ਨਵੀਂ ਦਿੱਲੀ - ਬਾਲੀਵੁੱਡ ਸਟਾਰ ਆਲੀਆ ਭੱਟ ਨੇ ਦੁੱਗਣੀ ਰਕਮ ਦੇ ਕੇ 13 ਕਰੋੜ ਦਾ ਇਕ ਫਲੈਟ ਖਰੀਦਿਆ ਹੈ। ਇਹ ਫਲੈਟ 2300 ਸਕੇਅਰ ਫੁੱਟ ਦਾ ਨਵਾਂ ਅਪਾਰਟਮੈਂਟ ਜੁਹੂ ’ਚ ਬਣਿਆ ਹੈ। ਡੀ. ਐੱਨ. ਏ. ਦੀ ਰਿਪੋਰਟ ਮੁਤਾਬਕ ਇਹ ਅਪਾਰਟਮੈਂਟ 7.86 ਕਰੋੜ ਕੀਮਤ ਦਾ ਸੀ ਪਰ ਆਲੀਆ ਨੇ ਇਸ ਲਈ ਦੁੱਗਣੀ ਰਕਮ ਦੇ ਕੇ ਇਨਵੈਸਟਮੈਂਟ ਕਰਨ ਦੀ ਸੋਚੀ ਹੈ।
ਇਹ ਅਪਾਰਟਮੈਂਟ ਸਨਸਾਈਨ ਪ੍ਰੋਡਕਸ਼ਨ ਪ੍ਰਾਈਵੇਟ ਲਿਮਟਿਡ ਦੇ ਅਧੀਨ ਬਣਿਆ ਹੈ, ਆਲੀਆ ਇਸਦੇ ਡਾਇਰੈਕਟਰਸ ’ਚੋਂ ਇਕ ਹੈ। ਆਲੀਆ ਨੇ ਇਸ ਲਈ 65 ਲੱਖ ਸਟੈਂਪ ਡਿਊਟੀ ਅਦਾ ਕੀਤੀ ਹੈ।
ਅਪਾਰਟਮੈਂਟ ਨਾਲ ਆਲੀਆ ਨੂੰ ਦੋ ਪਾਰਕਿੰਗ ਏਰੀਆ ਅਲਾਟ ਕੀਤੇ ਗਏ ਹਨ। ਉਂਝ ਰਿਪੋਰਟ ਮੁਤਾਬਕ ਆਲੀਆ ਨੇ ਫਿਲਮਾਂ ’ਚ ਐਂਟਰੀ ਤੋਂ ਬਾਅਦ ਇਹ ਤੀਜੀ ਪ੍ਰਾਪਰਟੀ ’ਚ ਨਿਵੇਸ਼ ਕੀਤਾ ਹੈ। ਅਦਾਕਾਰਾ ਇਸ ਤੋਂ ਪਹਿਲਾਂ ਦੋ ਵੱਡੇ ਇਨਵੈਸਟਮੈਂਟ ਕਰ ਚੁੱਕੀ ਹੈ।