ਮੁੰਬਈ(ਬਿਊਰੋ)— ਐਸ਼ਵਰਿਆ ਰਾਏ ਬੱਚਨ 72ਵੇਂ 'ਕਾਨਸ ਫਿਲਮ ਫੈਸਟੀਵਲ' 'ਚ ਪਹੁੰਚ ਚੁੱਕੀ ਹੈ। ਪਹਿਲਾਂ ਹੀ ਜਿੱਥੇ ਐਸ਼ ਆਪਣੇ ਫਰਸਟ ਰੈੱਡ ਕਾਰਪੇਟ ਲੁੱਕ ਨਾਲ ਫੈਨਜ਼ ਨੂੰ ਦੀਵਾਨਾ ਬਣਾ ਚੁੱਕੀ ਹੈ। ਹੁਣ ਉਨ੍ਹਾਂ ਦਾ ਦੂਜਾ ਲੁੱਕ ਸਾਹਮਣੇ ਆ ਗਿਆ ਹੈ। ਐਸ਼ਵਰਿਆ ਰਾਏ ਰੈੱਡ ਕਾਰਪੇਟ 'ਤੇ ਦੂਜੀ ਅਪੀਈਰੈਂਸ 'ਚ ਕਿਸੇ ਰਾਜਕੁਮਾਰੀ ਤੋਂ ਘੱਟ ਨਹੀਂ ਲੱਗ ਰਹੀ ਸੀ।
ਉਨ੍ਹਾਂ ਨੇ ਵਾਈਟ ਕਲਰ ਦਾ ਫਰਿਲ ਗਾਊਨ ਪਾਇਆ ਹੋਇਆ ਸੀ। ਐਸ਼ਵਰਿਆ ਰਾਏ ਬੱਚਨ ਦੇ ਇਸ ਗਾਊਨ ਨੂੰ ਫਰ ਨਾਲ ਡਿਜ਼ਾਇਨ ਕੀਤਾ ਗਿਆ ਹੈ। ਇਸ ਨੂੰ ਹੋਰ ਸਟਾਈਲਿਸ਼ ਲੁੱਕ ਦੇਣ ਲਈ ਐਸ਼ਵਰਿਆ ਨੇ ਵੱਖਰਾ ਫਰ ਸ਼ੌਲ ਵੀ ਕੈਰੀ ਕੀਤਾ ਸੀ।
ਇਸ ਦੇ ਨਾਲ ਉਨ੍ਹਾਂ ਨੇ ਸੀ ਈਅਰਰਿੰਗਸ ਪਹਿਨੇ ਹੋਏ ਸਨ ਅਤੇ ਲਾਈਟ ਮੇਕਅੱਪ ਨਾਲ ਨਿਊਡ ਲਿਪਸਟਿਕ ਲਗਾਈ ਸੀ। ਖਾਸ ਗੱਲ ਇਹ ਸੀ ਕਿ ਐਸ਼ਵਰਿਆ ਦੇ ਆਈ ਮੇਕਅੱਪ ਨੂੰ ਵੀ ਡਰੈੱਸ ਨਾਲ ਮੈਚ ਕਰਨ ਲਈ ਉਨ੍ਹਾਂ ਨੇ ਵਾਈਟ ਗਲਿਟਰ ਆਈਸ਼ੈਡੋ ਲਗਾਇਆ ਸੀ।
ਰੈੱਡ ਕਾਰਪੇਟ 'ਤੇ ਰਾਣੀ ਲੁੱਕ 'ਚ ਐਸ਼ਵਰਿਆ ਨੇ ਕਦੇ ਫੈਨਜ਼ ਨੂੰ ਹੱਥ ਹਿਲਾ ਕੇ ਹਾਏ ਬੋਲੀ ਅਤੇ ਕਦੇ ਹੱਥਾਂ ਨਾਲ ਹਾਰਟ ਸ਼ੇਪ ਬਣਾ ਕੇ ਪੋਜ਼ ਦਿੱਤੇ। ਇਸ ਦੌਰਾਨ ਐਸ਼ਵਰਿਆ ਇਕੱਲੀ ਹੀ ਦਿਖੀ।
