ਜਲੰਧਰ(ਬਿਊਰੋ)— ਬਾਲੀਵੁੱਡ ਅਦਾਕਾਰ ਆਮਿਰ ਖਾਨ ਅੱਜ ਆਪਣਾ 54ਵਾਂ ਜਨਮ ਦਿਨ ਮਨਾ ਰਹੇ ਹਨ । ਆਮਿਰ ਜਿਨ੍ਹਾਂ ਆਪਣੇ ਟੈਲੇਂਟ ਕਰਕੇ ਬਾਲੀਵੁੱਡ 'ਚ ਜਾਣੇ ਜਾਂਦੇ ਹਨ ਓਨਾ ਹੀ ਮਸ਼ਹੂਰ ਉਨ੍ਹਾਂ ਦਾ ਗੁੱਸਾ ਹੈ । ਉਹ ਜਿਸ ਨਾਲ ਨਰਾਜ਼ ਹੋ ਜਾਂਦੇ ਹਨ, ਉਸ ਦੀ ਖੈਰ ਨਹੀਂ ਹੁੰਦੀ। ਇਸੇ ਤਰ੍ਹਾਂ ਦਾ ਇਕ ਕਿੱਸਾ ਉਨ੍ਹਾਂ ਦੇ ਜਨਮ ਦਿਨ 'ਤੇ ਯਾਦ ਆਉਂਦਾ ਹੈ। ਆਮਿਰ ਖਾਨ ਦੇ ਗੁੱਸੇ ਦਾ ਸ਼ਿਕਾਰ ਇਕ ਅਦਾਕਾਰਾ ਵੀ ਹੋ ਚੁੱਕੀ ਹੈ। ਇਹ ਅਦਾਕਾਰਾ ਉਸ ਸਮੇਂ ਦੀ ਸਭ ਤੋਂ ਮਸ਼ਹੂਰ ਅਦਾਕਾਰਾ ਸੀ ਪਰ ਹਾਲਾਤ ਇਸ ਤਰ੍ਹਾਂ ਦੀ ਬਣ ਗਏ ਸਨ ਕਿ ਉਹ ਰੋ ਪਈ। ਇਹ ਅਦਾਕਾਰਾ ਕੋਈ ਹੋਰ ਨਹੀਂ ਬਲਕਿ ਦਿਵਿਆ ਭਾਰਤੀ ਸੀ। ਦਿਵਿਆ ਅਤੇ ਆਮਿਰ ਖਾਨ ਦਾ ਇਹ ਕਿੱਸਾ ਇਕ ਸਟੇਜ਼ ਸ਼ੋਅ ਦਾ ਹੈ। ਆਮਿਰ ਖਾਨ ਦਿਵਿਆ ਦੀ ਇਕ ਗਲਤੀ ਤੋਂ ਇੰਨ੍ਹੇ ਨਾਰਾਜ਼ ਹੋ ਗਏ ਕਿ ਉਨ੍ਹਾਂ ਨੇ ਦਿਵਿਆ ਨਾਲ ਕੰਮ ਕਰਨ ਤੋਂ ਮਨ੍ਹਾ ਕਰ ਦਿੱਤਾ। ਦੱਸਿਆ ਜਾਂਦਾ ਹੈ ਕਿ ਲੰਡਨ 'ਚ ਦਿਵਿਆ ਦੇ ਵਿਵਹਾਰ ਨੂੰ ਦੇਖ ਕੇ ਆਮਿਰ ਖਾਨ ਨਾਰਾਜ਼ ਹੋ ਗਏ ਸਨ । ਦਿਵਿਆ ਨੇ ਇਸ ਗਲਤੀ ਨੂੰ ਕਵਰ ਵੀ ਕਰ ਲਿਆ ਸੀ ਪਰ ਇਸ ਦੇ ਬਾਵਜੂਦ ਆਮਿਰ ਖਾਨ ਉਸ ਨਾਲ ਨਾਰਾਜ਼ ਹੀ ਰਹੇ ਪਰ ਬਾਅਦ 'ਚ ਸਲਮਾਨ ਖਾਨ ਨੇ ਆ ਕੇ ਮੌਕਾ ਸੰਭਾਲ ਲਿਆ ਸੀ। ਸ਼ੋਅ ਤੋਂ ਬਾਅਦ ਦਿਵਿਆ ਭਾਰਤੀ ਬਾਥਰੂਮ 'ਚ ਜਾ ਕੇ ਕਈ ਘੰਟੇ ਰੋਈ ਸੀ ਪਰ ਬਾਲੀਵੁੱਡ 'ਚ ਇਹ ਕਿੱਸਾ ਸੁਰਖੀਆਂ 'ਚ ਆ ਗਿਆ ਸੀ।