ਮੁੰਬਈ(ਬਿਊਰੋ)— ਟੀ. ਵੀ ਦੇ ਮਸ਼ਹੂਰ ਸੀਰੀਅਲ 'ਕੁਮਕੁਮ ਭਾਗਿਆ' ਦੀ ਬੁਲਬੁਲ ਉਰਫ ਮੁਣਾਲ ਠਾਕੁਰ ਇਨੀ ਦਿਨੀਂ ਆਪਣੀ ਹਾਲੀਵੁੱਡ ਫਿਲਮ 'ਲਵ ਸੋਨੀਆ' ਨੂੰ ਲੈ ਕੇ ਕਾਫੀ ਚਰਚਾ ਵਿਚ ਹੈ। ਖਬਰਾਂ ਦੀ ਮੰਨੀਏ ਤਾਂ ਇਸ ਫਿਲਮ ਵਿਚ ਮੁਣਾਲ ਦੀ ਪਰਫਾਮੈਂਸ ਦੇ ਨਾਲ ਆਮਿਰ ਖਾਨ ਇੰਨੇ ਜ਼ਿਆਦਾ ਹੈਰਾਨ ਹੋਏ ਕਿ ਉਨ੍ਹਾਂ ਨੇ ਮੁਣਾਲ ਨੂੰ ਆਪਣੀ ਫਿਲਮ 'ਠੱਗਸ ਆਫ ਹਿਦੋਸਤਾਨ' ਵਿਚ ਸਾਈਨ ਕਰਨ ਦਾ ਮਨ ਬਣਾ ਲਿਆ ਪਰ ਮੁਣਾਲ ਨੇ ਅਮਿਰ ਨਾਲ ਫਿਲਮ ਕਰਨ ਤੋਂ ਇਨਕਾਰ ਕਰ ਦਿੱਤਾ।
ਅਮਿਰ ਨੇ ਮੁਣਾਲ ਨੂੰ ਮੈਸੇਜ਼ ਵੀ ਭੇਜਿਆ ਕਿ ਉਹ ਮੇਰੇ ਨਾਲ ਕੰਮ ਕਰਨਾ ਚਹੁੰਦੇ ਹਨ। ਇਹੀ ਨਹੀਂ 'ਠੱਗਸ ਆਫ ਹਿੰਦੋਸਤਾਨ' ਦੇ ਪ੍ਰੋਡਿਊਸਰ ਅਦਿੱਤਿਆ ਚੋਪੜਾ ਨੇ ਵੀ ਮੁਣਾਲ ਨੂੰ ਇੱਕੋ ਸਮੇਂ 3 ਫਿਲਮਾਂ ਕਰਨ ਦੀ ਆਫਰ ਦੇ ਦਿੱਤੀ ਪਰ ਮੁਣਾਲ ਨੇ ਇਸ ਆਫ਼ਰ ਨੂੰ ਵੀ ਠੁਕਰਾ ਦਿੱਤਾ।
ਬਾਲੀਵੁੱਡ ਵਿਚ ਚੰਗੇ ਬਰੇਕ ਦੀ ਤਲਾਸ਼ ਵਿਚ ਮੁਣਾਲ ਨੇ ਫਿਲਮ 'ਸੁਲਤਾਨ' ਦੇ ਲਈ ਅਡੀਸਨ ਦਿੱਤਾ ਸੀ ਪਰ ਗੱਲ ਨਹੀਂ ਬਣੀ। ਮੁਣਾਲ ਦੇ ਟੈਲੇਂਟ ਨੂੰ ਅਦਿੱਤਿਆ ਜਾਣ ਗਏ ਸਨ ਅਤੇ ਉਹ ਉਸ ਨੂੰ ਆਉਣ ਵਾਲੀ ਫਿਲ਼ਮ ਵਿਚ ਸਾਈਨ ਕਰਨਾ ਚਹੁੰਦੇ ਸਨ।
ਖਬਰਾਂ ਦੀ ਮੰਨੀਏ ਤਾਂ ਆਮਿਰ ਦੀ ਫਿਲਮ 'ਦੰਗਲ' ਲਈ ਵੀ ਮੁਣਾਲ ਹੀ ਆਮਿਰ ਦੀ ਪਹਿਲੀ ਪਸੰਦ ਸੀ। ਸੂਤਰਾਂ ਮੁਤਾਬਕ ਮੁਣਾਲ ਨੇ ਇਨ੍ਹਾਂ ਫਿਲਮਾਂ ਦੇ ਆਫਰ ਨੂੰ ਇਸ ਲਈ ਵੀ ਠੁਕਰਾ ਦਿੱਤਾ ਸੀ ਕਿਉਂਕਿ ਉਸ ਨੂੰ ਲੱਗਦਾ ਸੀ ਇਸ ਦਾ ਅਸਰ ਉਸ ਦੇ ਇੰਟਰਨੈਸ਼ਨਲ ਕਰੀਅਰ 'ਤੇ ਵੀ ਪੈ ਸਕਦਾ ਹੈ।
3 ਮਰਾਠੀ ਫਿਲਮਾਂ ਵਿਚ ਕੰਮ ਕਰਨ ਤੋਂ ਬਾਅਦ ਮੁਣਾਲ ਹੁਣ ਸ਼ਾਇਦ ਬਾਲੀਵੁੱਡ ਵਿਚ ਨਵੀਂ ਪਾਰੀ ਲਈ ਕੁਝ ਬਿਹਤਰ ਲੱਭਣ ਦੀ ਤਿਆਰੀ ਵਿਚ ਹੈ। ਮੁਣਾਲ ਨੇ ਕਈ ਸੀਰੀਅਲਾਂ ਵਿਚ ਕੰਮ ਕੀਤਾ ਹੈ ਅਤੇ ਉਸ ਦੀ ਬਾਲੀਵੁੱਡ ਵਿਚ ਕਾਫ਼ੀ ਪਛਾਣ ਬਣ ਗਈ ਹੈ।
