ਮੁੰਬਈ(ਬਿਊਰੋ)- ਸੁਨੀਲ ਗਰੋਵਰ ਦੀ ਫਿਲਮ 'ਭਾਰਤ' ਬੀਤੇ ਦਿਨ ਹੀ ਰਿਲੀਜ਼ ਹੋਈ ਹੈ। ਫਿਲਮ 'ਚ ਉਨ੍ਹਾਂ ਦੀ ਐਕਟਿੰਗ ਨੂੰ ਲੈ ਕੇ ਕਾਫੀ ਤਾਰੀਫ ਕੀਤੀ ਜਾ ਰਹੀ ਹੈ। 'ਭਾਰਤ' 'ਚ ਉਹ ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਨਾਲ ਅਹਿਮ ਭੂਮਿਕਾ ਨਿਭਾਉਂਦੇ ਨਜ਼ਰ ਆਏ ਹਨ। ਫਿਲਮ ਦੇ ਪ੍ਰਮੋਸ਼ਨ ਲਈ ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਕਪਿਲ ਸ਼ਰਮਾ ਦੇ ਸ਼ੋਅ 'ਚ ਗਏ ਸਨ ਪਰ ਸੁਨੀਲ ਗਰੋਵਰ ਉਨ੍ਹਾਂ ਨਾਲ ਨਹੀਂ ਗਏ ਸਨ।
ਹਾਲ ਹੀ 'ਚ ਸੁਨੀਲ ਗਰੋਵਰ ਨੇ ਸ਼ੋਅ 'ਚ ਵਾਪਸੀ 'ਤੇ ਗੱਲ ਕੀਤੀ ਹੈ। ਹਾਲ ਹੀ 'ਚ ਦਿੱਤੇ ਇੰਟਰਵਿਊ 'ਚ ਸੁਨੀਲ ਗਰੋਵਰ ਕੋਲੋਂ ਪੁੱਛਿਆ ਗਿਆ ਸੀ ਕਿ ਕਪਿਲ ਸ਼ਰਮਾ ਦੇ ਸ਼ੋਅ 'ਚ ਵਾਪਸੀ ਕਰ ਰਹੇ ਹੈ? ਇਸ ਗੱਲ 'ਤੇ ਸੁਨੀਲ ਗਰੋਵਰ ਨੇ ਜਵਾਬ ਦਿੰਦੇ ਹੋਏ ਕਿਹਾ,'' ਭਗਵਾਨ ਜਾਣੇ।'' ਬਾਅਦ 'ਚ ਸੁਨੀਲ ਨੇ ਕਿਹਾ ਉਹ ਟੀ. ਵੀ. 'ਤੇ ਦੁਬਾਰਾ ਵਾਪਸੀ ਕਰਨਾ ਚਾਹੁੰਦੇ ਹੈ।
ਜੇਕਰ ਉਨ੍ਹਾਂ ਨੂੰ ਕੰਮ ਕਰਨ ਲਈ ਕੁਝ ਥਰਿਲਰ ਮਿਲਦਾ ਹੈ ਤਾਂ ਉਹ ਲੋਕਾਂ ਨੂੰ ਐਂਟਰਟੇਨ ਕਰਨ ਲਈ ਦੁਬਾਰਾ ਟੀ.ਵੀ. 'ਤੇ ਵਾਪਸੀ ਕਰਨਗੇ। ਦੱਸ ਦੇਈਏ ਕਿ ਫਿਲਮ 'ਭਾਰਤ' 'ਚ ਆਜ਼ਾਦੀ ਤੋਂ ਪਹਿਲਾਂ ਤੋਂ ਲੈ ਕੇ ਬਾਅਦ ਤੱਕ ਦੀ ਕਹਾਣੀ ਦਿਖਾਈ ਗਈ ਹੈ। ਫਿਲਮ 'ਚ ਸਲਮਾਨ ਖਾਨ ਦੇ 5 ਵੱਖ ਕਿਰਦਾਰ ਦਿਖਾਏ ਗਏ ਹਨ।