ਮੁੰਬਈ (ਬਿਊਰੋ)— ਤਸਵੀਰਾਂ ਵਿਚ ਤੁਸੀਂ ਬਾਲੀਵੁੱਡ ਦੇ ਖਿਡਾਰੀ ਅਕਸ਼ੈ ਕੁਮਾਰ ਨੂੰ ਵੇਖ ਸਕਦੇ ਹੋ। ਅਕਸ਼ੈ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਵੇਖ ਕੇ ਤੁਹਾਨੂੰ ਹੈਰਾਨੀ ਹੋ ਸਕਦੀ ਹੈ। ਤੁਸੀਂ ਸਾਫ਼ ਵੇਖ ਸਕਦੇ ਹੋ ਕਿ ਇਨ੍ਹਾਂ ਤਸਵੀਰਾਂ ਵਿੱਚ ਉਹ ਪ੍ਰੈਗਨੈਂਟ ਨਜ਼ਰ ਆ ਰਹੇ ਹਨ। ਬੀਤੇ ਸਮੇਂ ਦੌਰਾਨ ਐਕਸ਼ਨ ਤੋਂ ਕਾਮੇਡੀ ਵਾਲੇ ਪਾਸੇ ਮੁੜੇ ਅਕਸ਼ੈ ਨੇ ਦਰਸ਼ਕਾਂ ਨੂੰ ਹਸਾਉਣ ਲਈ ਸਾਰੀਆਂ ਕੋਸ਼ਿਸ਼ਾਂ ਕੀਤੀਆਂ ਹਨ। ਹਾਲ ਹੀ ਵਿਚ ਉਨ੍ਹਾਂ ਦੀ ਫ਼ਿਲਮ 'ਜੌਲੀ ਐਲ. ਐਲ. ਬੀ. 2' ਵਿਚ ਵੀ ਕਾਮੇਡੀ ਦਾ ਚੰਗਾ ਤੜਕਾ ਸੀ ਪਰ ਹੁਣ ਗੱਲ ਕਰਦੇ ਹਾਂ ਇਨ੍ਹਾਂ ਤਸਵੀਰਾਂ ਦੀ।
ਅਸਲ ਵਿਚ ਉਨ੍ਹਾਂ ਦੀਆਂ ਇਹ ਤਸਵੀਰਾਂ ਲੋਕਾਂ ਨੂੰ ਹਸਾਉਣ ਦੀ ਅਜਿਹੀ ਹੀ ਮੁਹਿੰਮ ਦਾ ਹਿੱਸਾ ਹਨ। ਉਨ੍ਹਾਂ ਦੀਆਂ ਇਹ ਤਸਵੀਰਾਂ ਮਸ਼ਹੂਰ ਫੋਟੋਗ੍ਰਾਫਰ ਡੱਬੂ ਰਤਨਾਨੀ ਨੇ ਖਿੱਚੀਆਂ ਸਨ। ਡੱਬੂ ਨੇ ਆਪਣੀ ਇੰਸਟਾ ਟਾਈਮਲਾਈਨ 'ਤੇ ਤਸਵੀਰ ਨਾਲ ਜਾਣਕਾਰੀ ਦਿੱਤੀ ਹੈ ਕਿ ਜ਼ਿੰਦਗੀ ਉਦੋਂ ਹੀ ਜ਼ਿਆਦਾ ਖ਼ੂਬਸੂਰਤ ਲਗਦੀ ਹੈ, ਜਦੋਂ ਤੁਸੀਂ ਮੁਸਕੁਰਾਉਂਦੇ ਹੋ, ਦੋਸਤਾਂ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਲੈਣ ਵਿਚ ਬਹੁਤ ਆਨੰਦ ਆਇਆ ਹੈ।
ਹੈਸ਼ ਟੈਗਸ ਦੇ ਸਹਾਰੇ ਉਨ੍ਹਾਂ ਇਹ ਜਾਣਕਾਰੀ ਦਿੱਤੀ ਹੈ ਕਿ ਇਹ ਸ਼ੂਟ ਉਨ੍ਹਾਂ ਸਟਾਰ ਪਲੱਸ ਦੇ The Great Indian Laughter Challenge ਲਈ ਕੀਤਾ ਗਿਆ ਹੈ।
ਇਸ ਦਾ ਮਤਲਬ ਇਹ ਹੈ ਕਿ ਟੀ. ਵੀ. ਦੇ ਇਸ ਮਸ਼ਹੂਰ ਕਾਮੇਡੀ ਸ਼ੋਅ ਵਿਚ ਅਕਸ਼ੈ ਫੈਨਸ ਅਤੇ ਫਾਲੋਅਰਜ਼ ਨੂੰ ਆਪਣੇ ਇਸ ਰੂਪ ਵਿਚ ਹੱਸਦੇ-ਕੁਤਕੁਤਾੜੀਆਂ ਕੱਢਦੇ ਨਜ਼ਰ ਆ ਰਹੇ ਹੋ। ਦੱਸ ਦੇਈਏ ਕਿ ਡੱਬੂ ਨੂੰ ਬਾਲੀਵੁੱਡ ਇੰਡਸਟਰੀ ਦਾ ਵੱਡਾ ਫੋਟੋਗ੍ਰਾਫਰ ਮੰਨਿਆ ਜਾਂਦਾ ਹੈ।