ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਾ ਸੁਨੀਲ ਸ਼ੈੱਟੀ ਦਾ ਬੇਟਾ ਅਹਾਨ ਸ਼ੈੱਟੀ ਇਨ੍ਹੀਂ ਦਿਨੀਂ ਬਾਲੀਵੁੱਡ 'ਚ ਡੈਬਿਊ ਦੀਆਂ ਖਬਰਾਂ ਨੂੰ ਲੈ ਕੇ ਸੁਰਖੀਆਂ 'ਚ ਹੈ। ਅਹਾਨ ਜਲਦ ਹੀ ਸਾਜ਼ਿਦ ਨਾਡਿਆਡਵਾਲਾ ਦੀ ਫਿਲਮ ਨਾਲ ਡੈਬਿਊ ਕਰ ਸਕਦਾ ਹੈ। ਉੱਥੇ ਹੀ ਡੈਬਿਊ ਤੋਂ ਪਹਿਲਾਂ ਅਹਾਨ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਚਰਚਾ 'ਚ ਹੈ।
ਅਹਾਨ ਨੂੰ ਇਕ ਵਾਰ ਫਿਰ ਬੀਤੀ ਰਾਤ ਗਰਲਫਰੈਂਡ ਤਾਨਿਆ ਸ਼ਰਾਫ ਨਾਲ ਦੇਖਿਆ ਗਿਆ। ਦਰਸਅਲ, ਦੋਵੇਂ ਮੁੰਬਈ ਦੇ ਕਿਸੇ ਰੈਸਟੋਰੈਂਟ 'ਚ ਡਿਨਰ ਕਰਨ ਪਹੁੰਚੇ ਸਨ। ਉੱਥੇ ਹੀ ਜਦੋਂ ਤਾਨਿਆ ਦੀ ਨਜ਼ਰ ਕੈਮਰੇ 'ਤੇ ਪਈ ਤਾਂ ਉਹ ਆਪਣਾ ਚਿਹਰਾ ਲੁਕਾਉਣ ਲੱਗ ਪਈ।
ਖੈਰ ਅਹਾਨ ਨੇ ਇਕ ਚੰਗੇ ਪਾਰਟਨਰ ਦੀ ਤਰ੍ਹਾਂ ਹਰ ਕਦਮ 'ਤੇ ਤਾਨਿਆ 'ਤੇ ਸਾਥ ਦਿੱਤਾ। ਇਹ ਤਸਵੀਰਾਂ ਉਦੋਂ ਕਲਿੱਕ ਕੀਤੀਆਂ ਗਈਆਂ, ਜਦੋਂ ਦੋਵੇਂ ਰੈਸਟੋਰੈਂਟ ਤੋਂ ਬਾਹਰ ਨਿਕਲ ਰਹੇ ਸੀ। ਅਜਿਹਾ ਪਹਿਲੀ ਵਾਰ ਨਹੀਂ ਹੈ, ਇਸ ਤੋਂ ਪਹਿਲਾਂ ਕਈ ਵਾਰ ਤਾਨਿਆ ਨੂੰ ਅਹਾਨ ਨਾਲ ਦੇਖਿਆ ਜਾ ਚੁੱਕਿਆ ਹੈ।
ਦੱਸਣਯੋਗ ਹੈ ਕਿ ਤਾਨਿਆ ਵਿਦੇਸ਼ 'ਚ ਸੈਟਲ ਹੈ ਅਤੇ ਉਹ ਕਈ ਮੈਗਜ਼ੀਨ ਲਈ ਮਾਡਲਿੰਗ ਕਰ ਚੁੱਕੀ ਹੈ।
