ਮੁੰਬਈ(ਬਿਊਰੋ)— ਬਾਲੀਵੁੱਡ ਮਸ਼ਹੂਰ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਤੇ ਅਭਿਸ਼ੇਕ ਕਪੂਰ ਦੇ ਵਿਆਹ ਨੂੰ ਅੱਜ 11 ਸਾਲ ਹੋ ਗਏ ਹਨ। ਦੋਵਾਂ ਦਾ ਵਿਆਹ 20 ਅਪ੍ਰੈਲ 2007 'ਚ ਹੋਇਆ ਸੀ। ਵਿਆਹ ਬੱਚਨ ਪਰਿਵਾਰ ਦੇ ਬੰਗਲੇ 'ਪ੍ਰਤੀਕਸ਼ਾ' 'ਚ ਹੋਇਆ ਸੀ ਤੇ ਰਿਸੇਪਸ਼ਨ ਤਾਜ ਹੋਟਲ 'ਚ ਹੋਇਆ ਸੀ। ਵਿਆਹ ਸਮੇਂ ਐਸ਼ਵਰਿਆ ਰਾਏ 33 ਸਾਲ ਦੀ ਸੀ ਜਦੋਂ ਅਭਿਸ਼ੇਕ ਦੀ ਉਮਰ 31 ਸਾਲ ਸੀ। ਅੱਜ ਦੋਵਾਂ ਦੀ 6 ਸਾਲ ਦੀ ਇਕ ਬੇਟੀ ਆਰਾਧਿਆ ਹੈ।
ਅਭਿਸ਼ੇਕ ਨੇ ਹੋਟਲ ਦੀ ਬਾਲਕਨੀ 'ਚ ਕੀਤਾ ਸੀ ਐਸ਼ਵਰਿਆ ਨੂੰ ਪ੍ਰਪੋਜ਼
ਇਕ ਇੰਟਰਵਿਊ ਦੌਰਾਨ ਅਭਿਸ਼ੇਕ ਨੇ ਦੱਸਿਆ ਸੀ ਕਿ ਟੋਰੰਟੋ 'ਚ ਜਨਵਰੀ 2007 ਦੇ ਫਿਲਮ 'ਗੁਰੂ' ਦੇ ਪ੍ਰੀਮੀਅਰ ਤੋਂ ਬਾਅਦ ਹੋਟਲ ਦੀ ਬਾਲਕਨੀ 'ਚ ਮੈਂ ਐਸ਼ਵਰਿਆ ਨੂੰ ਪ੍ਰਪੋਜ਼ ਕੀਤਾ ਸੀ। ਬਕੌਲ ਅਭਿਸ਼ੇਕ, ''ਮੈਂ ਐਸ਼ਵਰਿਆ ਰਾਏ ਨੂੰ ਪ੍ਰੋਪਜ਼ ਕਰਦੇ ਸਮੇਂ ਕਾਫੀ ਘਬਰਾਇਆ ਹੋਇਆ ਸੀ ਪਰ ਹਿੰਮਤ ਕਰਕੇ ਮੈਂ ਉਸ ਨੂੰ ਦਿਲ ਦੀ ਗੱਲ ਦੱਸੀ ਤੇ ਐਸ਼ਵਰਿਆ ਨੇ ਵੀ ਹਾਂ ਕਰਨ 'ਚ ਇਕ ਸੈਕਿੰਡ ਦਾ ਸਮਾਂ ਨਹੀਂ ਲਾਇਆ।
7 ਸਾਲਾਂ 'ਚ ਐਸ਼ਵਰਿਆ-ਅਭਿਸ਼ੇਕ ਨੇ ਕੀਤੀਆਂ 6 ਫਿਲਮਾਂ
ਐਸ਼ਵਰਿਆ ਤੇ ਅਭਿਸ਼ੇਕ ਨੇ 7 ਸਾਲਾਂ 'ਚ 'ਢਾਈ ਅੱਖਸ਼ਰ ਪ੍ਰੇਮ ਕੇ', 'ਕੁਛ ਨਾ ਕਹੋ', 'ਬੰਟੀ ਔਰ ਬਬਲੀ', 'ਓਮਰਾਵ ਜਾਨ', 'ਧੂਮ 2', 'ਗੁਰੂ' ਨੂੰ ਮਿਲ ਕੇ 6 ਫਿਲਮਾਂ 'ਚ ਇਕੱਠੇ ਕੰਮ ਕੀਤਾ। ਵਿਆਹ ਤੋਂ ਬਾਅਦ ਦੋਵਾਂ ਦੀ ਫਿਲਮ 'ਸਰਕਾਰ ਰਾਜ' ਤੇ 'ਰਾਵਨ' ਰਿਲੀਜ਼ ਹੋਈ ਸੀ।
ਇਸ ਤੋਂ ਬਾਅਦ ਐਸ਼ਵਰਿਆ ਦੀ ਫਿਲਮ 'ਗੁਜਾਰਿਸ਼' ਰਿਲੀਜ਼ ਹੋਈ ਸੀ ਪਰ ਫਿਰ ਨਿੱਜੀ ਜ਼ਿੰਦਗੀ 'ਤੇ ਧਿਆਨ ਦੇਣ ਲਈ ਉਸ ਨੇ ਫਿਲਮਾਂ ਤੋਂ ਦੂਰੀ ਬਣਾ ਲਈ। ਇਸ ਤੋਂ ਐਸ਼ਵਰਿਆ ਨੇ ਸਾਲ 2015 'ਚ 'ਜ਼ਜਬਾ' ਫਿਲਮ ਨਾਲ ਇੰਡਸਟਰੀ 'ਚ ਕਮਬੈਕ ਕੀਤਾ, ਜਿਸ ਤੋਂ ਬਾਅਦ ਉਹ 'ਸਰਬਜੀਤ' ਤੇ 'ਏ ਦਿਲ ਹੈ ਮੁਸ਼ਕਿਲ' 'ਚ ਨਜ਼ਰ ਆਈ।
ਅਭਿਸ਼ੇਕ 'ਰਵਨ' ਤੋਂ ਬਾਅਦ 'ਧੂਮ 3', 'ਹੈਪੀ ਨਿਊ ਈਅਰ', 'ਹਾਊਸਫੁੱਲ3' 'ਚ ਨਜ਼ਰ ਆਏ ਪਰ ਉਸ ਦੀਆਂ ਫਿਲਮਾਂ ਬਾਕਸ ਆਫਿਸ 'ਤੇ ਕੋਈ ਖਾਸ ਕਮਾਲ ਨਾ ਦਿਖਾ ਸਕੀਆਂ।
ਕਰਿਸ਼ਮਾ ਨਾਲ ਮੰਗਣੀ ਕਰ ਚੁੱਕੇ ਸੀ ਅਭਿਸ਼ੇਕ, ਫਿਰ ਐਸ਼ਵਰਿਆ ਨਾਲ ਵਧੀਆ ਨਜ਼ਦੀਆਂ
ਉਂਝ ਐਸ਼ਵਰਿਆ ਤੋਂ ਪਹਿਲਾਂ ਸਾਲ 2002 'ਚ ਅਭਿਸ਼ੇਕ ਤੇ ਕਰਿਸ਼ਮਾ ਕਪੂਰ ਦੀ ਮੰਗਣੀ ਹੋਈ ਸੀ ਪਰ ਸਾਲ 2003 'ਚ ਟੁੱਟ ਗਈ, ਜਿਸ ਦਾ ਕਾਰਨ ਐਸ਼ਵਰਿਆ ਸੀ।
ਐਸ਼ਵਰਿਆ ਦੀ ਕੁੰਡਲੀ 'ਚ ਸੀ ਮੰਗਲ
ਅਜਿਹੀਆਂ ਖਬਰਾਂ ਆਈ ਸਨ ਕਿ ਵਿਆਹ ਦੇ ਠੀਕ ਸਮੇਂ ਪਹਿਲਾਂ ਐਸ਼ਵਰਿਆ ਨੂੰ ਲੈ ਕੇ ਬੱਚਨ ਪਰਿਵਾਰ ਅਮਰ ਸਿੰਘ ਨਾਲ ਵਾਰਾਣਸੀ ਦੇ ਸੰਕਟ ਮੋਚਨ ਤੇ ਵਿਸ਼ਵਨਾਥ ਮੰਦਰ 'ਚ ਵਿਸ਼ੇਸ਼ ਪੂਜਾ ਲਈ ਗਏ ਸਨ।
ਐਸ਼ਵਰਿਆ ਦੀ ਕੁੰਡਲੀ 'ਚ ਮੰਗਲ ਦੋਸ਼ ਸੀ, ਜਿਸ ਦੇ ਨਿਵਾਰਣ ਲਈ ਬੱਚਨ ਪਰਿਵਾਰ ਨੇ ਪੂਜਾ ਕਰਵਾਈ ਸੀ। ਇਸ ਤੋਂ ਬਾਅਦ 20 ਅਪ੍ਰੈਲ 2007 ਨੂੰ ਦੋਵਾਂ ਦਾ ਵਿਆਹ ਹੋਇਆ। ਅਭਿਸ਼ੇਕ ਤੇ ਐਸ਼ਵਰਿਆ ਹਨੀਮੂਨ ਮਨਾਉਣ ਯੂਰਪ ਗਏ ਸਨ।