ਫਿਲਮਫੇਅਰ ਐਵਾਰਡ 'ਚ ਇਨ੍ਹਾਂ ਸੈਲੀਬ੍ਰਿਟੀਜ਼ ਨੇ ਮਾਰੀ ਬਾਜ਼ੀ, ਦੇਖੋ ਪੂਰੀ ਲਿਸਟ

64th filmfare awards 2019 complete winners list

24 March, 2019 01:40:16 PM

ਮੁੰਬਈ (ਬਿਊਰੋ) : ਬੀਤੇ ਦਿਨੀਂ ਮੁੰਬਈ 'ਚ 64ਵੇਂ ਫਿਲਮਫੇਅਰ ਐਵਾਰਡ ਦਾ ਪ੍ਰਬੰਧ ਕੀਤਾ ਗਿਆ, ਜਿਸ 'ਚ ਬਾਲੀਵੁੱਡ ਦੇ ਨਾਮੀ ਚਿਹਰਿਆਂ ਨੇ ਸ਼ਿਰਕਤ ਕੀਤੀ। ਇਸ ਖਾਸ ਸ਼ਾਮ 'ਚ ਜਿੱਥੇ ਬਾਲੀਵੁੱਡ ਐਕਟਰਸ ਨੇ ਆਪਣੇ ਫੈਸ਼ਨ ਦਾ ਜਲਵਾ ਬਿਖੇਰਿਆ ਨਾਲ ਹੀ ਸਟੇਜ 'ਤੇ ਧਮਾਕੇਦਾਰ ਪਰਫਾਰਮੈਂਸ ਵੀ ਦਿੱਤੀ। ਇਸ ਸ਼ਾਮ 'ਚ ਐਲਾਨੇ ਗਏ ਐਵਾਰਡਸ 'ਚ ਰਣਬੀਰ ਕਪੂਰ ਤੇ ਆਲੀਆ ਭੱਟ ਨੂੰ ਬੈਸਟ ਐਕਟਰਸ ਅਤੇ ਐਕਟਰਸ ਦਾ ਐਵਾਰਡ ਦਿੱਤਾ ਗਿਆ, ਜਿਸ ਕਾਰਨ ਇਹ ਸ਼ਾਮ ਦੋਵਾਂ ਲਈ ਬੇਹੱਦ ਖਾਸ ਸੀ। ਰਣਬੀਰ ਕਪੂਰ ਨੂੰ ਫਿਲਮ 'ਸੰਜੂ' ਲਈ ਅਤੇ ਆਲੀਆ ਭੱਟ ਨੂੰ 'ਰਾਜ਼ੀ' ਲਈ ਸਰਵੋਤਮ ਅਦਾਕਾਰ ਚੁਣਿਆ ਗਿਆ।
ਇਨ੍ਹਾਂ ਦੋਵਾਂ ਤੋਂ ਇਲਾਵਾ ਜਾਨਹਵੀ ਕਪੂਰ ਨੂੰ ਸੋਹਾ ਅਲੀ ਖਾਨ ਪਿੱਛੇ ਛੱਡਦੇ ਹੋਏ ਬੈਸਟ ਡੈਬਿਊਡੇਂਟ ਦਾ ਐਵਰਡ ਹਾਸਲ ਕੀਤਾ ਅਤੇ ਨਾਲ ਹੀ ਰਣਵੀਰ ਸਿੰਘ ਨੇ ਬੈਸਟ ਐਕਟਰ ਕ੍ਰਿਟਿਕਸ ਦਾ ਖਿਤਾਬ ਜਿੱਤਿਆ। ਇਸ ਮੌਕੇ ਰਣਵੀਰ ਸਿੰਘ-ਦੀਪਿਕਾ ਪਾਦੂਕੋਣ ਨਾਲ ਅਤੇ ਆਲੀਆ ਭੱਟ-ਰਣਬੀਰ ਕਪੂਰ ਨਾਲ ਸਮਾਂ ਬਿਤਾਉਂਦੇ ਨਜ਼ਰ ਆਏ।