ਲਾਸ ਏਂਜਲਸ (ਬਿਊਰੋ)— ਐਕਸ ਪੋਰਨ ਸਟਾਰ ਮੀਆ ਖਲੀਫਾ ਹੁਣ ਸਪੋਰਟਸ ਸ਼ੋਅ ਹੋਸਟ ਕਰੇਗੀ। 2016 'ਚ ਮੀਆ ਖਲੀਫਾ ਸਭ ਤੋਂ ਵੱਧ ਸਰਚ ਕੀਤੀ ਜਾਣ ਵਾਲੀ ਐਡਲਟ ਅਭਿਨੇਤਰੀ ਬਣੀ ਸੀ ਪਰ ਉਸ ਨੇ ਐਡਲਟ ਇੰਡਸਟਰੀ 'ਚ ਸਿਰਫ ਤਿੰਨ ਮਹੀਨੇ ਕੰਮ ਕੀਤਾ ਸੀ। ਹੁਣ ਮੀਆ ਖਲੀਫਾ ਸਾਬਕਾ ਐੱਨ. ਬੀ. ਏ. (ਨੈਸ਼ਨਲ ਬਾਸਕਟਬਾਲ ਐਸੋਸੀਏਸ਼ਨ, ਅਮਰੀਕਾ) ਸਟਾਰ ਗਿਲਬਰਟ ਏਰੀਨਾਜ ਨਾਲ ਸ਼ੋਅ ਕਰੇਗੀ। ਮੀਆ ਖਲੀਫਾ ਕੰਪਲੈਕਸ ਮੈਗਜ਼ੀਨ ਦੇ ਯੂਟਿਊਬ ਚੈਨਲ 'ਤੇ 'ਆਊਟ ਆਫ ਬਾਊਂਡਸ' ਸ਼ੋਅ ਕਰੇਗੀ। ਸਪੋਰਟਸ ਸ਼ੋਅ 'ਚ ਦੋਵੇਂ ਹੋਸਟ ਖੇਡ ਦੇ ਸੰਸਕ੍ਰਿਤਕ ਪ੍ਰਭਾਵ 'ਤੇ ਚਰਚਾ ਕਰਨਗੇ। ਲੇਬਨਾਨ 'ਚ ਜਨਮ ਲੈਣ ਵਾਲੀ ਮੀਆ ਖਲੀਫਾ ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਖਬਰਾਂ 'ਚ ਜਗ੍ਹਾ ਬਣਾ ਚੁੱਕੀ ਹੈ। ਪੂਰੀ ਦੁਨੀਆ 'ਚ ਉਸ ਦੇ ਫੈਨਜ਼ ਦੱਸੇ ਜਾਂਦੇ ਹਨ। ਮੀਆ ਖਲੀਫਾ ਉਸ ਸਮੇਂ ਵੀ ਕਾਫੀ ਸੁਰਖੀਆਂ 'ਚ ਆਈ ਸੀ, ਜਦੋਂ ਆਈ. ਐੱਸ. ਆਈ. ਐੱਸ. ਨੇ ਉਸ ਦਾ ਸਿਰ ਕਲਮ ਕਰਨ ਦੀ ਧਮਕੀ ਦਿੱਤੀ ਸੀ। ਆਈ. ਐੱਸ. ਆਈ. ਐੱਸ. ਨੇ ਮਾਡਲ ਦੀਆਂ ਤਸਵੀਰਾਂ 'ਤੇ ਇਤਰਾਜ਼ ਜਤਾਉਂਦਿਆਂ ਧਮਕੀ ਦਿੱਤੀ ਸੀ। ਮੀਆ ਖਲੀਫਾ ਇੰਸਟਾਗ੍ਰਾਮ 'ਤੇ ਕਾਫੀ ਸਰਗਰਮ ਰਹਿੰਦੀ ਹੈ। ਉਸ ਦੇ ਲਗਭਗ 32 ਲੱਖ ਫਾਲੋਅਰਜ਼ ਹਨ। 24 ਸਾਲ ਦੀ ਮੀਆ ਖਲੀਫਾ ਨੇ ਨਵੇਂ ਕੰਮ ਬਾਰੇ ਕਿਹਾ ਹੈ ਕਿ ਉਹ ਬਹੁਤ ਸ਼ੁਕਰਗੁਜ਼ਾਰ ਹੈ ਕਿ ਉਸ ਨੂੰ ਗਿਲਬਰਟ ਨਾਲ ਇਸ ਨੂੰ ਪੇਸ਼ ਕਰਨ ਦਾ ਮੌਕਾ ਮਿਲਿਆ ਹੈ। ਮੀਆ ਨੇ ਕਿਹਾ ਕਿ ਉਸ ਕੋਲੋਂ ਹੁਣ ਇੰਤਜ਼ਾਰ ਨਹੀਂ ਕੀਤਾ ਜਾ ਰਿਹਾ ਹੈ। ਉਹ ਛੇਤੀ ਹੀ ਇਸ ਨੂੰ ਸ਼ੁਰੂ ਕਰਨਾ ਚਾਹੁੰਦੀ ਹੈ।