ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਦੇ ਮਿਸਟਰ ਪਰਫੈਕਸ਼ਨਿਸਟ ਆਮਿਰ ਖਾਨ ਫਿਲਮਾਂ ਦੇ ਨਾਲ-ਨਾਲ ਆਪਣੇ ਪਰਿਵਾਰ ਦਾ ਵੀ ਪੂਰਾ ਖਿਆਲ ਰੱਖਦੇ ਹਨ।
ਕੱਲ੍ਹ ਆਮਿਰ ਖਾਨ ਨੇ ਆਪਣੀ ਸਾਬਕਾ-ਪਤਨੀ ਰੀਨਾ ਦਾ ਜਨਮਦਿਨ ਮਨਾਇਆ, ਜਿਸ ਦੀਆਂ ਕੁਝ ਤਸਵੀਰਾਂ ਅਤੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਗਈਆਂ।
ਜਾਣਕਾਰੀ ਮੁਤਾਬਕ ਰੀਨਾ ਨੇ ਕੱਲ੍ਹ ਆਪਣਾ 50ਵਾਂ ਜਨਮਦਿਨ ਮਨਾਇਆ। ਇਸ ਮੌਕੇ ਨੂੰ ਖਾਸ ਬਣਾਉਣ ਆਮਿਰ ਖਾਨ ਪਹੁੰਚੇ। ਜਨਮਦਿਨ ਸੈਲੀਬ੍ਰੇਸ਼ਨ ਦੀ ਜੋ ਵੀਡੀਓ ਦੇਖਣ ਨੂੰ ਮਿਲੀ ਹੈ, ਉਸ 'ਚ ਆਮਿਰ ਦੀ ਪਤਨੀ ਕਿਰਣ ਰਾਓ ਵੀ ਮੌਜੂਦ ਹੈ।
ਇਸ ਵੀਡੀਓ 'ਚ ਦਿਖ ਰਿਹਾ ਹੈ ਕਿ ਰੀਨਾ ਕੇਕ ਕੱਟ ਰਹੀ ਹੈ ਅਤੇ ਉਸ ਤੋਂ ਬਾਅਦ ਆਮਿਰ ਖਾਨ ਸ਼ੈਂਪੇਨ ਦੀ ਬੋਤਲ ਖੋਲ੍ਹ ਰਹੇ ਹਨ। ਇਸ ਮੌਕੇ 'ਤੇ ਆਮਿਰ ਖਾਨ ਤੇ ਰੀਨਾ ਦੇ ਦੋਵੇਂ ਬੱਚੇ ਈਰਾ ਅਤੇ ਜੁਨੈਦ ਵੀ ਮੌਜੂਦ ਸਨ।