ਮੁੰਬਈ(ਬਿਊਰੋ)— ਬਾਲੀਵੁੱਡ 'ਚ ਆਲੀਆ ਭੱਟ ਤੇ ਰਣਬੀਰ ਕਪੂਰ ਕਾਫੀ ਸੁਰਖੀਆਂ 'ਚ ਹਨ ਕਿਉਂਕਿ ਹਰ ਪਾਸੇ ਉਨ੍ਹਾਂ ਦੇ ਇਸ਼ਕ ਦੇ ਚਰਚੇ ਹਨ । ਅੱਜ ਉਨ੍ਹਾਂ ਦੀ ਫਿਲਮ 'ਕਲੰਕ' ਰਿਲੀਜ਼ ਹੋਈ ਹੈ। ਅਦਾਕਾਰਾ ਹਾਲ ਹੀ 'ਚ ਇਕ ਪ੍ਰਮੋਸ਼ਨ ਇਵੈਂਟ 'ਤੇ ਨਜ਼ਰ ਆਈ। ਇਸ ਇਵੈਂਟ 'ਚ ਆਲੀਆ ਨਾਲ ਫਿਲਮ ਦੀ ਸਾਰੀ ਟੀਮ ਪਹੁੰਚੀ ਸੀ। ਵਰੁਣ, ਆਲੀਆ ਨਾਲ ਮਸਤੀ ਕਰ ਰਹੇ ਸਨ।
ਜਿੱਥੇ ਗੱਲਬਾਤ ਦੌਰਾਨ ਵਰੁਣ ਮਸਤੀ 'ਚ ਆਲੀਆ ਦੇ ਵਾਲ ਛੇੜ ਰਹੇ ਸਨ। ਵਰੁਣ ਨੂੰ ਰੋਕਣ ਸਮੇਂ ਆਲੀਆ ਨੇ ਵਰੁਣ ਦੀ ਥਾਂ ਰਣਬੀਰ ਦਾ ਨਾਂ ਲੈ ਲਿਆ।ਮੌਕੇ ਤੇ ਮੌਜੂਦ ਕੁਝ ਲੋਕਾਂ ਨੇ ਇਸ ਪਲ ਨੂੰ ਕੈਮਰੇ 'ਚ ਕੈਦ ਕਰ ਲਿਆ। ਇਹ ਵੀਡੀਓ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ 'ਚ ਸਾਫ ਸੁਣਾਈ ਦੇ ਰਿਹਾ ਹੈ ਕਿ ਆਲੀਆ ਨੇ ਰਣਬੀਰ ਦਾ ਪੂਰਾ ਨਾਂ ਨਹੀਂ ਲਿਆ ਪਰ ਆਲੀਆ ਦੇ 'ਰਣ' ਬੋਲਦੇ ਹੀ ਉੱਥੇ ਬੈਠੇ ਸਾਰੇ ਸਟਾਰਸ ਹੱਸ ਪੈਂਦੇ ਹਨ।
ਦੋਵਾਂ ਦੇ ਫੈਨਜ਼ ਨੂੰ ਵੀ ਇਹ ਵੀਡੀਓ ਖੂਬ ਪਸੰਦ ਆ ਰਹੀ ਹੈ। ਆਲੀਆ ਦੇ ਵੀਡੀਓ ਤੇ ਤਸਵੀਰਾਂ ਅਕਸਰ ਹੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ।