ਨਵੀਂ ਦਿੱਲੀ (ਬਿਊਰੋ) : ਸਲਮਾਨ ਖਾਨ ਅੱਜਕਲ ਆਪਣੀ ਅਗਲੀ ਫਿਲਮ ‘ਰਾਧੇ’ ਦੀ ਸ਼ੂਟਿੰਗ ਵਿਚ ਰੁੱਝੇ ਹੋਏ ਹਨ। ਸਲਮਾਨ ਖਾਨ ਦਾ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਜਿਸ ਵਿਚ ਉਹ ਇਕ ਛੋਟੀ ਜਿਹੀ ਬੱਚੀ ਯਾਸ਼ਿਕਾ ਨਾਲ ਸਮਾਂ ਬਿਤਾਉਂਦੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਉਸ ਦੀਆਂ ਗੱਲ੍ਹਾਂ 'ਤੇ ਕਿੱਸ ਕੀਤੀ ਅਤੇ ਪਿਆਰ ਅਤੇ ਮਾਸੂਮੀਅਤ ਨਾਲ ਉਸ ਨੂੰ ਗੋਦ ਵਿਚ ਲਿਆ। ਬੱਚੀ ਮੁਸਕਰਾਉਂਦੇ ਹੋਏ ਸਲਮਾਨ ਨੂੰ ਦੇਖ ਰਹੀ ਹੈ। ਵੀਡੀਓ ਵਿਚ ਤੁਸੀਂ ਦੇਖ ਸਕਦੇ ਹੋ ਕਿ ਸਲਮਾਨ ਪਹਿਲਾ ਬੱਚੀ ਨੂੰ ਕਿੱਸ ਕਰਦੇ ਹਨ ਅਤੇ ਫਿਰ ਪਿਆਰ ਨਾਲ ਗਲੇ ਲਾਉਂਦੇ ਹਨ। ਇਹ ਵੀਡੀਓ ਰਾਧੇ ਦੇ ਸ਼ੂਟ ਦਾ ਹੈ। ਇਸ ਵੀਡੀਓ ਨੂੰ ਲੋਕ ਬਹੁਤ ਪਸੰਦ ਕਰ ਰਹੇ ਹਨ।
ਇਕ ਯੂਜ਼ਰ ਨੇ ਲਿਖਿਆ ਹੈ ਕਿ ਸਲਮਾਨ ਦਾ ਖੁੱਦ ਦਾ ਇਕ ਬੱਚਾ ਹੋਣਾ ਚਾਹੀਦਾ ਹੈ। ਉਹ ਬੈਸਟ ਅਤੇ ਮੋਸਟ ਗੁਡਲੁਕਿੰਗ ਫਾਦਰ ਹੋਣਗੇ। ਉਥੇ ਇਕ ਹੋਰ ਨੇ ਲਿਖਿਆ, ਇਹ ਕੀ ਇਨ੍ਹਾਂ ਦੀ ਭਤੀਜੀ ਹੈ? ਇਕ ਹੋਰ ਫੈਨ ਨੇ ਲਿਖਿਆ, ਸ਼ਾਇਦ ਇਹ ਕਰਨਵੀਰ ਦੀ ਧੀ ਹੈ।
ਦੱਸ ਦੇਈਏ ਕਿ ਸਲਮਾਨ ਦੀ ਬੱਚਿਆਂ ਨਾਲ ਹਮੇਸ਼ਾਂ ਹੀ ਵਧੀਆ ਬਣਦੀ ਹੈ। ਉਹ ਆਪਣੇ ਭਤੀਜੇ- ਭਤੀਜੀਆਂ ਨਾਲ ਵੀ ਬਹੁਤ ਖੇਡਦੇ ਅਤੇ ਪਿਆਰ ਕਰਦੇ ਹਨ। ਜੇਕਰ ਫਿਲਮ ਦੀ ਗੱਲ ਕਰੀਏ ਤਾਂ ਸਲਮਾਨ ਦੀ ਫਿਲਮ ‘ਰਾਧੇ’ ਨੂੰ ਪ੍ਰਭੂਦੇਵਾ ਡਾਇਰੈਕਟ ਕਰ ਰਹੇ ਹਨ। ‘ਵਾਂਟੇਡ‘ ਅਤੇ ‘ਦਬੰਗ 3’ ਤੋਂ ਬਾਅਦ ਸਲਮਾਨ ਦੀ ਪ੍ਰਭੂਦੇਵਾ ਨਾਲ ਇਹ ਤੀਜੀ ਫਿਲਮ ਹੈ। ‘ਰਾਧੇ’ ਵਿਚ ਦਿਸ਼ਾ ਪਟਾਨੀ, ਰਣਦੀਪ ਹੁੱਡਾ ਅਤੇ ਜੈੱਕੀ ਸ਼ਰਾਫ ਅਹਿਮ ਭੂਮਿਕਾਵਾਂ ਹਨ।