮੈਰੀ ਕਾਮ', 'ਫਲਾਇੰਗ ਸਿੱਖ ਮਿਲਖਾ ਸਿੰਘ' ਵਰਗੇ ਖਿਡਾਰੀਆਂ ਦੀ ਜ਼ਿੰਦਗੀ ਪਰਦੇ 'ਤੇ ਨਜ਼ਰ ਆ ਚੁੱਕੀ ਹੈ। ਆਉਣ ਵਾਲੇ ਸਮੇਂ 'ਚ ਕਈ ਸਪੋਰਟਸ 'ਤੇ ਬਣਨ ਵਾਲੀਆਂ ਬਾਇਓਪਿਕ ਫਿਲਮਾਂ ਪਾਇਪ ਲਾਈਨ 'ਚ ਹਨ।
ਸੋਨੂ ਸੂਦ ਬੈਡਮਿੰਟਨ ਪਲੇਅਰ ਪੀਵੀ ਸਿੰਧੂ 'ਤੇ ਬਾਇਓਪਿਕ ਪਲਾਨ ਕਰ ਰਹੇ ਹਨ। ਫਿਲਮ ਹਾਲੇ ਪ੍ਰੀ-ਪ੍ਰੋਡਕਸ਼ਨ ਸਟੇਜ 'ਚ ਹੈ। ਕੁੱਝ ਦਿਨ ਪਹਿਲਾਂ ਇੱਕ ਸਮਾਰੋਹ 'ਚ ਸੋਨੂ ਨੇ ਇਸ ਬਾਇਓਪਿਕ ਦੀ ਪੁਸ਼ਟੀ ਮੀਡੀਆ ਨਾਲ ਗੱਲਬਾਤ ਦੇ ਦੌਰਾਨ ਕੀਤੀ। ਸਿੰਧੂ ਦਾ ਕਿਰਦਾਰ ਪਲੇਅ ਕਰਨ ਲਈ ਦੀਪਿਕਾ ਪਾਦੂਕੋਣ ਦਾ ਨਾਂ ਸਾਹਮਣੇ ਆ ਰਿਹਾ ਸੀ ਪਰ ਸੋਨੂ ਨੇ ਫਿਲਹਾਲ ਕੁੱਝ ਕਹਿਣ ਤੋਂ ਇਨਕਾਰ ਕੀਤਾ ਹੈ ।
ਇੱਕ ਹੋਰ ਟਾਪ ਬੈਡਮਿੰਟਨ ਪਲੇਅਰ ਸਾਇਨਾ ਨੇਹਵਾਲ ਦੀ ਬਾਇਓਪਿਕ ਫਿਲਮ ਵੀ ਚਰਚਾ 'ਚ ਹੈ। ਇਸ ਫਿਲਮ 'ਚ ਸ਼ਰਧਾ ਸਾਇਨਾ ਦੇ ਕਿਰਦਾਰ 'ਚ ਵਿਖਾਈ ਦੇਵੇਗੀ। ਇਸ ਦੀ ਪੁਸ਼ਟੀ ਸ਼ਰਧਾ ਨੇ ਅਪ੍ਰੈਲ 'ਚ ਟਵਿੱਟਰ 'ਤੇ ਕੀਤੀ ਸੀ। ਸ਼ਰਧਾ ਨੇ ਇਸ ਫਿਲਮ ਲਈ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਹਾਲਾਂਕਿ ਉਸ ਤੋਂ ਪਹਿਲਾਂ ਉਹ ਇੱਕ ਹੋਰ ਬਾਇਓਪਿਕ 'ਹਸੀਨਾ' 'ਚ ਟਾਇਟਲ ਰੋਲ 'ਚ ਵਿਖਾਈ ਦੇਵੇਗੀ ।
'ਪਟਿਆਲਾ ਹਾਉਸ' 'ਚ ਕ੍ਕੇਟਰ ਦਾ ਰੋਲ ਨਿਭਾਅ ਚੁੱਕੇ ਅਕਸ਼ੈ ਕੁਮਾਰ ਹੁਣ ਹਾਕੀ ਪਲੇਅਰ ਬਲਬੀਰ ਸਿੰਘ ਦੇ ਕਿਰਦਾਰ 'ਚ ਨਜ਼ਰ ਆਉਣਗੇ। ਗੋਲਡ ਟਾਇਟਲ ਨਾਲ ਬਣ ਰਹੀ ਫਿਲਮ ਅਗਲੇ ਸਾਲ ਆਜ਼ਾਦੀ ਦਿਹਾਡੇ 'ਤੇ ਰਿਲੀਜ਼ ਹੋਣ ਵਾਲੀ ਹੈ। ਬਲਬੀਰ ਸਿੰਘ ਨੂੰ 1952 'ਚ ਇੰਡੀਅਨ ਹਾਕੀ ਟੀਮ ਦਾ ਵਾਇਸ-ਕੈਪਟਨ ਬਣਾਇਆ ਗਿਆ ਸੀ ਅਤੇ 1956 'ਚ ਉਹ ਕੈਪਟਨ ਬਣੇ। ਟੀਮ ਨੇ ਓਲੰਪਿਕ ਖੇਡਾਂ 'ਚ ਲਗਾਤਾਰ 3 ਗੋਲਡ ਮੈਡਲਸ ਜਿੱਤੇ ਸਨ ਪਰ ਇਨ੍ਹਾਂ ਸ਼ਾਨਦਾਰ ਮੈਡਲ ਦੇ ਬਾਵਜੂਦ ਬਲਬੀਰ ਸਿੰਘ ਗੁੰਮਨਾਮੀ 'ਚ ਰਹੇ।
ਹਾਕੀ ਦੇ ਜਾਦੂਗਰ ਕਹੇ ਜਾਣ ਵਾਲੇ ਮੇਜਰ ਧਿਆਨਚੰਦ 'ਤੇ ਵੀ ਬਾਇਓਪਿਕ ਪਾਇਪਲਾਈਨ 'ਚ ਹੈ। ਖ਼ਬਰਾਂ ਆਈਆਂ ਸਨ ਕਿ ਇਸ ਫਿਲਮ ਨੂੰ ਕਰਨ ਜੌਹਰ ਪ੍ਰੋਡਿਊਸ ਕਰਨ ਵਾਲੇ ਹਨ। ਫਿਲਮ ਲਈ ਸ਼ਾਹਰੁਖ ਖ਼ਾਨ ਅਤੇ ਰਣਬੀਰ ਕਪੂਰ ਨੂੰ ਐਪਰੋਚ ਕੀਤਾ ਗਿਆ ਸੀ। ਹੁਣ ਖ਼ਬਰਾਂ ਹਨ ਕਿ ਵਰੁਣ ਧਵਨ ਫਿਲਮ 'ਚ ਲੀਡ ਰੋਲ ਨਿਭਾਅ ਸਕਦੇ ਹਨ।
ਸੁਸ਼ਾਂਤ ਸਿੰਘ ਰਾਜਪੂਤ ਇੱਕ ਵਾਰ ਫਿਰ ਬਾਇਓਪਿਕ 'ਚ ਕੰਮ ਕਰ ਸਕਦੇ ਹਨ। ਫਿਲਮ ਪੈਰਾਲਿੰਪਿਕ ਗੋਲਡ ਮੈਡਲਿਸਟ ਮੁਰਲੀਕਾਂਤ ਪੇਟਕਰ ਦੀ ਕਹਾਣੀ ਹੈ, ਜਿਨ੍ਹਾਂ ਨੇ 1970 'ਚ ਹੋਏ ਕਾਮਨਵੇਲਥ ਗੇਮਜ਼ ਅਤੇ 1972 'ਚ ਜਰਮਨੀ 'ਚ ਹੋਏ ਪੈਰਾਲਿੰਪਿਕਸ 'ਚ ਗੋਲਡ ਮੈਡਲ ਜਿੱਤੀਆ ਸੀ। ਆਰਮੀ 'ਚ ਰਹੇ ਪੇਟਕਰ ਨੇ 50 ਮੀਟਰ ਫਰੀ ਸਟਾਇਲ ਸਵਿਮਿੰਗ 'ਚ ਵੀ ਵਰਲਡ ਰਿਕਾਰਡ ਬਣਾਇਆ ਸੀ।
