ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਆਯੁਸ਼ ਸ਼ਰਮਾ ਤੇ ਅਰਪਿਤਾ ਸ਼ਰਮਾ ਦੇ ਬੇਟੇ ਆਹਿਲ ਸ਼ਰਮਾ ਵੀ ਕਦੇ-ਕਦੇ ਸੋਸ਼ਲ ਮੀਡੀਆ 'ਤੇ ਦਸਤਕ ਦੇ ਹੀ ਦਿੰਦਾ ਹੈ। ਆਫਟਰ ਆਲ ਆਹਿਲ ਸਲਮਾਨ ਖਾਨ ਦਾ ਭਾਣਜਾ ਜੋ ਹੋਇਆ। ਆਹਿਲ ਦੀ ਆਪਣੇ ਮਾਮੂ ਸਲਮਾਨ ਖਾਨ ਨਾਲ ਤਸਵੀਰ ਆਏ ਦਿਨ ਸੋਸ਼ਲ ਮੀਡੀਆ 'ਤੇ ਆਉਂਦੀਆਂ ਰਹਿੰਦੀਆਂ ਹਨ। ਇਕ ਵਾਰ ਫਿਰ ਦੋਵਾਂ ਦੀ ਇਕ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਅਰਪਿਤਾ ਨੇ ਸ਼ੇਅਰ ਕੀਤੀ ਤਸਵੀਰ
ਸਲਮਾਨ ਖਾਨ ਦੀ ਭੈਣ ਅਰਪਿਤਾ ਸ਼ਰਮਾ ਨੇ ਆਪਣੇ ਬੇਟੇ ਆਹਿਲ ਤੇ ਭਰਾ ਸਲਮਾਨ ਖਾਨ ਦੀ ਤਸਵੀਰ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਹੈ। ਉਂਝ ਅਰਪਿਤਾ ਆਪਣੇ ਬੇਟੇ ਨਾਲ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ। ਇਸ ਵਾਰ ਸ਼ੇਅਰ ਕੀਤੀ ਗਈ ਤਸਵੀਰ 'ਚ ਸਲਮਾਨ ਖਾਨ ਭਾਣਜੇ ਆਹਿਲ ਨਾਲ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ। ਆਹਿਲ ਆਪਣੇ ਨੰਨ੍ਹੇ ਹੱਥਾਂ ਨਾਲ ਸਲਮਾਨ ਦੇ ਚਿਹਰੇ ਨੂੰ ਧੱਕਾ ਦੇ ਰਹੇ ਹਨ। ਇਸ ਤਸਵੀਰ ਨੂੰ ਸੋਮਵਾਰ ਨੂੰ ਹੀ ਅਰਪਿਤਾ ਨੇ ਸ਼ੇਅਰ ਕੀਤਾ ਸੀ, ਜਿਸ ਨੂੰ ਹਾਲੇ ਤੱਕ ਲੱਖਾਂ ਲਾਈਕਸ ਮਿਲ ਚੁੱਕੇ ਹਨ।
ਹਾਲ ਹੀ 'ਚ ਮਨਾਇਆ ਗਿਆ ਆਯੁਸ਼ ਦਾ ਜਨਮਦਿਨ
ਦੱਸ ਦੇਈਏ ਕਿ ਹਾਲ ਹੀ 'ਚ ਸਲਮਾਨ ਖਾਨ ਦੇ ਜੀਜਾ ਆਯੁਸ਼ ਸ਼ਰਮਾ ਨੇ ਆਪਣਾ ਜਨਮਦਿਨ ਮਨਾਇਆ ਸੀ, ਜਿਸ 'ਚ ਬਾਲੀਵੁੱਡ ਦੀਆਂ ਕਈ ਮਹਾਨ ਹਸਤੀਆਂ ਨਜ਼ਰ ਆਈਆਂ ਸਨ। ਉਸ ਦਿਨ ਖਾਨ ਪਰਿਵਾਰ ਕਈ ਦਿਨਾਂ ਬਾਅਦ ਇਕੱਠਾ ਨਜ਼ਰ ਆਇਆ ਸੀ। ਜਦੋਂ ਆਯੁਸ਼ ਕੇਕ ਕੱਟਣ ਵਾਲਾ ਸੀ, ਉਸੇ ਸਮੇਂ ਅਰਪਿਤਾ ਨੇ ਸਲਮਾਨ ਤੇ ਆਹਿਲ ਦੀ ਇਹ ਤਸਵੀਰ ਕਲਿੱਕ ਕੀਤੀ ਸੀ।