ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਅਤੇ ਅਨਿਲ ਕਪੂਰ ਕਾਫੀ ਸਮੇਂ ਬਾਅਦ ਫਿਲਮ 'ਫੰਨੇ ਖਾਂ' 'ਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਫਿਲਮ ਜਲਦ ਹੀ ਰਿਲੀਜ਼ ਹੋਣ ਵਾਲੀ ਹੈ ਅਤੇ ਇਨ੍ਹੀਂ ਦਿਨੀਂ ਪੂਰੀ ਸਟਾਰ ਕਾਸਟ ਫਿਲਮ ਦੇ ਪ੍ਰਮੋਸ਼ਨ 'ਚ ਰੁੱਝੀ ਹੋਈ ਹੈ।
ਰਾਜਕੁਮਾਰ ਰਾਓ, ਐਸ਼ਵਰਿਆ ਰਾਏ ਅਤੇ ਅਨਿਲ ਕਪੂਰ ਨਾਲ ਆਪਣੀ ਆਉਣ ਵਾਲੀ ਫਿਲਮ 'ਫੰਨੇ ਖਾਂ' ਦਾ ਪ੍ਰਮੋਸ਼ਨ ਕਰਦੇ ਨਜ਼ਰ ਆਏ। ਇਸ ਦੌਰਾਨ ਐਸ਼ਵਰਿਆ ਰਾਏ ਕਾਫੀ ਖੂਬਸੂਰਤ ਲੱਗ ਰਹੀ ਸੀ।
ਇਸ ਦੌਰਾਨ ਐਸ਼ਵਰਿਆ ਅਤੇ ਅਨਿਲ ਕਪੂਰ ਇਕ-ਦੂਜੇ ਨੂੰ ਗਲੇ ਵੀ ਮਿਲਦੇ ਦਿਸੇ।
ਦੱਸਣਯੋਗ ਹੈ ਕਿ ਇਸ ਫਿਲਮ 'ਚ ਐਸ਼ਵਰਿਆ ਇਕ ਮਸ਼ਹੂਰ ਗਾਇਕਾ ਦਾ ਕਿਰਦਾਰ ਨਿਭਾ ਰਹੀ ਹੈ ਅਤੇ ਅਨਿਲ ਕਪੂਰ ਇਕ ਕੈਬ ਡਰਾਈਵਰ ਦੀ ਭੂਮਿਕਾ 'ਚ ਹੈ, ਜੋ ਆਪਣੀ ਬੇਟੀ ਨੂੰ ਵੱਡਾ ਗਾਇਕਾ ਸਟਾਰ ਬਣਾਉਣ ਲਈ ਜੱਦੋ ਜਹਿਦ 'ਚ ਲੱਗਾ ਰਹਿੰਦਾ ਹੈ। ਫਿਲਮ 'ਚ ਰਾਜਕੁਮਾਰ ਰਾਓ ਨੇ ਅਨਿਲ ਕਪੂਰ ਦੇ ਦੋਸਤ ਦਾ ਕਿਰਦਾਰ ਨਿਭਾਇਆ ਹੈ।
