ਮੁੰਬਈ(ਬਿਊਰੋ)- ਅਜੈ ਦੇਵਗਨ ਅਕਸਰ ਪਰਿਵਾਰ ਨਾਲ ਸਮਾਂ ਬਤੀਤ ਕਰਦੇ ਨਜ਼ਰ ਆਉਂਦੇ ਹਨ। ਇਕ ਪਾਸੇ ਜਿੱਥੇ ਅਜੈ ਦੇਵਗਨ ਆਪਣੇ ਸ਼ਾਂਤ ਸੁਭਾਅ ਕਾਰਨ ਜਾਣੇ ਜਾਂਦੇ ਹਨ, ਉਥੇ ਹੀ ਉਨ੍ਹਾਂ ਦੇ ਬੇਟੇ ਯੁੱਗ ਦੇਵਗਨ ਸ਼ਰਾਰਤੀ ਅੰਦਾਜ਼ ਵਿਚ ਦਿਖਾਈ ਦਿੰਦੇ ਹਨ। ਸੋਮਵਾਰ ਨੂੰ ਅਜੈ ਦੇਵਗਨ ਬੇਟੇ ਨਾਲ ਅਜ਼ਮੇਰ ਸ਼ਰੀਫ ਦਰਗਾਹ ਪਹੁੰਚੇ। ਅਜੈ ਦੇਵਗਨ ਦੇ ਆਉਣ ਦੀ ਖਬਰ ਸੁਣ ਕੇ ਉਨ੍ਹਾਂ ਦੇ ਫੈਂਸ ਦੀ ਭੀੜ ਦਰਗਾਹ ਦੇ ਅੰਦਰ ਅਤੇ ਬਾਹਰ ਕਾਫੀ ਹੋ ਗਈ। ਅਣਗਿਣਤ ਲੋਕਾਂ ਦੀ ਗਿਣਤੀ ਵਿਚ ਅਜੈ ਦੇਵਗਨ ਦੇ ਫੈਨਜ਼ ਉਨ੍ਹਾਂ ਦੀ ਇਕ ਝਲਕ ਪਾਉਣਾ ਚਾਹੁੰਦੇ ਸਨ। ਅਜੈ ਦੇਵਗਨ ਨੇ ਇਸ ਦੌਰਾਨ ਸਫੈਦ ਅਤੇ ਗੁਲਾਬੀ ਕਲਰ ਦਾ ਸਾਫਾ ਪਾਇਆ ਹੋਇਆ ਸੀ।
ਸਾਹਮਣੇ ਆਏ ਵੀਡੀਓ ਵਿਚ ਅਜੈ ਦੇਵਗਨ ਬੇਟੇ ਨਾਲ ਜਾ ਰਹੇ ਹਨ। ਜਿੱਥੇ ਚਾਰੇ ਪਾਸਿਓ ਭੀੜ ਉਨ੍ਹਾਂ ਨੂੰ ਘੇਰ ਲੈਂਦੀ ਹੈ। ਇਸ ਦੌਰਾਨ ਅਜੈ ਦੇਵਗਨ ਬੇਹੱਦ ਗੁੱਸੇ ਵਿਚ ਨਜ਼ਰ ਆਏ। ਜਦੋਂ ਭੀੜ ਵਿਚਕਾਰ ਯੁੱਗ ਫਸ ਜਾਂਦੇ ਹਨ। ਉਹ ਕਿਸੇ ਤਰ੍ਹਾਂ ਬੇਟੇ ਨੂੰ ਅੱਗੇ ਲੈ ਕੇ ਨਿਕਲਦੇ ਦਿਖਾਈ ਦੇ ਰਹੇ ਹਨ । ਯੁੱਗ ਦੇਵਗਨ ਬੀਤੇ 13 ਸਤੰਬਰ ਨੂੰ 9 ਸਾਲ ਦੇ ਹੋ ਗਏ ਹਨ। ਬੇਟੇ ਦੇ ਜਨਮਦਿਨ ’ਤੇ ਕਾਜੋਲ ਨੇ ਇਕ ਡਬਸਮੈਸ਼ ਵੀਡੀਓ ਸ਼ੇਅਰ ਕੀਤਾ ਸੀ । ਉਨ੍ਹਾਂ ਨੇ ਵੀਡੀਓ ਨਾਲ ਕੈਪਸ਼ਨ ਵਿਚ ਲਿਖਿਆ, ‘‘ਜਦੋਂ ਤੂੰ 3 ਸਾਲ ਦੇ ਸੀ ਤਾਂ ਸਭ ਕੁੱਝ ਬਹੁਤ ਵਧੀਆ ਸੀ, ਜਦੋਂ 9 ਸਾਲ ਦੇ ਹੋਏ ਤਾਂ ਹੋਰ ਵੀ ਜ਼ਿਆਦਾ ਵਧੀਆ ਹੈ।’’
ਅਜੈ ਦੇਵਗਨ ਦੀ ਆਉਣ ਵਾਲੀ ਫਿਲਮ ‘ਤਾਨਾਜੀ : ਦਿ ਅਨਸੰਗ ਵਾਰਿਅਰ’ ਹੈ। 17ਵੀਂ ਸਦੀ ਦੀ ਕਹਾਣੀ ਕਹਿੰਦੀ ਇਸ ਫਿਲਮ ਵਿਚ ਅਜੈ ਦੇਵਗਨ ਨਾਲ ਸੈਫ ਅਲੀ ਖਾਨ ਅਤੇ ਕਾਜੋਲ ਵੀ ਮੁੱਖ ਭੂਮਿਕਾ ਵਿਚ ਹਨ। ਫਿਲਮ ‘ਤਾਨਾਜੀ’ ਦਾ ਨਿਰਮਾਣ ਅਜੈ ਦੇਵਗਨ ਦੀ ਪ੍ਰੋਡਕਸ਼ਨ ਕੰਪਨੀ ਟੀ-ਸੀਰੀਜ਼ ਨਾਲ ਮਿਲ ਕੇ ਕਰ ਰਹੀ ਹੈ। ਇਹ ਫਿਲਮ ਅਗਲੇ ਸਾਲ 10 ਜਨਵਰੀ ਨੂੰ ਰਿਲੀਜ਼ ਹੋਵੇਗੀ।