ਮੁੰਬਈ (ਬਿਊਰੋ) : ਬਾਲੀਵੁੱਡ ਦੇ ਸੁਪਰਸਟਾਰ ਸ਼ਾਹਰੁਖ ਖਾਨ ਤੇ ਆਮਿਰ ਖਾਨ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਦੱਸ ਦਈਏ ਕਿ ਇਹ ਵੀਡੀਓ ਕਾਫੀ ਪੁਰਾਣਾ ਹੈ। ਇਸ 'ਚ ਉਹ ਦੱਸ ਰਹੇ ਹਨ ਕਿ ਕਿਸ ਤਰਾਂ ਉਹ ਟੈਕਨੋਲਜੀ ਤੋਂ ਦੂਰ ਭੱਜਦੇ ਹਨ ਪਰ ਟੈਕਨੋਲਜੀ ਉਨ੍ਹਾਂ ਦਾ ਪਿੱਛਾ ਨਹੀਂ ਛੱਡਦੀ। ਇਸ ਵੀਡੀਓ 'ਚ ਉਹ ਇਸ ਨੂੰ ਲੈ ਕੇ ਇਕ ਕਿੱਸਾ ਵੀ ਸੁਣਾਉਂਦੇ ਹਨ, ਜਿਸ 'ਚ ਉਹ ਦੱਸਦੇ ਹਨ ਕਿ ਇਕ ਵਾਰ ਸ਼ਾਹਰੁਖ ਖਾਨ ਨੇ ਉਨ੍ਹਾਂ ਲਈ ਇਕ ਲੈਪਟਾਪ ਖਰੀਦਿਆ ਸੀ ਤੇ ਇਹ ਲੈਪਟਾਪ ਮੈਨੂੰ ਗਿਫਟ ਕੀਤਾ ਗਿਆ ਸੀ।
ਆਮਿਰ ਖਾਨ ਨੇ ਖੁਲਾਸਾ ਕੀਤਾ ਕਿ ਉਹ ਕਦੇ ਵੀ ਕੰਪਿਊਟਰ ਦੀ ਵਰਤੋ ਨਹੀਂ ਕਰਦੇ, ਇਸ ਲਈ ਮੈਂ ਇਸ ਗਿਫਟ ਵਾਲੇ ਲੈਪਟਾਪ ਦੀ ਪੈਕਿੰਗ ਤੱਕ ਨਹੀਂ ਸੀ ਖੋਲ੍ਹੀ ਅਤੇ ਉਹ ਗਿਫਟ 5 ਸਾਲ ਇਸੇ ਤਰ੍ਹਾਂ ਹੀ ਪਿਆ ਰਿਹਾ। ਉਨ੍ਹਾਂ ਨੇ ਦੱਸਿਆ ਕਿ ਇਕ ਦਿਨ ਉਨ੍ਹਾਂ ਦਾ ਮੈਨੇਜਰ ਮੇਰੇ ਕੋਲ ਆਇਆ ਤੇ ਉਸ ਨੇ ਪੁੱਛਿਆ ਕਿ ਇਹ ਲੈਪਟਾਪ ਉਹ ਵਰਤ ਸਕਦਾ ਹੈ ਤਾਂ ਆਮਿਰ ਨੇ ਤੁਰੰਤ ਕਿਹਾ ਹਾਂ ਕਰ ਸਕਦਾ ਹੈ। ਇਹ ਲੈਪਟਾਪ ਚਾਲੂ ਨਹੀਂ ਹੋਇਆ। ਇਸ ਤੋਂ ਬਾਅਦ ਆਮਿਰ ਖਾਨ ਨੇ ਕਾਫੀ ਮਸਤੀ ਕੀਤੀ।
ਦੱਸਣਯੋਗ ਹੈ ਕਿ ਆਮਿਰ ਖਾਨ ਤੇ ਸ਼ਾਹਰੁਖ ਖਾਨ ਕਾਫੀ ਚੰਗੇ ਦੋਸਤ ਹਨ। ਦੋਵੇਂ ਬਾਲੀਵੁੱਡ 'ਤੇ ਕਾਫੀ ਲੰਮੇ ਸਮੇਂ ਤੋਂ ਰਾਜ ਕਰਦੇ ਆ ਰਹੇ ਹਨ।