ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ 'ਕਾਨਸ ਫਿਲਮ ਫੈਸਟੀਵਲ' 'ਚ ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਕਾਫੀ ਡਿਫਰੈਂਟ ਲੁੱਕ 'ਚ ਨਜ਼ਰ ਆਈ। ਉਨ੍ਹਾਂ ਨੇ ਸ਼ਿਮਰ ਕਲਰ ਦਾ ਡੀਪ ਨੈੱਕ ਗਾਊਨ ਪਾਇਆ ਹੋਇਆ ਸੀ, ਜਿਸ 'ਚ ਇਕ ਫੁੱਲ ਸਲੀਵ ਹਾਈਲਾਈਟ ਦੇ ਤੌਰ 'ਤੇ ਦਿੱਤੀ ਗਈ ਹੈ।
ਐਸ਼ਵਰਿਆ ਰਾਏ ਦਾ ਇਹ ਲੁੱਕ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਸ਼ੇਅਰ ਕੀਤਾ ਜਾ ਰਿਹਾ ਹੈ। ਐਸ਼ਵਰਿਆ ਦੇ ਲੁੱਕ ਨੂੰ ਦੇਖ ਕੇ ਲੱਗਦਾ ਹੈ ਕਿ ਡਿਜ਼ਾਈਨਰ ਨੇ ਉਨ੍ਹਾਂ ਦੀ ਡਰੈੱਸ ਨੂੰ ਕੁਝ ਹੱਦ ਤੱਕ ਗੋਲਡਨ ਫਿਸ਼ ਵਾਲਾ ਲੁੱਕ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ। ਐਸ਼ਵਰਿਆ ਨਾਲ ਉਨ੍ਹਾਂ ਦੀ ਧੀ ਆਰਾਧਿਆ ਵੀ ਇਸ ਇਵੈਂਟ 'ਚ ਪਹੁੰਚੀ ਸੀ।
ਪਿਛਲੇ ਕੁਝ ਸਾਲ ਤੋਂ ਐਸ਼ਵਰਿਆ ਹਰ ਇਵੈਂਟ 'ਚ ਆਰਾਧਿਆ ਬੱਚਨ ਨਾਲ ਹੀ ਪੁੱਜਦੀ ਹੈ। ਗੱਲ ਕਰੀਏ ਆਰਾਧਿਆ ਦੇ ਗੈੱਟਅੱਪ ਦੀ ਤਾਂ ਇਹ ਵੀ ਕਾਫੀ ਵੱਖਰਾ ਸੀ। ਆਰਾਧਿਆ ਨੇ ਕਰੀਮ ਕਲਰ ਦੀ ਫਰਾਕ ਪਹਿਨੀ ਹੋਈ ਸੀ, ਜਿਸ 'ਚ ਲੈਫਟ ਸ਼ੋਲਡਰ ਕੋਲ ਖੂਬਸੂਰਤ ਫਲਾਵਰ ਬਣਾ ਕੇ ਇਸ ਨੂੰ ਹਾਈਲਾਈਟ ਕੀਤਾ ਗਿਆ ਸੀ।
ਮਾਂ-ਧੀ ਦਾ ਇਹ ਲੁੱਕ ਕਾਫੀ ਵਧੀਆ ਲੱਗ ਰਿਹਾ ਸੀ। ਸੋਸ਼ਲ ਮੀਡੀਆ 'ਤੇ ਇਨ੍ਹਾਂ ਤਸਵੀਰਾਂ ਨੂੰ ਖੂਬ ਪਸੰਦ ਅਤੇ ਸ਼ੇਅਰ ਕੀਤਾ ਜਾ ਰਿਹਾ ਹੈ।