ਮੁੰਬਈ(ਬਿਊਰੋ)— ਦੱਖਣ ਭਾਰਤ ਦੇ ਮਸ਼ਹੂਰ ਐਕਟਰ ਕਮਲ ਹਾਸਨ ਦੀ ਬੇਟੀ ਅਕਸ਼ਰਾ ਹਾਸਨ ਦੀਆਂ ਪ੍ਰਾਈਵੇਟ ਤਸਵੀਰਾਂ ਇੰਟਰਨੈੱਟ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਇਹ ਤਸਵੀਰਾਂ ਬੇਹੱਦ ਨਿੱਜੀ ਹਨ, ਜਿਨ੍ਹਾਂ ਨੂੰ ਉਸ ਨੇ ਖੁਦ ਜਨਤਕ ਨਹੀਂ ਕੀਤਾ ਹੈ। ਅਕਸ਼ਰਾ ਸਾਈਬਰ ਕ੍ਰਾਈਮ ਦਾ ਸ਼ਿਕਾਰ ਹੋ ਗਈ ਹੈ ਤੇ ਕਿਸੇ ਨੇ ਉਸ ਨਾਲ ਇਹ ਹਰਕਤ ਕੀਤੀ ਹੈ।
ਇੰਟਰਨੈੱਟ 'ਤੇ ਉਸ ਦੀਆਂ ਤਿੰਨ ਤਸਵੀਰਾਂ ਦਿਖ ਰਹੀਆਂ ਹਨ, ਜਿਨ੍ਹਾਂ 'ਚ ਉਸ ਨੇ ਬਿਕਨੀ ਪਾਈ ਹੈ ਤੇ ਸੈਲਫੀ ਲੈਂਦੀ ਨਜ਼ਰ ਆ ਰਹੀ ਹੈ। ਅਕਸ਼ਰਾ ਨੂੰ ਇਸ ਤਰ੍ਹਾਂ ਦੇਖ ਕੇ ਉਸ ਦੇ ਫੈਨਜ਼ ਨੂੰ ਯਕੀਨ ਨਹੀਂ ਹੋ ਰਿਹਾ ਹੈ। ਹਾਲਾਂਕਿ ਹਾਲੇ ਤੱਕ ਇਹ ਕਹਿਣਾ ਔਖਾ ਹੈ ਕਿ ਇਹ ਤਸਵੀਰਾਂ ਅਕਸ਼ਰਾ ਦੀਆਂ ਹਨ ਜਾਂ ਕਿਸੇ ਨੇ ਤਸਵੀਰਾਂ ਨਾਲ ਛੇੜਛਾੜ ਕੀਤੀ ਹੈ।
ਦੱਸ ਦੇਈਏ ਕਿ ਅਭਿਨੇਤਾ ਕਮਲ ਹਾਸਨ ਦੀ ਧੀ ਅਕਸ਼ਰਾ ਹਾਸਨ ਸਦੀ ਦੇ ਮਹਾਨਾਇਕ ਅਮਿਤਾਭ ਬੱਚਨ ਤੇ ਰਜਨੀਕਾਂਤ ਦੇ ਜਵਾਈ ਧਨੁਸ਼ ਦੀ ਫਿਲਮ 'ਸ਼ਮੀਤਾਭ' 'ਚ ਨਜ਼ਰ ਆਈ ਸੀ।
ਸਾਲ 2015 'ਚ ਆਈ ਇਸ ਫਿਲਮ ਨਾਲ ਉਸ ਨੇ ਬਾਲੀਵੁੱਡ ਡੈਬਿਊ ਕੀਤਾ ਸੀ। 28 ਸਾਲ ਅਕਸ਼ਰਾ ਇਸ ਤੋਂ ਬਾਅਦ 2017 'ਚ 'ਲਾਲੀ ਦੀ ਸ਼ਾਦੀ ਮੇਂ ਲੱਡੂ ਦੀਵਾਨਾ' ਫਿਲਮ 'ਚ ਵੀ ਆਈ ਸੀ।
