ਮੁੰਬਈ(ਬਿਊਰੋ)— ਬਾਲੀਵੁੱਡ ਸੁਪਰਸਟਾਰ ਅਕਸ਼ੈ ਕੁਮਾਰ ਤੇ ਵਿਦਿਆ ਬਾਲਨ ਅਭਿਨੈ ਫਿਲਮ 'ਮਿਸ਼ਨ ਮੰਗਲ' 'ਚ ਕਾਪੀਰਾਈਟ ਦੀ ਉਲੰਘਣਾ ਦਾ ਦਾਅਵਾ ਕਰਦੇ ਹੋਏ ਇਕ ਮਹਿਲਾ ਨਿਰਦੇਸ਼ਕ ਨੇ ਬੰਬਈ ਉੱਚ ਹਾਈ ਕੋਰਟ ਦਾ ਦਰਵਾਜ਼ਾ ਖੜਕਾਇਆ ਹੈ। ਇਸ ਨੂੰ ਪੁਲਾੜ ਦੇ ਵਿਸ਼ੇ 'ਚ ਬਣਨ ਵਾਲੀ ਭਾਰਤ ਦੀ ਪਹਿਲੀ ਫਿਲਮ ਮੰਨਿਆ ਜਾ ਰਿਹਾ ਹੈ। ਰਾਧਾ ਭਾਰਦਵਾਜ ਨੇ ਬੁੱਧਵਾਰ ਨੂੰ ਫਿਲਮ ਦੇ ਨਿਰਮਾਣ ਅਤੇ ਇਸ ਦੇ ਪ੍ਰਦਰਸ਼ਨ 'ਤੇ ਰੋਕ ਲਾਉਣ ਦੀ ਬੇਨਤੀ ਕੀਤੀ ਹੈ। ਇਹ ਫਿਲਮ ਭਾਰਤ ਦੇ ਮਾਰਸ ਆਰਬੀਟਰ ਮਿਸ਼ਨ (ਐੱਮ. ਓ. ਐੱਸ) 'ਤੇ ਆਧਾਰਿਤ ਹੈ। ਇਸ ਨੂੰ ਮੰਗਲਯਾਨ ਕਿਹਾ ਜਾਂਦਾ ਹੈ।
ਦੱਸ ਦੇਈਏ ਕਿ ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਐਕਟਰ ਅਕਸ਼ੈ ਕੁਮਾਰ ਨੇ ਐਲਾਨ ਕੀਤਾ ਸੀ ਕਿ ਉਹ ਫਾਕਸ ਸਟਾਰ ਸਟੂਡੀਓਜ਼ ਅਤੇ ਕੇਪ ਆਫ ਗੁਡ ਹੋਪ ਫਿਲਮ ਨਾਲ ਮਿਲ ਕੇ ਮੰਗਲ ਮਿਸ਼ਨ 'ਤੇ ਆਧਾਰਿਤ ਫਿਲਮ 'ਮਿਸ਼ਨ ਮੰਗਲ' ਦਾ ਨਿਰਮਾਣ ਕਰਨਗੇ।
