ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਅਦਿਤੀ ਰਾਓ ਹੈਦਰੀ 28 ਅਕਤੂਬਰ ਨੂੰ ਆਪਣਾ 32ਵਾਂ ਜਨਮਦਿਨ ਮਨਾ ਰਹੀ ਹੈ। ਫਿਲਮ 'ਭੂਮੀ' ਤੇ 'ਪਦਮਾਵਤ' 'ਚ ਮੁੱਖ ਭੂਮਿਕਾ ਨਿਭਾ ਚੁੱਕੀ ਅਦਾਕਾਰਾ ਰਾਜ ਘਰਾਣੇ ਨਾਲ ਸਬੰਧ ਰੱਖਦੀ ਹੈ।
ਅਦਿਤੀ ਅਕਬਰ ਹੈਦਰੀ ਦੀ ਪੜਪੋਤੀ ਹੈ ਅਤੇ ਅਸਮ ਦੇ ਸਾਬਕਾ ਗਵਰਨਰ ਮਹੁੰਮਦ ਸਾਲੇਹ ਅਕਬਰ ਹੈਦਰੀ ਦੀ ਗ੍ਰੈਂਡ ਨੀਸ ਹੈ।
ਅਦਿਤੀ ਦੇ ਨਾਨਾ ਰਾਜਾ ਜੇ. ਰਾਮੇਸ਼ਵਰ. ਰਾਓ ਤੇਲੰਗਾਨਾ ਦੇ ਵਨਾਪਰਥੀ 'ਤੇ ਰਾਜ ਕਰਦੇ ਸਨ ਅਤੇ ਸ਼ਾਂਤਾ ਰਾਮੇਸ਼ਵਰ ਰਾਓ ਹੈਦਰਾਬਾਦ ਦੇ ਮੰਨੇ ਪ੍ਰਮੰਨੇ ਐਜੂਕੇਸ਼ਨਲਿਸਟ ਨਾਲ ਹੀ ਓਰੀਏਂਟ ਬਲੈਕਸਵਾਨ ਪਬਲਿਸਿੰਘ ਹਾਊਸ ਦੇ ਚੇਅਰਪਰਸਨ ਸਨ।
ਦੱਸ ਦੇਈਏ ਕਿ ਅਦਿਤੀ ਆਪਣੀ ਮਾਂ ਵਿਦਿਆ ਰਾਓ ਤੇ ਪਿਤਾ ਅਹਿਸਾਨ ਹੈਦਰੀ ਦੋਵਾਂ ਦਾ ਉਪਨਾਮ (ਸਰਨੇਮ) ਇਸਤੇਮਾਲ ਕਰਦੀ ਹੈ।
ਉਸ ਦਾ ਕਹਿਣਾ ਹੈ ਕਿ ਮੇਰੀ ਮਾਂ ਨੇ ਮੇਰਾ ਪਾਲਣ-ਪੋਸ਼ਣ ਤੇ ਵੱਡਾ ਕੀਤਾ ਹੈ ਜਦੋਂ ਮੇਰੇ ਪਿਤਾ ਵੀ ਮੇਰੀ ਜ਼ਿੰਦਗੀ ਦਾ ਹਿੱਸਾ ਹੈ।
ਸੂਤਰਾਂ ਮੁਤਾਬਕ, ਅਦਿਤੀ ਨੇ ਸਾਲ 2009 'ਚ ਐਕਟਰ ਸੱਤਿਆਦੀਪ ਮਿਸ਼ਰਾ ਨਾਲ ਵਿਆਹ ਕਰਵਾਇਆ ਸੀ ਪਰ 4 ਸਾਲਾਂ ਬਾਅਦ ਦੋਵੇਂ ਵੱਖ ਹੋ ਗਏ।
ਸਾਲ 2012 'ਚ ਜਦੋਂ ਇਕ ਇੰਟਰਵਿਊ ਦੌਰਾਨ ਅਦਿਤੀ ਤੋਂ ਉਸ ਦੇ ਵਿਆਹ ਬਾਰੇ ਪੁੱਛਿਆ ਗਿਆ ਤਾਂ ਉਸ ਨੇ ਇਸ ਬਾਰੇ ਕੁਝ ਵੀ ਕਹਿਣ ਤੋਂ ਸਾਫ ਇਨਕਾਰ ਕਰ ਦਿੱਤਾ।
ਅਦਿਤੀ ਇਕ ਪਲੇਬੈਕ ਸਿੰਗਰ ਵੀ ਹੈ ਤੇ ਉਸ ਨੇ ਆਪਣੀ ਫਿਲਮ 'ਲੰਦਨ, ਪੈਰਿਸ, ਨਿਊਯਾਰਕ' 'ਚ ਇਕ ਗੀਤ ਵੀ ਗਾਇਆ ਸੀ। ਇਸ ਦੇ ਨਾਲ ਹੀ ਅਦਿਤੀ ਨੂੰ ਕਵਿਤਾਵਾਂ ਲਿਖਣ ਦਾ ਵੀ ਬਹੁਤ ਸ਼ੌਂਕ ਹੈ।
ਦੱਸ ਦੇਈਏ ਕਿ ਅਦਿਤੀ ਨੇ ਸਾਲ 2006 'ਚ ਮਲਿਆਲਮ ਫਿਲਮ 'ਪ੍ਰਜਾਪਤੀ' ਨਾਲ ਐਕਟਿੰਗ 'ਚ ਡੈਬਿਊ ਕੀਤਾ ਸੀ। ਇਸ ਤੋਂ ਬਾਅਦ ਸਾਲ 2007 'ਚ ਉਸ ਨੇ ਤਮਿਲ ਫਿਲਮ 'ਸ਼੍ਰੀਂਗਾਰਮ' ਕੀਤੀ ਸੀ।