ਜਲੰਧਰ (ਬਿਊਰੋ)— ਆਮਿਰ ਖਾਨ ਆਪਣੀ ਫਿਲਮ 'ਦੰਗਲ' ਦੇ ਸਾਊਂਡ ਇੰਜੀਨੀਅਰ ਸ਼ਾਜਿਥ ਕੋਇਰੀ ਲਈ ਹੀਰੋ ਸਾਬਿਤ ਹੋਏ ਹਨ। ਸ਼ਾਜਿਥ ਕੋਇਰੀ ਫਿਲਮ 'ਦੰਗਲ' 'ਚ ਆਮਿਰ ਖਾਨ ਨਾਲ ਕੰਮ ਕਰ ਚੁੱਕੇ ਹਨ ਤੇ ਹਾਲ ਹੀ 'ਚ ਉਨ੍ਹਾਂ ਨੂੰ ਸਟ੍ਰੋਕ ਦਾ ਦੌਰਾ (ਬ੍ਰੇਨ ਅਟੈਕ) ਪਿਆ ਸੀ, ਜਿਸ ਕਾਰਨ ਐਮਰਜੰਸੀ 'ਚ ਉਨ੍ਹਾਂ ਨੂੰ ਹਸਪਤਾਲ ਲਿਜਾਇਆ ਗਿਆ ਸੀ ਪਰ ਹਸਪਤਾਲ ਦੇ ਬੈੱਡ 'ਤੇ ਕਈ ਘੰਟੇ ਲੰਘਣ ਦੇ ਬਾਵਜੂਦ ਕੋਈ ਡਾਕਟਰ ਸਾਊਂਡ ਟੈਕਨੀਸ਼ੀਅਨ ਦੀ ਜਾਂਚ ਕਰਨ ਲਈ ਨਹੀਂ ਆਇਆ।
ਅਜਿਹੀ ਹਾਲਤ 'ਚ ਦੁਖੀ ਹੋ ਕੇ ਟੈਕਸ਼ੀਨੀਅਨ ਦੇ ਪਰਿਵਾਰ ਨੇ ਆਮਿਰ ਖਾਨ ਕੋਲੋਂ ਮਦਦ ਮੰਗਣ ਲਈ ਉਨ੍ਹਾਂ ਨਾਲ ਸੰਪਰਕ ਕੀਤਾ, ਜਿਸ ਤੋਂ ਬਾਅਦ ਬਿਨਾਂ ਸਮਾਂ ਗਵਾਏ ਆਮਿਰ ਖਾਨ ਅੱਧੀ ਰਾਤ ਨੂੰ ਹਸਪਤਾਲ ਪਹੁੰਚ ਗਏ। ਅਭਿਨੇਤਾ ਤੁਰੰਤ ਉਸ ਨੂੰ ਕੋਕੀਲਾਬੇਨ ਹਸਪਤਾਲ ਲੈ ਗਏ, ਜਿਥੇ ਸ਼ਾਜਿਥ ਦਾ ਇਲਾਜ ਕੀਤਾ ਗਿਆ। ਇਸ ਬੇਮਿਸਾਲ ਕੰਮ ਨੇ ਇੰਟਰਨੈੱਟ 'ਤੇ ਹੜਕੰਪ ਮਚਾ ਦਿੱਤਾ ਹੈ। ਆਮਿਰ ਖਾਨ ਦੇ ਫੈਨਜ਼ ਟਵਿਟਰ 'ਤੇ ਅਭਿਨੇਤਾ ਪ੍ਰਤੀ ਆਪਣਾ ਪਿਆਰ ਤੇ ਸਨਮਾਨ ਜ਼ਾਹਿਰ ਕਰਦੇ ਨਜ਼ਰ ਆ ਰਹੇ ਹਨ।