ਮੁੰਬਈ— ਮਸ਼ਹੂਰ ਗਾਇਕ ਹਿਮੇਸ਼ ਰੇਸ਼ਮੀਆ ਅਤੇ ਉਸ ਦੀ ਪਤਨੀ ਕੋਮਲ ਨੇ ਆਪਣੀ ਸਹਿਮਤੀ ਨਾਲ ਤਲਾਕ ਲਿਆ ਹੈ। ਹਿਮੇਸ਼ ਆਪਣੀ ਪਤਨੀ ਕੋਮਲ ਤੋਂ ਤਲਾਕ ਲੈ ਕੇ ਬਾਅਦ ਲੰਬੇ ਟਾਈਮ ਤੋਂ ਪ੍ਰੇਮਿਕਾ ਬਣੀ ਸੋਨੀਆ ਕਪੂਰ ਨਾਲ ਵਿਆਹ ਦੇ ਬੰਧਨ 'ਚ ਬੱਝਣਗੇ।
ਹਿਮੇਸ਼ ਅਤੇ ਕੋਮਲ ਦੇ ਤਲਾਕ ਦੀ ਅਰਜੀ ਦਾਖਲ ਕੀਤੇ ਜਾਣ ਤੋਂ ਬਾਅਦ ਇਸ ਤਰ੍ਹਾਂ ਦੀਆਂ ਖਬਰਾਂ ਸਾਹਮਣੇ ਆ ਰਹੀਆਂ ਹਨ ਕਿ ਟੀ. ਵੀ. ਅਭਿਨੇਤਰੀ ਸੋਨੀਆ ਕਪੂਰ ਨਾਲ ਹਿਮੇਸ਼ ਦੀਆਂ ਨਜਦੀਕੀਆਂ ਕਾਰਨ ਇਹ ਨੌਬਤ ਆਈ ਹੈ।
ਹਲਾਂਕਿ ਕੋਮਨ ਨੇ ਕਿਹਾ ਹੈ ਕਿ ਉਹ ਵਿਚਾਰਾਂ ਦੇ ਮੁੱਦੇ 'ਤੇ ਵੱਖ ਹੋਏ ਹਨ ਅਤੇ ਇਸ 'ਚ ਸੋਨੀਆ ਦਾ ਕੋਈ ਲੈਣਾਦੇਣਾ ਨਹੀਂ ਹੈ ਪਰ ਸੂਤਰਾਂ ਮੁਤਾਬਕ ਹੁਣ ਕੋਮਲ ਤੋਂ ਤਲਾਕ ਤੋਂ ਬਾਅਦ ਹਿਮੇਸ਼ ਜਲਦ ਹੀ ਸੋਨੀਆ ਨਾਲ ਵਿਆਹ ਕਰਾਉਣਗੇ।
ਦੱਸਣਯੋਗ ਹੈ ਕਿ ਸੋਨੀਆ 'ਕਿਚੀ ਪਾਰਟੀ', 'ਸਤੀ', 'ਰਿਮਿਕਸ', 'ਐੱਸ ਬੋਸ' ਅਤੇ 'ਕੈਸਾ ਯੇ ਪਿਆਰ ਹੈ' ਵਰਗੇ ਕਈ ਸੀਰੀਅਲਾਂ 'ਚ ਨਜ਼ਰ ਆ ਚੁੱਕੀ ਹੈ।
ਸਾਲ 2006 ਤੋਂ ਹੀ ਸੋਨੀਆ ਅਤੇ ਹਿਮੇਸ਼ ਇੱਕ ਦੂਜੇ ਨਾਲ ਹਨ। ਹੁਣ ਕੋਮਲ ਤੋਂ ਤਲਾਕ ਤੋਂ ਬਾਅਦ ਹਿਮੇਸ਼ ਸੋਨੀਆ ਨਾਲ ਸੈਟਲ ਹੋਣਾ ਚਾਹੁੰਦੇ ਹਨ।