ਜਲੰਧਰ(ਬਿਊਰੋ)— ਬਾਲੀਵੁੱਡ ਦੀ ਕਿਊਟ ਗਰਲ ਆਲੀਆ ਭੱਟ ਅੱਜ ਆਪਣਾ 26ਵਾਂ ਜਨਮਦਿਨ ਮਨਾ ਰਹੀ ਹੈ। ਆਲੀਆ ਭੱਟ ਬਾਲੀਵੁੱਡ ਦੀ ਸਭ ਤੋਂ ਬਿਜ਼ੀ ਅਦਾਕਾਰਾਂ 'ਚੋਂ ਇਕ ਹੈ। ਆਲੀਆ ਨੇ ਬਹੁਤ ਜਲਦ ਹੀ ਆਪਣੀ ਇਕ ਵੱਖਰੀ ਪਛਾਣ ਬਣਾ ਲਈ ਹੈ ਅਤੇ ਅੱਜ ਉਹ ਟਾਪ ਅਦਾਕਾਰਾਂ 'ਚ ਗਿਣਤੀ 'ਚ ਆਉਂਦੀ ਹੈ।
ਆਲੀਆ ਭੱਟ ਬਰਥਡੇ ਸਪੈਸ਼ਲ ਪਿਕਸ —
ਦੱਸ ਦੇਈਏ ਕਿ ਆਲੀਆ ਦਾ ਦਿਨ ਸੂਰਜ ਨੂੰ ਮੱਥਾ ਟੇਕ ਕੇ ਸ਼ੁਰੂ ਹੁੰਦਾ ਹੈ। ਉਹ ਆਪਣੀ ਸਿਹਤ ਦਾ ਬਹੁਤ ਖਿਆਲ ਰੱਖਦੀ ਹੈ ਅਤੇ ਉਹ ਆਪਣੀ ਬਾਡੀ ਦੇ ਹੱਥ, ਪੈ ਦੀਆਂ ਹੱਡੀਆਂ ਨੂੰ ਜਿੱਥੇ ਚਾਹੇ ਉੱਥੇ ਮੋੜ ਲੈਂਦੀ ਹੈ। ਉਨ੍ਹਾਂ ਦਾ ਇਹ ਕਰਤਬ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਜਾਂਦਾ ਹੈ।
ਦੱਸ ਦੇਈਏ ਕਿ ਆਪਣੀ ਪਹਿਲੀ ਫਿਲਮ 'ਸਟੂਡੈਂਟ ਆਫ ਦ ਈਅਰ' ਲਈ ਆਲੀਆ ਨੇ ਆਪਣਾ 16 ਕਿਲੋ ਤੱਕ ਭਾਰ ਘਟਾਇਆ ਸੀ। ਆਲੀਆ ਆਪਣੀ ਮਾਂ ਅਤੇ ਭੈਣ ਦੇ ਵੀ ਬੇਹੱਦ ਕਰੀਬ ਹੈ।
1999 'ਚ ਆਈ ਅਕਸ਼ੈ ਕੁਮਾਰ ਅਤੇ ਪ੍ਰੀਤੀ ਜਿੰਟਾ ਦੀ ਫਿਲਮ 'ਸੰਘਰਸ਼' ਤੋਂ ਬਤੌਰ ਬਾਲ ਕਲਾਕਾਰ ਆਪਣਾ ਫਿਲਮੀ ਕਰੀਅਰ ਸ਼ੁਰੂ ਕਰਨ ਵਾਲੀ ਆਲੀਆ ਭੱਟ ਨੇ ਸਾਲ 2012 'ਚ ਫਿਲਮ 'ਸਟੂਡੈਂਟ ਆਫ ਦਿ ਈਅਰ' ਤੋਂ ਇਕ ਅਦਾਕਾਰਾ ਦੇ ਰੂਪ 'ਚ ਡੈਬਿਊ ਕੀਤਾ।
ਇਸ ਤੋਂ ਬਾਅਦ ਰਣਦੀਪ ਹੁੱਡਾ ਨਾਲ ਆਈ ਉਨ੍ਹਾਂ ਦੀ ਫਿਲਮ' ਹਾਈਵੇਅ' 'ਚ ਵੀ ਉਨ੍ਹਾਂ ਦੇ ਅਦਾਕਾਰੀ ਦੀ ਬਹੁਤ ਤਾਰੀਫ ਹੋਈ। ਆਪਣੀ ਅਦਾਕਾਰੀ ਦੇ ਦਮ 'ਤੇ ਬਾਲੀਵੁੱਡ 'ਚ ਆਪਣੀ ਇਕ ਅਲੱਗ ਥਾਂ ਬਣਾਉਣ ਵਾਲੀ ਆਲੀਆ ਦੇ ਲਈ ਹੁਣ ਫਿਲਮਾਂ ਦੀ ਲਾਈਨ ਲੱਗ ਗਈ ਹੈ।
'2 ਸਟੇਟਸ', 'ਹੰਮਟੀ ਸ਼ਰਮਾ ਕੀ ਦੁਕਹਣੀਆ', 'ਕਪੂਰ ਐਂਡ ਸਨਜ਼', 'ਉੜਤਾ ਪੰਜਾਬ' ਅਤੇ 'ਬਦਰਨੀਨਾਥ ਕੀ ਦੁਲਹਣੀਆ' ਤੱਕ ਦੇ ਸਫਰ 'ਚ ਆਲੀਆ ਕਾਫੀ ਡਿਮਾਡਿੰਗ ਅਦਾਕਾਰਾ ਬਣ ਚੁੱਕੀ ਹੈ।
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਦੱਸ ਦੇਈਏ ਕਿ ਆਲੀਆ ਅਤੇ ਰਣਬੀਰ ਇਨੀਂ ਦਿਨੀਂ ਕਰਨ ਜੌਹਰ ਦੇ ਪ੍ਰੋਡਕਸ਼ਨ ਅਤੇ ਅਯਾਨ ਮੁਖਰਜ਼ੀ ਦੇ ਡਾਇਰੈਕਸ਼ਨ 'ਚ ਬਣ ਰਹੀ ਫਿਲਮ 'ਬ੍ਰਹਮਾਸਤਰ' 'ਚ ਇਕੱਠੇ ਕੰਮ ਕਰ ਰਹੇ ਹਨ।
ਫਿਲਮ ਨੂੰ ਲੈ ਕੇ ਦਰਸ਼ਕਾਂ 'ਚ ਕਾਫੀ ਉਤਸ਼ਾਹ ਹੈ। ਇਹ ਫਿਲਮ ਇਸੇ ਸਾਲ 20 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ।