ਜਲੰਧਰ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਜਲਦ ਹੀ ਫਿਲਮ 'ਕਲੰਕ' 'ਚ ਨਜ਼ਰ ਆਉਣ ਵਾਲੀ ਹੈ। ਇਸ ਫਿਲਮ ਦਾ ਹੁਣ ਤੱਕ ਟਰੇਲਰ ਅਤੇ ਦੋ ਗੀਤ ਰਿਲੀਜ਼ ਹੋ ਗਏ ਹਨ। ਇਸੇ ਦੌਰਾਨ ਆਲੀਆ ਨੂੰ ਬੀਤੇ ਦਿਨੀਂ ਇਕ ਐਵਾਰਡ ਫੰਕਸ਼ਨ 'ਚ ਸਪੌਟ ਕੀਤਾ ਗਿਆ ਜਿੱਥੇ ਉਹ ਰੈੱਡ ਕਲਰ ਦੀ ਸਾੜ੍ਹੀ 'ਚ ਨਜ਼ਰ ਆਈ। ਆਲੀਆ ਦੀਆਂ ਇਸ ਅੰਦਾਜ਼ 'ਚ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ। ਉਸ ਦੇ ਫੈਨਜ਼ ਨੂੰ ਆਲੀਆ ਦਾ ਰੈੱਡ ਸਾੜ੍ਹੀ ਲੁੱਕ ਕਾਫੀ ਪਸੰਦ ਆ ਰਿਹਾ ਹੈ। ਐਵਾਰਡ ਨਾਈਟ 'ਚ ਆਈ ਆਲੀਆ ਨੇ ਮੀਡੀਆ ਨੂੰ ਖੂਬ ਪੋਜ਼ ਦਿੱਤੇ। ਆਲੀਆ ਦਾ ਰਵਾਇਤੀ ਰੂਪ ਦੇਖ ਹਰ ਕੋਈ ਹੈਰਾਨ ਹੋ ਗਿਆ। ਦੱਸ ਦੇਈਏ ਕਿ 'ਕਲੰਕ' ਤੋਂ ਇਲਾਵਾ ਆਲੀਆ ਜਲਦ ਹੀ ਫਿਲਮ 'ਬ੍ਰਹਮਾਸਤਰ' 'ਚ ਵੀ ਨਜ਼ਰ ਆਵੇਗੀ।