ਮੁੰਬਈ (ਬਿਊਰੋ)— 'ਬਿੱਗ ਬੌਸ ਸੀਜ਼ਨ 11' ਰਾਹੀਂ ਸੁਰਖੀਆਂ ਬਟੋਰ ਚੁੱਕੇ ਰੈਪਰ ਆਕਾਸ਼ ਡਡਲਾਨੀ ਹਾਲ ਹੀ 'ਚ ਫਿਲਮਕਾਰ ਮਹੇਸ਼ ਭੱੱਟ ਨੂੰ ਮਿਲਣ ਪਹੁੰਚੇ। ਆਕਾਸ਼ ਨੇ ਆਪਣੇ ਇੰਸਟਾਗਰਾਮ ਅਕਾਊਂਟ ਤੋਂ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਉਹ ਮਹੇਸ਼ ਭੱਟ ਦੀ ਗੋਦ 'ਚ ਬੈਠੇ ਦਿਖ ਰਹੇ ਹਨ। ਮਹੇਸ਼ ਭੱਟ ਦੀ ਗੋਦ 'ਚ ਬੈਠੇ ਆਕਾਸ਼ ਡਡਲਾਨੀ ਆਪਣਾ ਪਸੰਦੀਦਾ ਰੈਪ ਸਾਂਗ 'ਬੈਂਗ-ਬੈਂਗ' ਗਾ ਰਹੇ ਹਨ। ਇਸ 'ਚ ਉਨ੍ਹਾਂ ਦਾ ਪੂਰਾ ਸਾਥ ਦੇ ਰਹੇ ਹਨ ਆਲੀਆ ਭੱਟ ਦੇ ਪਿਤਾ ਮਹੇਸ਼ ਭੱਟ। ਇਸ ਤਸਵੀਰ ਦੇ ਕੈਪਸ਼ਨ 'ਚ ਆਕਾਸ਼ ਨੇ ਲਿਖਿਆ— ''ਬਹੁਤ ਖੂਬਸੂਰਤ ਸਮਾਂ ਬਿਤਾ ਰਿਹਾ ਹਾਂ ਕੁਝ ਸ਼ਾਨਦਾਰ ਲੋਕਾਂ ਨਾਲ— ਮਹੇਸ਼ ਭੱਟ ਅਤੇ ਵਿਨੈ ਭਾਰਦਵਾਜ।''
ਚਰਚਿਤ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 11' 'ਚ ਆਕਾਸ਼ ਬਤੌਰ ਮੁਕਾਬਲੇਬਾਜ਼ ਸ਼ਾਮਲ ਹੋਏ ਸਨ। ਸ਼ੋਅ 'ਚ ਉਹ ਖੁਦ ਨੂੰ ਮਿਊਜ਼ਿਕ ਕੰਪੋਜ਼ਰ ਵਿਸ਼ਾਲ ਡਡਲਾਨੀ ਦਾ ਭਤੀਜਾ ਦੱਸਦੇ ਸਨ। ਸ਼ੋਅ ਅੰਦਰ ਉਨ੍ਹਾਂ ਨੇ ਕਈ ਵਿਵਾਦ ਖੜ੍ਹੇ ਕੀਤੇ, ਜਿਸ ਕਾਰਨ ਉਹ ਸੁਰਖੀਆਂ 'ਚ ਰਹੇ। ਬਿੱਗ ਬੌਸ ਹਾਊਸ 'ਚ ਆਕਾਸ਼ ਦੀ ਦੋਸਤੀ ਪੁਨੀਸ਼ ਸ਼ਰਮਾ ਅਤੇ ਸ਼ਿਲਪਾ ਸ਼ਿੰਦੇ ਨਾਲ ਰਹੀ। ਹਾਲਾਂਕਿ ਕੁਝ ਸਮੇਂ ਬਾਅਦ ਆਪਣੇ ਵਿਵਹਾਰ ਕਾਰਨ ਸ਼ਿਲਪਾ ਸ਼ਿੰਦੇ ਨਾਲ ਉਨ੍ਹਾਂ ਦੀ ਲੜਾਈ ਹੋ ਗਈ। ਆਕਾਸ਼ ਹਾਲਾਂਕਿ ਸ਼ੋਅ ਨਹੀਂ ਜਿੱਤ ਸਕੇ ਪਰ ਆਪਣੀਆਂ ਲੜਾਈਆਂ ਅਤੇ ਸਖਤ ਵਿਵਹਾਰ ਕਾਰਨ ਉਹ ਖੂਬ ਸੁਰਖੀਆਂ 'ਚ ਰਹੇ।