ਮੁੰਬਈ— ਸਾਲ 2006 'ਚ ਆਈ ਬਾਲੀਵੁੱਡ ਫਿਲਮ 'ਅਕਸਰ' ਕਾਫੀ ਸਫਲ ਰਹੀ ਸੀ। ਉਸ ਦੇ ਗੀਤ ਤਾਂ ਸਾਰਿਆ ਦੀ ਜ਼ੁਬਾਨ 'ਤੇ ਸਨ।
ਹੁਣ 11 ਸਾਲਾਂ ਬਾਅਦ 'ਅਕਸਰ' ਦਾ ਸੀਕਵਲ 'ਅਕਸਰ 2' ਆ ਰਿਹਾ ਹੈ।
ਇਸ ਫਿਲਮ ਦਾ ਟਰੇਲਰ ਰਿਲੀਜ਼ ਹੋ ਚੁੱਕਾ ਹੈ, ਜਿਸ 'ਚ ਟੈਲੀਵਿਜ਼ਨ ਦੇ ਚਰਚਿਤ ਅਭਿਨੇਤਾ ਗੌਤਮ ਰੋਡੇ ਅਤੇ ਬਾਲੀਵੁੱਡ ਦੀ ਹੌਟ ਅਦਾਕਾਰਾ ਜ਼ਰੀਨ ਖਾਨ ਲੀਡ ਕਿਰਦਾਰ ਪਲੇਅ ਕਰ ਰਹੀ ਹੈ।
ਜਾਣਕਾਰੀ ਮੁਤਾਬਕ 'ਲਵ, ਸੈਕਸ ਔਰ ਧੋਖਾ' ਵਰਗੇ ਬੋਲਡ ਸਬਜੈਕਟ ਨੂੰ ਬਾਲੀਵੁੱਡ ਫਿਲਮ ਮੇਕਰਜ਼ ਲਗਾਤਾਰ ਉਠਾਉਂਦੇ ਰਹੇ ਹਨ।
ਇਸੇ ਕੜੀ 'ਚ ਇਹ ਅਗਲੀ ਫਿਲਮ ਹੈ। 'ਅਕਸਰ' ਫਿਲਮ 'ਚ ਹਿਮੇਸ਼ ਰੇਸ਼ਮਈਆ ਦੀ ਆਵਾਜ਼ 'ਚ ਆਇਆ ਗੀਤ 'ਝਲਕ ਦਿਖਲਾ ਜਾ' ਕਾਫੀ ਸਮੇਂ ਤੱਕ ਵੱਡਾ ਚਾਰਟਬਸਟਰ ਸਿੱਧ ਹੋਈ ਸੀ।
'ਅਕਸਰ' ਫਿਲਮ 'ਚ ਇਮਰਾਨ ਹਾਸ਼ਮੀ ਅਤੇ ਉਦਿਤਾ ਗੋਸਵਾਮੀ ਦੇ ਹੌਟ ਸੀਨਜ਼ ਨੇ ਕਾਫੀ ਚਰਚਾ ਬਟੋਰੀ ਸੀ, ਤਾਂ 'ਅਕਸਰ 2' ਦੇ ਟਰੇਲਰ 'ਚ ਵੀ ਕਾਫੀ ਬੋਲਡ ਸੀਨਜ਼ ਦਿਖ ਰਹੇ ਹਨ।
'ਅਕਸਰ 2' ਅਕਤੂਬਰ ਨੂੰ ਸਿਨੇਮਾਘਰਾਂ 'ਚ ਆ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਇਸ ਫਿਲਮ ਦਾ ਟਰੇਲਰ ਯੂ-ਟਿਊਬ 'ਤੇ ਟਿਪਸ ਨੇ ਜਾਰੀ ਕੀਤਾ ਹੈ, ਜਿਸ 'ਚ ਅਭਿਨਵ ਸ਼ੁਕਲਾ ਵੀ ਅਹਿਮ ਰੋਲ 'ਚ ਹੈ।
ਇਸ ਫਿਲਮ ਦਾ ਨਿਰਦੇਸ਼ਨ ਅਨੰਤ ਮਹਾਦੇਵਨ ਹੀ ਕਰ ਰਹੇ ਹਨ।
ਉਨ੍ਹਾਂ ਨੇ ਹੀ 'ਅਕਸਰ' ਫਿਲਮ ਵੀ ਬਣਾਈ ਸੀ। ਇਸ ਫਿਲਮ ਦੀ ਕਹਾਣੀ ਦੇ ਨਾਲ ਹੀ ਨਿਰਮਾਤਾ ਵੀ ਅਨੰਤ ਹੀ ਹਨ। ਫਿਲਮ 'ਚ ਮਿਊਜ਼ਿਕ ਮਿਥੁਨ ਨੇ ਦਿੱਤਾ ਹੈ।