ਮੁੰਬਈ (ਬਿਊਰੋ)— ਆਲੀਆ ਭੱਟ ਨੇ ਹਾਲ ਹੀ 'ਚ 'ਰਾਜ਼ੀ' ਫਿਲਮ ਨਾਲ ਬਾਕਸ ਆਫਿਸ 'ਤੇ ਇਕ ਹੋਰ 100 ਕਰੋੜੀ ਫਿਲਮ ਦਿੱਤੀ ਹੈ। ਹੁਣ ਉਹ ਕਰਨ ਦੀ ਮਲਟੀਸਟਾਰਰ ਫਿਲਮ 'ਕਲੰਕ' ਦੀ ਅਤੇ ਅਯਾਨ ਦੀ ਫਿਲਮ 'ਬ੍ਰਹਮਾਸਤਰ' ਦੀ ਸ਼ੂਟਿੰਗ ਕਰ ਰਹੀ ਹੈ। ਕਰਨ ਦੀ ਫਿਲਮ 'ਚ ਆਲੀਆ ਭੱਟ ਦੀ ਜੋੜੀ ਇਕ ਵਾਰ ਫਿਰ ਤੋਂ ਵਰੁਣ ਧਵਨ ਨਾਲ ਨਜ਼ਰ ਆਉਣ ਵਾਲੀ ਹੈ ਪਰ ਇਸ ਤੋਂ ਇਲਾਵਾ ਫਿਲਮ 'ਚ ਆਲੀਆ ਅਤੇ ਮਾਧੁਰੀ ਦੀਕਸ਼ਿਤ ਦੀ ਜ਼ਬਰਦਸਤ ਟੱਕਰ ਨਜ਼ਰ ਆਉਣ ਵਾਲੀ ਹੈ।
ਜੀ ਹਾਂ, ਆਲੀਆ ਫਿਲਹਾਲ 'ਬ੍ਰਹਮਾਸਤਰ' ਦੀ ਸ਼ੂਟਿੰਗ ਲਈ ਬੁਲਗਾਰੀਆ 'ਚ ਹੈ, ਜਿੱਥੋਂ ਵਾਪਸੀ ਤੋਂ ਬਾਅਦ ਉਹ 'ਕਲੰਕ' ਦੀ ਸ਼ੂਟਿੰਗ ਕਰਨ ਵਾਲੀ ਹੈ। ਇਸ ਫਿਲਮ ਲਈ ਆਲੀਆ ਕੱਥਕ ਦੀ ਵੀ ਟ੍ਰੇਨਿੰਗ ਲੈ ਰਹੀ ਹੈ ਅਤੇ ਜਲਦੀ ਹੀ ਮਾਧੁਰੀ ਨਾਲ 'ਕਲੰਕ' 'ਚ ਉਹ ਇਕ ਗੀਤ 'ਚ ਕੱਥਕ ਕਰਦੀ ਨਜ਼ਰ ਆਉਣ ਵਾਲੀ ਹੈ। ਆਲੀਆ ਇਸ ਲਈ ਪੂਰੀ ਮਿਹਨਤ ਕਰ ਰਹੀ ਹੈ ਕਿਉਂਕਿ ਫਿਲਮ 'ਚ ਉਸ ਦਾ ਸਾਹਮਣਾ ਮਾਧੁਰੀ ਨਾਲ ਹੋਣ ਵਾਲਾ ਹੈ।
ਖਬਰਾਂ ਆ ਰਹੀਆਂ ਹਨ ਕਿ ਫਿਲਮ 'ਚ ਇਕ ਗੀਤ ਇਨ੍ਹਾਂ ਦੋਹਾਂ 'ਤੇ ਸ਼ੂਟ ਹੋਣਾ ਹੈ, ਜਿਸ ਨੂੰ ਪਰਫੈਕਟ ਬਣਾਉਣ ਲਈ ਟੀਮ ਵੀ ਪੂਰੀ ਮਿਹਨਤ ਕਰ ਰਹੀ ਹੈ। ਇਹ ਗੀਤ ਇਕ ਕਲਾਸੀਕਲ ਗੀਤ ਹੋਵੇਗਾ। ਆਲੀਆ ਨੂੰ ਕੱਥਕ ਗੁਰੂ ਪੰਡਿਤ ਬਿਰਜੂ ਮਹਾਰਾਜ ਟ੍ਰੇਨਿੰਗ ਦੇ ਰਹੇ ਹਨ, ਜਿਨ੍ਹਾਂ ਨੇ ਮਾਧੁਰੀ ਨੂੰ ਵੀ ਕੱਥਕ ਸਿਖਾਇਆ ਹੈ। 'ਕਲੰਕ' 'ਚ ਮਾਧੁਰੀ-ਆਲੀਆ ਦੀ ਕੱਥਕ ਦੀ ਜੁਗਲਬੰਦੀ ਨੂੰ ਸਕ੍ਰੀਨ 'ਤੇ ਦੇਖਣਾ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਲਈ ਖਾਸ ਹੋਣ ਵਾਲਾ ਹੈ।