ਮੁੰਬਈ(ਬਿਊਰੋ)- ਸਲਮਾਨ ਖਾਨ ਦੀ ਭੈਣ ਅਰਪਿਤਾ ਨੇ ਬੀਤੇ ਕੁਝ ਦਿਨ ਪਹਿਲਾਂ ਇਕ ਨੰਨ੍ਹੀ ਪਰੀ ਨੂੰ ਜਨਮ ਦਿੱਤਾ। ਹੁਣ ਅਰਪਿਤਾ ਦੇ ਪਤੀ ਆਯੁਸ਼ ਨੇ ਆਪਣੀ ਧੀ ਆਯਤ ਦੀਆਂ ਤਸਵੀਰਾਂ ਇੰਸਟਾਗ੍ਰਾਮ ’ਤੇ ਸਾਂਝੀਆਂ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ਵਿਚ ਅਰਪਿਤਾ, ਆਯਤ ਤੇ ਆਯੁਸ਼ ਤੋਂ ਇਲਾਵਾ ਉਨ੍ਹਾਂ ਦਾ ਬੇਟਾ ਆਹਿਲ ਵੀ ਮੁਸਕੁਰਾਉਂਦਾ ਦਿਖਾਈ ਦੇ ਰਿਹਾ ਹੈ।
ਇਸ ਫੈਮਿਲੀ ਤਸਵੀਰ ਐਲਬਮ ਨਾਲ ਆਯੁਸ਼ ਨੇ ਲਿਖਿਆ, ‘‘ਇਸ ਖੂਬਸੂਰਤ ਦੁਨੀਆ ਵਿਚ ਸਵਾਗਤ ਹੈ ਆਯਤ’।
ਸੁਪਰਸਟਾਰ ਸਲਮਾਨ ਖਾਨ ਦੀ ਭੈਣ ਅਰਪਿਤਾ ਨੇ ਆਪਣੀ ਦੂਜੀ ਔਲਾਦ ਨੂੰ ਸੀਜੇਰੀਅਨ ਆਪਰੇਸ਼ਨ ਰਾਹੀਂ 28 ਦਸੰਬਰ 2019 ਨੂੰ ਜਨਮ ਦਿੱਤਾ।
ਉਨ੍ਹਾਂ ਦਾ ਸੁਪਨਾ ਸੀ ਕਿ ਉਨ੍ਹਾਂ ਦੀ ਧੀ ਦਾ ਜਨਮ ਉਸੇ ਦਿਨ ਹੋਵੇ, ਜਿਸ ਦਿਨ ਉਨ੍ਹਾਂ ਦੇ ਭਰਾ ਦਾ ਜਨਮਦਿਨ ਹੈ।
ਦੱਸ ਦੇਈਏ ਕਿ ਅਰਪਿਤਾ ਅਤੇ ਆਯੁਸ਼ ਨੇ ਸਾਲ 2014 ਵਿਚ ਵਿਆਹ ਕੀਤਾ ਅਤੇ ਸਾਲ 2016 ਵਿਚ ਬੇਟੇ ਆਹਿਲ ਨੂੰ ਜਨਮ ਦਿੱਤਾ।