ਮੁੰਬਈ(ਬਿਊਰੋ)— ਰਿਸ਼ਤੇ ਨਿਭਾਉਣੇ ਤਾਂ ਕੋਈ ਅਦਾਕਾਰ ਆਮਿਰ ਖਾਨ ਕੋਲੋਂ ਸਿੱਖੇ। ਫਿਲਮੀ ਦੁਨੀਆ ਤੋਂ ਇਲਾਵਾ ਆਮਿਰ ਖਾਨ ਨਿੱਜੀ ਜ਼ਿੰਦਗੀ 'ਚ ਵੀ ਪਰਫੈਕਟ ਵਿਅਕਤੀ ਹੈ। ਹਾਲ ਹੀ 'ਚ ਉਹ ਆਪਣੀ ਸਾਬਕਾ ਤੇ ਕਥਿਤ ਪਤਨੀਆਂ ਨਾਲ 'ਪਾਨੀ ਫਾਊਂਡੇਸ਼ਨ' ਦੇ ਲਾਚਿੰਗ ਇਵੈਂਟ 'ਚ ਸ਼ਾਮਲ ਹੋਏ, ਜਿਸ 'ਚ ਉਨ੍ਹਾਂ ਦੀ ਸਾਬਕਾ ਪਤਨੀ ਰੀਨਾ ਦੱਤਾ ਤੇ ਦੂਜੀ ਪਤਨੀ ਕਿਰਣ ਰਾਓ ਨੂੰ ਸਪਾਟ ਕੀਤਾ ਗਿਆ।
ਦੋਹਾਂ ਵਿਚਕਾਰ ਕਾਫੀ ਚੰਗਾ ਤਾਲਮੇਲ ਦੇਖਣ ਨੂੰ ਮਿਲਿਆ। ਦੋਹਾਂ ਨੂੰ ਦੇਖ ਕੇ ਅੰਦਾਜ਼ ਲਗਾਇਆ ਜਾ ਸਕਦਾ ਹੈ ਕਿ ਇਨ੍ਹਾਂ ਦਾ ਰਿਸ਼ਤਾ ਸੌਂਕਣਾਂ ਵਾਲਾ ਨਹੀਂ ਬਲਕਿ ਸਹੇਲੀਆਂ ਵਾਲਾ ਹੈ।
ਆਮਿਰ ਨਾਲ ਉੱਥੇ ਦੇਸ਼ ਦੇ ਸਭ ਤੋਂ ਵੱਡੇ ਬਿਜ਼ਨੈੱਸਮੈਨ ਮੁਕੇਸ਼ ਅੰਬਾਨੀ ਤੇ ਰਤਨ ਟਾਟਾ ਵੀ ਮੌਜੂਦ ਸਨ।
ਜ਼ਿਕਰਯੋਗ ਹੈ ਕਿ 'ਪਾਨੀ ਫਾਊਡੇਸ਼ਨ' ਦਾ ਇਹ ਲਾਂਚਿੰਗ ਇਵੈਂਟ ਸੀ। ਲੋਕਾਂ 'ਚ ਪਾਣੀ ਪ੍ਰਤੀ ਜਾਗਰੁਕਤਾ ਵਧਾਉਣ ਲਈ ਆਮਿਰ ਨੇ 'ਪਾਨੀ ਫਾਊਂਡੇਸ਼ਨ' ਨਾਂ ਦੀ ਸੰਸਥਾ ਦਾ ਗਠਨ ਕੀਤਾ ਹੈ।
ਆਮਿਰ ਖਾਨ ਇਸ ਤੋਂ ਪਹਿਲਾਂ ਵੀ ਆਪਣੀਆਂ ਦੋਹਾਂ ਪਤਨੀਆਂ ਨਾਲ ਨਜ਼ਰ ਆ ਚੁੱਕੇ ਹਨ। ਰੀਨਾ ਦੱਤ ਦੇ ਜਨਮਦਿਨ ਦੇ ਮੌਕੇ ਵੀ ਪੂਰਾ ਪਰਿਵਾਰ ਇੱਕਠਾ ਸੀ।
ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਰੀਨਾ ਦੱਤ ਨਾਲ 16 ਸਾਲ ਦੇ ਵਿਆਹ ਤੋਂ ਬਾਅਦ ਆਮਿਰ ਨੇ ਤਲਾਕ ਲੈ ਲਿਆ ਸੀ।
2005 'ਚ ਆਮਿਰ ਨੇ ਕਿਰਨ ਰਾਓ ਨਾਲ ਵਿਆਹ ਕਰ ਲਿਆ ਸੀ।
ਰੀਨਾ ਨਾਲ ਆਮਿਰ ਦੇ ਦੋ ਬੱਚੇ ਇਰਾ ਤੇ ਜੁਨੈਦ ਹਨ, ਜਿਨ੍ਹਾਂ ਨੂੰ ਅਕਸਰ ਕਿਰਨ ਨਾਲ ਦੇਖਿਆ ਜਾਂਦਾ ਹੈ।
ਕਿਰਨ ਨਾਲ ਆਮਿਰ ਦੇ ਵਿਆਹ ਨੂੰ 13 ਸਾਲ ਹੋ ਗਏ ਹਨ। ਕਿਰਨ ਤੇ ਆਮਿਰ ਦਾ ਇਕ ਬੇਟਾ ਆਜ਼ਾਦ ਵੀ ਹੈ।