ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਦੀ ਨੂੰਹ ਐਸ਼ਵਰਿਆ ਰਾਏ ਬੱਚਨ ਨੇ 'ਵੋਗ ਮੈਗਜ਼ੀਨ' ਦੇ ਅਪ੍ਰੈਲ ਐਡੀਸ਼ਨ ਲਈ ਐਕਟਰ ਤੇ ਰੈਪਰ ਫੇਰਲ ਵਿਲਿਅਮਸ ਨਾਲ ਇਕ ਫੋਟੋਸ਼ੂਟ ਕਰਵਾਇਆ ਹੈ। ਮੈਗਜ਼ੀਨ ਦੇ ਕਵਰ ਪੇਜ਼ 'ਤੇ ਛਾਈ ਐਸ਼ਵਰਿਆ ਤੇ ਫੇਰਲ ਨੂੰ ਫੈਨਜ਼ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਮੈਗਜ਼ੀਨ ਦੇ ਕਵਰ 'ਤੇ ਛਪੀ ਤਸਵੀਰ 'ਚ ਐਸ਼ਵਰਿਆ ਨੇ ਲਾਈਟ ਸਕਾਈ ਬਲਿਊ ਕਲਰ ਦੀ ਫ੍ਰਿਲ ਡਰੈੱਸ ਪਾਈ ਹੈ, ਜਿਸ 'ਚ ਉਹ ਕਾਫੀ ਸ਼ਾਨਦਾਰ ਲੱਗ ਰਹੀ ਹੈ। ਦੂਜੇ ਪਾਸੇ ਫੇਰਲ ਕਲਰਫੁੱਲ ਹੁਡੀ ਜੈਕਟ 'ਚ ਨਜ਼ਰ ਆ ਰਿਹਾ ਹੈ। ਉਸ ਦੇ ਕੱਪੜੇ ਹੋਲੀ ਦੇ ਤਿਉਹਾਰ ਤੋਂ ਇੰਸਪਾਇਰ ਲੱਗ ਰਹੇ ਹਨ। ਇਸ ਫੋਟੋਸ਼ੂਟ ਬਾਰੇ ਗੱਲ ਕਰਦੇ ਹੋਏ ਐਸ਼ਵਰਿਆ ਨੇ ਦੱਸਿਆ, ''ਸ਼ੂਟ ਲਈ ਟਾਈਮ/ਸਮਾਂ ਕੱਢਣਾ ਮੇਰੇ ਲਈ ਬੇਹੱਦ ਮੁਸ਼ਕਿਲ ਸੀ। ਐਸ਼ਵਰਿਆ ਨੇ ਦੱਸਿਆ, ਮੈਂ ਆਪਣਾ ਸਾਰਾ ਸਮਾਂ ਬੇਟੀ ਆਰਾਧਿਆ ਨਾਲ ਬਿਤਾਉਂਦੀ ਹਾਂ। ਮੇਰੇ ਨਾਲ ਇਕ ਨੈਨੀ ਵੀ ਹੁੰਦੀ ਹੈ। ਮੈ ਹੋਮਮੇਕਰਸ ਦੀ ਇੱਜ਼ਤ ਕਰਦੀ ਹਾਂ ਕਿਉਂਕਿ ਉਹ ਕਦੀ ਨਾ ਖਤਮ ਹੋਣ ਵਾਲਾ ਕੰਮ ਬਿਨਾਂ ਕਿਸੇ ਸਵਾਰਥ/ਮਤਲਬ ਦੇ ਕਰਦੀ ਹੈ।'' ਉਂਝ ਆਸ਼ਵਰਿਆ ਪਹਿਲਾਂ ਵੀ ਕਈ ਮੈਗਜ਼ੀਨ ਦੇ ਕਵਰ ਪੇਜ਼ ਲਈ ਫੋਟੋਸ਼ੂਟ ਕਰਵਾ ਚੁੱਕੀ ਹੈ ਪਰ ਸ਼ਾਇਦ ਇਹ ਪਹਿਲਾਂ ਮੌਕਾ ਹੈ ਜਦੋਂ ਉਹ ਕਿਸੇ ਅਸ਼ਵੇਤ ਸੈਲੀਬ੍ਰਿਟੀ ਨਾਲ ਮੈਗਜ਼ੀਨ ਦੇ ਕਵਰ ਪੇਜ਼ 'ਤੇ ਨਜ਼ਰ ਆਈ ਹੈ। ਸੋਸ਼ਲ ਮੀਡੀਆ 'ਤੇ ਇਸ ਕਵਰ ਪੇਜ਼ ਦੀ ਕਾਫੀ ਤਾਰੀਫ ਕੀਤੀ ਜਾ ਰਹੀ ਹੈ। ਦੱਸਣਯੋਗ ਹੈ ਕਿ ਫੇਰਲ ਵਿਲਿਅਮਸ ਇਸ ਵਾਰ ਹੋਲੀ ਦੇ ਖਾਸ ਮੌਕੇ 'ਤੇ ਭਾਰਤ ਆਏ ਸਨ। ਉਨ੍ਹਾਂ ਨੇ ਇਥੇ ਹੋਲੀ ਦਾ ਤਿਉਹਾਰ ਮਨਾਇਆ ਸੀ। ਦੂਜੇ ਪਾਸੇ ਐਸ਼ਵਰਿਆ ਰਾਏ ਬੱਚਨ ਪ੍ਰੋਫੈਸ਼ਨਲ ਫਰੰਟ ਦੀ ਗੱਲ ਕਰੀਏ ਤਾਂ ਉਹ ਇੰਨੀ ਦਿਨੀਂ 'ਫੰਨੇ ਖਾਂ' ਦੇ ਸ਼ੂਟਿੰਗ 'ਚ ਰੁੱਝੀ ਹੋਈ ਹੈ। ਇਸ ਤੋਂ ਇਲਾਵਾ 'ਰਾਤ ਔਰ ਦਿਨ ਕੌਣ ਥੀ' ਦੇ ਰੀਮੇਕ ਲਈ ਵੀ ਉਸ ਨੂੰ ਅਪ੍ਰੋਚ ਕੀਤਾ ਗਿਆ ਹੈ।