ਮੁੰਬਈ(ਬਿਊਰੋ)— ਬਾਲੀਵੁੱਡ ਨਿਰਮਾਤਾ ਕਰਨ ਜੌਹਰ ਦੀ ਫਿਲਮ 'ਸਟੂਡੈਂਟ ਆਫ ਦਾ ਈਅਰ' (2012) ਨਾਲ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਆਲੀਆ ਭੱਟ ਅਤੇ ਵਰੁਣ ਧਵਨ ਦੀ ਜੋੜੀ ਨੂੰ ਦਰਸ਼ਕਾਂ 'ਚ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਸ਼ਾਇਦ ਇਹੀ ਕਾਰਨ ਹੈ ਕਿ ਦੋਹਾਂ ਨੇ ਇੱਕਠੇ ਹੁਣ ਤੱਕ 3 ਫਿਲਮਾਂ ਦਿੱਤੀਆਂ ਹਨ ਅਤੇ ਤਿੰਨੋਂ ਫਿਲਮਾਂ ਹਿੱਟ ਸਿੱਧ ਹੋਈਆਂ ਹਨ ਅਤੇ ਸ਼ਾਇਦ ਇਹੀ ਕਾਰਨ ਹੈ ਕਿ ਆਲੀਆ ਵਰੁਣ ਧਵਨ ਨਾਲ ਕੰਮ ਕਰਨ ਲਈ ਬੇਹੱਦ ਉਤਸ਼ਾਹਿਤ ਹੈ।
ਜੀ ਹਾਂ ਤੁਸੀਂ ਬਿਲਕੁੱਲ ਠੀਕ ਸੁਣਿਆ ਹੈ। ਇਸ ਗੱਲ ਦਾ ਖੁਲਾਸਾ ਖੁਦ ਆਲੀਆ ਨੇ ਇਕ ਇੰਟਰਵਿਊ 'ਚ ਕੀਤਾ। ਆਲੀਆ ਨੇ ਦੱਸਿਆ, ''ਮੈਂ ਨਿਰਦੇਸ਼ਕ ਡੇਵਿਡ ਧਵਨ ਕੋਲੋਂ ਕਈ ਵਾਰ 'ਜੁੜਵਾ 3' 'ਚ ਕੰਮ ਮੰਗਿਆ ਹੈ ਤੇ ਮੈਂ 'ਜੁੜਵਾ' ਦੇ ਅਗਲੇ ਭਾਗ 'ਚ ਕੰਮ ਕਰਨ ਲਈ ਬੇਤਾਬ ਹਾਂ।'' ਆਲੀਆ ਨੇ ਅੱਗੇ ਕਿਹਾ, ''ਮੈਂ ਡੇਵਿਡ ਸਰ ਨੂੰ ਕਿਹਾ ਹੈ ਕਿ ਤੁਸੀਂ 'ਜੁੜਵਾ 3' 'ਚ ਮੈਨੂੰ ਲੈ ਲਓ।
'ਜੁੜਵਾ' ਵਰਗੇ ਕਾਮੇਡੀ ਫਿਲਮ 'ਚ ਕੰਮ ਕਰਨ ਦੀ ਵਜ੍ਹਾ ਹੈ ਵਰੂਣ ਦੀ ਖੂਬਸੂਰਤ ਕਾਮੇਡੀ। ਦਰਸ਼ਕਾਂ ਨੂੰ ਹਸਾਉਣਾ ਆਸਾਨ ਕੰਮ ਨਹੀਂ ਹੈ।'' ਉੱਥੇ ਹੀ ਆਲੀਆ ਦੀ ਫਿਲਮਾਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਹਾਲ ਹੀ 'ਚ 'ਰਾਜ਼ੀ' ਦੀ ਸ਼ੂਟਿੰਗ ਖਤਮ ਕੀਤੀ ਹੈ। ਫਿਲਮ ਨੂੰ ਮੇਘਣਾ ਗੁਲਜਾਰ ਨੇ ਡਾਇਰੈਕਟ ਤੇ ਧਰਮਾਂ ਪ੍ਰੋਡਕਸ਼ਨ ਨੇ ਪ੍ਰੋਡਿਊਸ ਕਰ ਰਹੀ ਹੈ।
