ਨਵੀਂ ਦਿੱਲੀ(ਬਿਊਰੋ)— ਇੰਨੀ ਦਿਨੀਂ ਕਈ ਫਿਲਮੀ ਸਿਤਾਰਿਆਂ 'ਚ ਵਿਆਹ ਦਾ ਰੁਝਾਨ ਚੱਲ ਰਿਹਾ ਹੈ। ਹਾਲ ਹੀ 'ਚ ਸੋਨਮ ਕਪੂਰ ਤੇ ਆਨੰਦ ਆਹੂਜਾ ਵਿਆਹ ਦੇ ਬੰਧਨ 'ਚ ਬੱਝੇ ਹਨ। ਇਸ ਤੋਂ ਬਾਅਦ ਨੇਹਾ ਧੂਪੀਆ ਬੈਸਟ ਫ੍ਰੈਂਡ ਅੰਗਦ ਬੇਦੀ ਨਾਲ ਅਤੇ ਹਿਮੇਸ਼ ਰੇਸ਼ਮੱਈਆ ਪ੍ਰੇਮਿਕਾ ਨਾਲ ਵਿਆਹ ਦੇ ਪਵਿੱਤਰ ਬੰਧਨ 'ਚ ਬੱਝੇ।
ਹਾਲ ਹੀ 'ਚ ਇਕ ਹੋਰ ਅਦਾਕਾਰ ਵਿਆਹ ਦੇ ਬੰਧਨ 'ਚ ਬੱਝੇ ਹੈ, ਜੋ ਕਿ ਭੋਜਪੁਰੀ ਇੰਡਸਟਰੀ ਨਾਲ ਤਾਲੁਕ ਰੱਖਦਾ ਹੈ। ਅਸਲ 'ਚ ਦੇਵੇਂਦਰ ਸਿੰਘ ਨੇ ਮੁੰਬਈ 'ਚ ਸੋਨਮ ਯਾਨੀ ਰਾਗਿਨੀ ਸਿੰਘ ਨਾਲ ਵਿਆਹ ਕਰਵਾ ਲਿਆ ਹੈ।
ਦੇਵ ਦੇ ਵਿਆਹ ਦਾ ਸਮਾਰੋਹ ਦਾ ਗਵਾਹ ਬਣੇ ਭੋਜਪੁਰੀ ਇੰਡਸਟਰੀ ਦੇ ਕਈ ਨਾਮੀ ਕਲਾਕਾਰ, ਜਿਨ੍ਹਾਂ 'ਚ ਮੇਗਾ ਸਟਾਰ ਰਵੀ ਕਿਸ਼ਨ, ਜੁਬਲੀ ਸਟਾਰ ਦਿਨੇਸ਼ ਲਾਲ ਯਾਦਵ ਨਿਰਹੂਆ, ਸੁਪਰ ਸਟਾਰ ਖੇਸਾਰੀਲਾਲ ਯਾਦਵ, ਚਾਕਲੇਟੀ ਸਟਾਰ ਪ੍ਰਦੀਪ ਪਾਂਡੇਅ ਚਿੰਟੂ, ਸਦਾਬਹਾਰ ਅਭਿਨੇਤਾ ਅਵਧੇਸ਼ ਮਿਸ਼ਰਾ, ਬਤਾਸ਼ਾ ਚਚਾ ਯਾਨੀ ਮਨੋਜ ਟਾਈਗਰ, ਯੂਟਿਊਬ ਸੇਂਸ਼ੇਸਨ ਆਮਰਪਾਲੀ ਦੁਬੇ ਸਮੇਤ ਕਈ ਹਸਤੀਆਂ ਪੁੱਜੀਆਂ ਤੇ ਉਨ੍ਹਾਂ ਨੂੰ ਸ਼ੁੱਭਕਾਮਨਾਵਾਂ ਵੀ ਦਿੱਤੀਆਂ।
