ਮੁੰਬਈ(ਬਿਊਰੋ)- ਸਿਨੇਮਾਜਗਤ ’ਚ ਆਪਣੀ ਖੂਬਸੂਰਤੀ ਨਾਲ ਸਭ ਦਾ ਦਿਲ ਜਿੱਤਣ ਵਾਲੀ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਅੱਜ ਆਪਣਾ 46ਵਾਂ ਜਨਮਦਿਨ ਮਨਾ ਰਹੀ ਹੈ। ਐਸ਼ਵਰਿਆ ਅਤੇ ਅਭਿਸ਼ੇਕ ਬੱਚਨ ਦੇ ਵਿਆਹ ਨੂੰ 12 ਸਾਲ ਹੋ ਚੁੱਕੇ ਹਨ। ਇਨ੍ਹੇ ਲੰਬੇ ਸਮੇਂ ’ਚ ਇਨ੍ਹਾਂ ਦੋਵਾਂ ਦਾ ਰਿਸ਼ਤਾ ਕਾਫੀ ਮਜ਼ਬੂਤ ਹੋਇਆ ਹੈ।
ਦੋਵੇਂ ਅਕਸਰ ਇਕ-ਦੂਜੇ ਨਾਲ ਕਿਸੇ ਨਾ ਕਿਸੇ ਐਵਾਰਡ ਫੰਕਸ਼ਨ ਜਾਂ ਫਿਰ ਕਿਸੇ ਪਾਰਟੀ ਵਿਚ ਨਜ਼ਰ ਆਉਂਦੇ ਹਨ। ਅਭਿਸ਼ੇਕ ਅਤੇ ਐਸ਼ਵਰਿਆ ਦਾ ਵਿਆਹ 20 ਅਪ੍ਰੈਲ, 2007 ਨੂੰ ਹੋਇਆ ਸੀ।
ਉਸ ਸਮੇਂ ਐਸ਼ਵਰਿਆ 33 ਅਤੇ ਅਭਿਸ਼ੇਕ 31 ਦਾ ਸੀ। ਇਨ੍ਹਾਂ ਦੋਵਾਂ ਦੀ ਅੱਠ ਸਾਲ ਦੀ ਧੀ ਆਰਾਧਿਆ ਹੈ। ਐਸ਼ਵਰਿਆ ਦੇ ਜਨਮਦਿਨ ਮੌਕੇ ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੇ ਵਿਆਹ ਦੇ ਐਲਬਮ ਦੀਆਂ ਕੁਝ ਤਸਵੀਰਾਂ ਦੱਸਣ ਜਾ ਰਹੇ ਹਾਂ....
ਜੇਕਰ ਦੋਵਾਂ ਦੇ ਰਿਸ਼ਤੇ ਦੀ ਗੱਲ ਕਰੀਏ ਤਾਂ ਦੋਵਾਂ ਨੂੰ ‘ਬੰਟੀ ਓਰ ਬਬਲੀ’ ਦੇ ‘ਕਜ਼ਰਾ ਰੇ’ ਗੀਤ ਦੀ ਸ਼ੂਟਿੰਗ ਦੌਰਾਨ ਪਿਆਰ ਹੋ ਗਿਆ ਸੀ। ਅਭਿਸ਼ੇਕ ਨੇ ਐਸ਼ਵਰਿਆ ਨੂੰ ਨਿਊਯਾਰਕ ’ਚ ਵਿਆਹ ਲਈ ਪ੍ਰਪੋਜ ਕੀਤਾ ਸੀ। ਇਸ ਤੋਂ ਬਾਅਦ ਦੋਵਾਂ ਨੇ ਕੁੱਝ ਸਮੇਂ ਬਾਅਦ ਵਿਆਹ ਕਰਵਾ ਲਿਆ।
