ਮੁੰਬਈ (ਬਿਊਰੋ) — ਸੋਸ਼ਲ ਮੀਡੀਆ 'ਤੇ ਐਸ਼ਵਰਿਆ ਰਾਏ ਬੱਚਨ ਤੇ ਰੇਖਾ ਦੀ ਇਕ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ 'ਚ ਐਸ਼ਵਰਿਆ ਰਾਏ ਬੱਚਨ ਤੇ ਰੇਖਾ ਦੀ ਸਪੈਸ਼ਲ ਬਾਂਡਿੰਗ ਨਜ਼ਰ ਆ ਰਹੀ ਹੈ। ਖਬਰਾਂ ਦੀ ਮੰਨੀਏ ਤਾਂ ਇਹ ਵੀਡੀਓ ਕੈਫੀ ਆਜ਼ਮੀ ਦੇ ਜਨਮਦਿਨ 'ਤੇ ਕਰਵਾਏ ਗਏ ਸਮਾਗਮ ਦੌਰਾਨ ਦੀ ਹੈ। ਇਸ ਵੀਡੀਓ 'ਚ ਰੇਖਾ ਤੇ ਐਸ਼ਵਰਿਆ ਇਕੱਠੀਆਂ ਪੌੜੀਆਂ ਤੋਂ ਉੱਤਰਦੀਆਂ ਨਜ਼ਰ ਆ ਰਹੀਆਂ ਹਨ। ਇਸ ਮੌਕੇ ਦੋਵਾਂ ਨੂੰ ਜਦੋਂ ਮੀਡੀਆ ਨੇ ਪੋਜ਼ ਦੇਣ ਲਈ ਕਿਹਾ ਤਾਂ ਰੇਖਾ ਨੇ ਐਸ਼ਵਰਿਆ ਨੂੰ ਗਲ ਲਾ ਲਿਆ। ਇਸ ਤੋਂ ਬਾਅਦ ਐਸ਼ਵਰਿਆ ਰਾਏ ਬੱਚਨ ਰੇਖਾ ਨੂੰ ਗੱਡੀ ਤੱਕ ਛੱਡਣ ਦੀ ਗੱਲ ਕਰਦੀ ਹੈ। ਇਸ ਦੌਰਾਨ ਦੋਵੇਂ ਭਾਵੁਕ ਹੋ ਜਾਂਦੀਆਂ ਹਨ ਅਤੇ ਰੇਖਾ ਐਸ਼ਵਰਿਆ ਨੂੰ ਗਲ ਨਾਲ ਲਾ ਲੈਂਦੀ ਹੈ। ਇਹ ਵੀਡੀਓ ਦੋਵਾਂ ਦੇ ਪ੍ਰਸ਼ੰਸਕਾਂ ਨੂੰ ਕਾਫੀ ਪਸੰਦ ਆ ਰਹੀ ਹੈ। ਦੋਵਾਂ ਦੇ ਫੈਨਜ਼ ਇਸ ਵੀਡਿਓ ਨੂੰ ਲਾਈਕ ਅਤੇ ਕੁਮੈਂਟ ਕਰ ਰਹੇ ਹਨ।
ਦੱਸ ਦਈਏ ਕਿ ਫਿਲਮ ਇੰਡਸਟਰੀ 'ਚ ਜਦੋਂ ਐਸ਼ਵਰਿਆ ਨੇ 20 ਸਾਲ ਪੂਰੇ ਕੀਤੇ ਸੀ ਤਾਂ ਰੇਖਾ ਨੇ ਉਸ ਨੂੰ ਇਕ ਓਪਨ ਲੈਟਰ ਲਿਖਿਆ ਸੀ ਜੋ ਕਾਫੀ ਭਾਵੁਕ ਸੀ। ਇਸ ਦੀ ਸ਼ੁਰੂਆਤ 'ਚ ਰੇਖਾ ਨੇ 'ਮੇਰੀ ਐਸ਼' ਤੇ ਆਖਿਰ 'ਚ 'ਰੇਖਾ ਮਾਂ' ਲਿਖਿਆ ਸੀ। ਇਸ ਲੈਟਰ 'ਚ ਰੇਖਾ ਨੇ ਐਸ਼ਵਰਿਆ ਦੀਆਂ ਖੂਬ ਤਾਰੀਫਾਂ ਕੀਤੀਆਂ ਸਨ।