ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਨੇ ਕਾਨਸ ਫਿਲਮ ਫੈਸਟੀਵਲ 2018 'ਚ ਧੂਮ ਮਚਾਉਣ ਤੋਂ ਬਾਅਦ ਹੁਣ ਸੋਸ਼ਲ ਮੀਡੀਆ 'ਤੇ ਵੀ ਆਪਣਾ ਲੋਹਾ ਮਨਵਾ ਲਿਆ ਹੈ। ਖਾਸ ਗੱਲ ਇਹ ਹੈ ਕਿ ਐਸ਼ਵਰਿਆ ਨੇ ਸਿਰਫ 4 ਦਿਨ 'ਚ ਉਹ ਕਾਰਨਾਮਾ ਕਰਕੇ ਦਿਖਾਇਆ ਹੈ, ਜੋ ਆਮਿਰ ਖਾਨ ਬੀਤੇ 2 ਮਹੀਨੇ 'ਚ ਵੀ ਨਹੀਂ ਕਰ ਸਕੇ।
ਐਸ਼ਵਰਿਆ ਰਾਏ ਨੇ 2 ਮਹੀਨੇ ਪਹਿਲਾਂ ਇੰਸਟਾਗਰਾਮ 'ਤੇ ਆਪਣਾ ਅਕਾਊਂਟ ਬਣਾਇਆ ਸੀ ਅਤੇ ਹੁਣ ਤੱਕ ਇੱਥੇ ਉਨ੍ਹਾਂ ਦੇ 9 ਲੱਖ ਤੋਂ ਵੱਧ ਫਾਲੋਅਰਜ਼ ਹੋ ਗਏ ਹਨ। ਉੱਥੇ ਆਪਣੇ ਜਨਮਦਿਨ ਭਾਵ 14 ਮਾਰਚ ਨੂੰ ਇੰਸਟਾਗਰਾਮ 'ਤੇ ਆਉਣ ਵਾਲੇ ਆਮਿਰ ਖਾਨ ਦੇ ਫਿਲਹਾਲ ਸਿਰਫ 8 ਲੱਖ 77 ਹਜ਼ਾਰ ਫਾਲੋਅਰਜ਼ ਹੀ ਹੋਏ ਹਨ।
ਐਸ਼ਵਰਿਆ ਰਾਏ ਦਾ ਇੰਸਟਾਗਰਾਮ 11 ਮਈ ਨੂੰ ਲਾਈਵ ਹੋਇਆ ਸੀ ਪਰ ਉਸ ਦਿਨ ਉਨ੍ਹਾਂ ਦਾ ਇਕ ਵੀ ਫਾਲੋਅਰਜ਼ ਨਹੀਂ ਬਣਿਆ ਸੀ ਕਿਉਂਕਿ ਉਨ੍ਹਾਂ ਦਾ ਅਕਾਊਂਟ ਵੈਰੀਫਾਈ ਨਹੀਂ ਹੋਇਆ ਸੀ, ਜਿਸ ਕਾਰਨ ਉਨ੍ਹਾਂ ਦੇ ਅਕਾਊਂਟ 'ਤੇ ਬਲਿਊ ਟਿੱਕ ਨਹੀਂ ਲੱਗ ਸਕਿਆ ਸੀ। ਐਸ਼ ਨੇ ਅਕਾਊਂਟ ਓਪਨ ਕਰਕੇ 11 ਘੰਟੇ ਬਾਅਦ ਆਪਣੀ ਤਸਵੀਰ ਅਪਲੋਡ ਕੀਤੀ ਸੀ।
ਇਹ ਤਸਵੀਰ ਉਨ੍ਹਾਂ ਦੀ ਬੇਟੀ ਅਰਾਧਿਆ ਦੇ ਜਨਮ ਦੀ ਸੀ। ਐਸ਼ ਨੇ ਇਸ 'ਚ ਆਪਣੀ ਬੇਟੀ ਨੂੰ ਗੋਦ 'ਚ ਚੁੱਕਿਆ ਹੋਇਆ ਹੈ। ਇਸ ਨੂੰ ਪੋਸਟ ਕਰਦੇ ਸਮੇਂ ਉਨ੍ਹਾਂ ਨੇ ਕੈਪਸ਼ਨ ਲਿਖਿਆ ਸੀ, ''And I was born again''. ਇੰਸਟਾਗਰਾਮ 'ਤੇ ਉਨ੍ਹਾਂ ਤੋਂ ਪਹਿਲਾਂ ਪਤੀ ਅਭਿਸ਼ੇਕ ਬੱਚਨ ਅਤੇ ਸਹੁਰਾ ਅਮਿਤਾਭ ਬੱਚਨ ਪਹਿਲਾਂ ਤੋਂ ਹੀ ਮੌਜੂਦ ਹਨ ਪਰ ਅਜੇ ਤੱਕ ਉਨ੍ਹਾਂ ਨੇ ਇਨ੍ਹਾਂ ਦੋਹਾਂ ਨੂੰ ਫਾਲੋਅ ਨਹੀਂ ਕੀਤਾ ਹੈ, ਜਦਕਿ ਐਸ਼ਵਰਿਆ ਨੂੰ ਅਭਿਸ਼ੇਕ ਨੇ ਫਾਲੋਅ ਕਰ ਲਿਆ ਹੈ।
ਸੋਨਮ ਕਪੂਰ ਨੇ ਐਸ਼ਵਰਿਆ ਦੇ ਇੰਸਟਾ ਡੈਬਿਊ 'ਤੇ ਵਧਾਈ ਦਿੱਤੀ ਹੈ ਅਤੇ ਸਵਾਗਤ ਕੀਤਾ ਹੈ। ਸੋਨਮ ਨੇ ਲਿਖਿਆ ਹੈ— 'ਮੇਰੀ ਜ਼ਬਰਦਸਤ ਸਹਿ-ਅੰਬੈਸਡਰ ਇੰਸਟਾਗਰਾਮ 'ਤੇ ਆ ਗਈ ਹੈ।''