ਮੁੰਬਈ(ਬਿਊਰੋ)— ਬਾਲੀਵੁੱਡ ਕੱਪਲ ਐਸ਼ਵਰਿਆ ਰਾਏ ਬੱਚਨ ਤੇ ਅਭਿਸ਼ੇਕ ਬੱਚਨ ਆਪਣੇ ਫੈਨਜ਼ ਨੂੰ ਅਕਸਰ ਹੀ ਸਰਪ੍ਰਾਈਜ਼ ਦਿੰਦੇ ਹਨ। ਫਿਲਹਾਲ ਅਭਿਸ਼ੇਕ ਆਪਣੀ ਆਉਣ ਵਾਲੀ ਫਿਲਮ 'ਮਨਮਰਜ਼ੀਆਂ' ਨੂੰ ਲੈ ਕੇ ਕਾਫੀ ਸੁਰਖੀਆਂ 'ਚ ਹਨ। ਫਿਲਮ ਨੂੰ ਲੈ ਕੇ ਉਨ੍ਹਾਂ ਨੇ ਇੰਟਰਵਿਊ 'ਚ ਖੁਦ ਨੂੰ ਮਿਲੀ ਐਕਟਿੰਗ ਸਲਾਹ ਦਾ ਜ਼ਿਕਰ ਕੀਤਾ।
ਇਕ ਇੰਟਰਵਿਊ 'ਚ ਅਭਿਸ਼ੇਕ ਤੋਂ ਪੁੱਛਿਆ ਗਿਆ ਕਿ ਐਕਟਿੰਗ ਨੂੰ ਲੈ ਕੇ ਸਭ ਤੋਂ ਪ੍ਰੈਕਟੀਕਲ ਸਲਾਹ ਕੀ ਮਿਲੀ? ਅਭਿਸ਼ੇਕ ਨੇ ਜਵਾਬ ਦਿੱਤਾ, “ਮੇਰੀ ਪਤਨੀ ਨੇ ਮੈਨੂੰ ਸਲਾਹ ਦਿੱਤੀ ਸੀ,“ਚੈਕ ਯੋਰ ਟੀਥ, ਚੈਕ ਯੋਰ ਨੋਜ਼।'' ਇੰਨਾ ਹੀ ਨਹੀ ਅਭਿਸ਼ੇਕ ਨੇ ਕਿਹਾ ਕਿ ਲੋਕਾਂ ਨੂੰ ਮੇਰੀ ਐਕਟਿੰਗ ਪਸੰਦ ਆਵੇ ਜਾਂ ਨਾ ਆਵੇ, ਮੈਂ ਲੋਕਾਂ ਵੱਲੋਂ ਹੋਣ ਵਾਲੀ ਅਲੋਚਨਾ ਲਈ ਵੀ ਪੂਰੀ ਤਰ੍ਹਾਂ ਤਿਆਰ ਹਾਂ।
ਜਿਹੜੇ ਲੋਕ ਪੈਸਾ ਖਰਚ ਕੇ ਫਿਲਮ ਦੇਖ ਰਹੇ ਹਨ, ਉਨ੍ਹਾਂ ਨੂੰ ਹੱਕ ਹੈ ਕਿ ਅਭਿਸ਼ੇਕ ਬਾਰੇ ਟਿੱਪਣੀਆਂ ਕਰ ਸਕਣ।'' ਫਿਲਮ 'ਮਨਮਰਜ਼ੀਆਂ' ਇਸ ਹਫਤੇ ਰਿਲੀਜ਼ ਹੋਣ ਵਾਲੀ ਹੈ। ਇਸ ਦੀ ਸਕ੍ਰੀਨਿੰਗ ਹਾਲ ਹੀ 'ਚ ਹੋਈ ਤੇ ਫਿਲਮ ਨੂੰ ਦੇਖ ਕੇ ਅਮਿਤਾਭ ਬੱਚਨ ਨੇ ਵੀ ਤਾਪਸੀ ਪਨੂੰ ਤੇ ਵਿੱਕੀ ਕੌਸ਼ਲ ਦੀ ਤਾਰੀਫ ਕਰਕੇ ਉਨ੍ਹਾਂ ਨੂੰ ਲੈਟਰ ਲਿਖਿਆ।
